හම්බන්තොට
හම්බන්තොට ශ්‍රී ලංකාවේ දකුණු පළාතේ පිහිටි නගරයකි.
2004 සුනාමි ව්‍යසනයෙන්ද බැට කෑ මෙම දිස්ත්‍රික්කය කලක් ඌන සංවර්ධිත කලාපයක් සේ පැවැතුණි. නමුත් දැවැන්ත සංවර්ධන ව්‍යාපෘති රාශියක් මෙම කලාපයේ ක්‍රිය නැංවීම නිසා වර්ථමාන ශ්‍රී ලංකාවේ වේගයෙන් දියුණුවන නගර අතුරින් ප්‍රධාන නගරයක් ලෙස හම්බන්තොට හඳුනාගත හැක. ශ්‍රී ලංකාවේ කොළඹ නගරයෙන් පසු, දියුණු කරමින් පවතින ප්‍රධානම අනාගත වාණිජ නගරය වන්නේද මේ හම්බන්තොට නගරයයි.
| හම්බන්තොට Hambantota | |
|---|---|
| නගරය | |
 හම්බන්තොට පරිපාලන සංකීර්ණය. | |
| රට |  ශ්‍රී ලංකාව |
| පළාත | දකුණු පළාත |
| දිස්ත්‍රික්කය | හම්බන්තොට දිස්ත්‍රික්කය |
| උන්නතාංශය | 3 ft (1 m) |
| ජනගහණය(2001) | |
| • මුළු | 11,213 |
| වේලා කලාප | +05:30 |
ඉතිහාසය
අතීතයේ රුහුණ රට පැවැතියේ මෙම ප්‍රදේශ තුලයි. එකල මෙහි සියම, චීනය සහ ඉන්දුනීසියාව වැනි රටවලින් පැමිණි සංචාරකයින් හා වෙලෙන්දන් සිටි බවත් ස්වභාවික වරායක් වූ අම්බලන්තොට, ගොඩවාය තුල ඔවුන් නැංගුරම් ලූ බවත් සඳහන් වෙයි.
2004 සුනාමිය
2004 සුනාමිය හේතුවෙන් හම්බන්තොටට විශාල ජීවිත සංඛ්‍යාවක් සහ දේපල සංඛ්‍යාවක් අහිමි විය.
දේශගුණය
මාතර හා ගාල්ල යන නගර වලට වඩා ඉතා වියලි නගරයකි. හම්බන්තොට ප්‍රධාන වශයෙන් නිවර්ථන සහ වියලි කාලගුණයක් සහිත කලාපයක් වෙයි. මෙහි පැහැදිලිව හඳුනාගත හැකි වියලි ඍතුවක් නොමැති වූවත් ජනවාරි-මාර්තු සහ ජුනි-අගෝස්තු අතර කාල තුල වර්ෂාව අඩු බව දැකගත හැක. ඔක්තෝම්බර්-නොවැම්බර් කාලය වර්ෂාව සහිත වෙයි. සාමාන්‍යයෙන් වාර්ෂිකව මිලිමීටර 1050 ක පමණ වර්ෂාපතනයක් පතනය වෙයි.
| හම්බන්තොට සඳහා කාලගුණ දත්ත | |||||||||||||
|---|---|---|---|---|---|---|---|---|---|---|---|---|---|
| මාසය | ජන | පෙබ | මාර් | අප්‍රේ | මැයි | ජුනි | ජූලි | අගෝ | සැප් | ඔක් | නොවැ | දෙසැ | වර්ෂය |
| වාර්තාගත ඉහළම උෂ්ණත්වය°C (°F) | 32.4 (90.3) | 33.2 (91.8) | 33.4 (92.1) | 34.2 (93.6) | 34.8 (94.6) | 36.1 (97) | 35.5 (95.9) | 35.5 (95.9) | 34.7 (94.5) | 34.6 (94.3) | 32.4 (90.3) | 32.7 (90.9) | 36.1 (97) |
| සාමාන්‍ය ඉහළම උෂ්ණත්වය °C (°F) | 29.8 (85.6) | 30.2 (86.4) | 30.9 (87.6) | 31.2 (88.2) | 30.7 (87.3) | 30.3 (86.5) | 30.6 (87.1) | 30.1 (86.2) | 29.9 (85.8) | 30.1 (86.2) | 29.9 (85.8) | 29.6 (85.3) | 30.28 (86.5) |
| දෙෙනික සාමාන්‍ය උෂ්ණත්වය °C (°F) | 26.3 (79.3) | 26.6 (79.9) | 27.4 (81.3) | 28.1 (82.6) | 28.1 (82.6) | 27.7 (81.9) | 27.6 (81.7) | 27.4 (81.3) | 27.2 (81) | 27.1 (80.8) | 26.8 (80.2) | 26.5 (79.7) | 27.23 (81.03) |
| සාමාන්‍ය අවම උෂ්ණත්වය °C (°F) | 22.8 (73) | 23.0 (73.4) | 23.9 (75) | 25.0 (77) | 25.5 (77.9) | 25.1 (77.2) | 24.7 (76.5) | 24.6 (76.3) | 24.5 (76.1) | 24.2 (75.6) | 23.6 (74.5) | 23.3 (73.9) | 24.18 (75.53) |
| වාර්තාගත අවම උෂ්ණත්වය °C (°F) | 19.1 (66.4) | 19.2 (66.6) | 20.5 (68.9) | 21.6 (70.9) | 21.7 (71.1) | 22.1 (71.8) | 22.0 (71.6) | 21.8 (71.2) | 21.6 (70.9) | 21.9 (71.4) | 20.6 (69.1) | 19.1 (66.4) | 19.1 (66.4) |
| වර්ෂාපතනය mm (inches) | 58 (2.28) | 47 (1.85) | 66 (2.6) | 95 (3.74) | 89 (3.5) | 59 (2.32) | 48 (1.89) | 55 (2.17) | 71 (2.8) | 151 (5.94) | 188 (7.4) | 118 (4.65) | 1,045 (41.14) |
| මූලාශ්‍ර: NOAA (1961-1990) | |||||||||||||
ආර්ථික දායකත්වය
සිමෙන්ති ඇඹරුම් කර්මාන්තශාලාවක් හා පොහොර කම්හලක් හම්බන්තොට පිහිටුවා තිබේ. මීට අමතරව ශ්‍රී ලංකාවේ වැඩිම ලුණු නිෂ්පාදනක් සහිත දිස්ත්‍රික්කයක් ලෙස හම්බන්තොට ප්‍රචලිතය.
සම්මන්ත්‍රණ මධ්‍යස්ථානය
හම්බන්තොට, සිරිබෝපුර ඉදිකල ශ්‍රී ලංකාවේ දෙවන ජාත්‍යන්තර සම්මන්ත්‍රණ මධ්‍යස්ථානය 2013 අවසන් කාර්තුවේදී ජනතා අයිතියට පත් කෙරිණි.
සුලං බලාගාරය
ශ්‍රී ලංකාවේ පලමුව ඉදිකල සුලං බලාගාරය පිහිටා තිබෙන්නේ හම්බන්තොට දිස්ත්‍රික්කයේයි.
වරාය
හම්බන්තොටට ජාත්‍යන්තර වරායක් මෑතකදී ඉදි කෙරිණි. එය අදියර 3කින් නිම කිරීමට අපේක්ෂිතය. පලමු අදියර ඇඩො මිලියන 360 ක වියදමින් 2010 දී නිමකෙරිණ. වරාය ආශ්‍රිතව විශේෂ ආර්ථික කලාපයක් පිහිටුවීමටද නියමිතයි.
ඉන්දන සැපයුම් පහසුකම්: ටැංකි 14 ක් පවතී (තෙල් සඳහා 8, ගෑස් ඇතුළු අනෙකුත් ඉන්දන වෙනුවෙන් 6 යි)
ගුවන් තොටුපල
ශ්‍රී ලංකාවේ දෙවන ජාත්‍යන්තර ගුවන් තොටුපල වූ මත්තල රාජපක්ෂ ජාත්‍යන්තර ගුවන්තොටුපළ ඉදි කොට ඇත්තේද හම්බන්තොට, මත්තල ප්‍රදේශයේ වේ.
ගමනාගමනය
හම්බන්තොට හා කොළඹ යා කරමින් A2 මාර්ගය ගාල්ල සහ මාතර අතරින් දිවෙයි.
මීට අමතරව මාතර සිට කතරගම දක්වා නව දුම්රිය මාර්ගයක් සෑදීමට පියවර ගනු ලැබිණ.
ක්‍රීඩා
ආසන 35 000 ක පමණ ධාරිතාවක් ඇති මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගනය, 2011 දී ක්‍රිකට් ලෝක කුසලානය වෙනුවෙන් විවෘත කරන ලදී. මේ සඳහා රුපියල මිලියන 900 ක් පමණ වැයවී ඇති බව සඳහන්ය. හම්බන්තොට නගරය, 2018 පොදු රාජ්‍ය මණ්ඩලයීය ක්‍රීඩා උළෙල සත්කාරකත්වය සඳහා තරඟ වැදුනත් ඔස්ට්‍රේලියාව සත්කාරකත්වය හිමි කරගත් නිසා ශ්‍රී ලංකාවට එය අහිමිවිය. නමුත් 2017 ආසියානු තරුණ ක්‍රීඩා උළෙල සත්කාරකත්වය හිමි කර ගැනීමට හම්බන්තොටට හැකිවිය. කෙසේ නමුදු පසුව ක්‍රීඩා උළෙලේ සත්කාරකත්වය ශ්‍රී ලංකාවට අහිමි විය.
සංචාරක ආකර්ෂණ
- රන්මිණිතැන්න ටෙලිසිනමා ගම්මානය - නව ටෙලි-සිනමා ගම්මානයක් හම්බන්තොට රන්මිණිතැන්න දී ඉදි කෙරිණි.
සහෝදර නගර
| Country | City | State / Region | Since |
|---|---|---|---|
 චීනය |  Guangzhou |  Guangdong | 2007 |
මේවාද බලන්න
හම්බන්තොට සුළං වාදුලි බලාගාර
භාහිර සබැදි
This article uses material from the Wikipedia සිංහල article හම්බන්තොට, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). අන්ලෙසකින් සඳහන්කර නැති සෑම විටෙකම අන්තර්ගතය CC BY-SA 4.0 යටතේ ඇත. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki සිංහල (DUHOCTRUNGQUOC.VN) is an independent company and has no affiliation with Wiki Foundation.