ၸုမ်းၶိူဝ်းတႆး
တႆး ၼႆႉ ပဵၼ်ၸုမ်းၶိူဝ်းၵူၼ်း ဢၼ်ယူႇသဝ်းတီႈ ၸဵင်ႇၸၢၼ်းဝၼ်းဢွၵ်ႇဢေးသျႃး ၸုမ်းၼိူင်ႈ။ ၵမ်ႈၼမ် ယူႇသဝ်းတီႈ ၸိုင်ႈတႆး ၼႂ်းမိူင်းႁူမ်ႈတုမ်ႊမႅၼ်ႇမႃႇ။ ၼွၵ်ႈသေၸိုင်ႈတႆး ၼႂ်းမိူင်းႁူမ်ႈတုမ်ႊမႅၼ်ႇမႃႇၼႆႉ ယူႇသဝ်းတီႈ ၸေႊတိူင်းမၢၼ်းတလေး၊ ၸေႊမိူင်းၶၢင်၊ ၸေႊမိူင်းယၢင်းၽိူၵ်ႇ။ ၼႂ်းမိူင်းၶႄႇ လႄႈ မိူင်းထႆး ဢၼ်တိတ်းၸပ်းဝႆႉတင်း ၸိုင်ႈတႆးၼႆၵေႃႈ မီးတႆး ယူႇသဝ်းဝႆႉတင်းၼမ်။ ၼႂ်းမိူင်းႁူမ်ႈတုမ်ႊမႅၼ်ႇမႃႇၼႆႉ မီးတႆး ယူႇသဝ်းဝႆႉ မွၵ်ႈႁူၵ်းလၢၼ်ႉ ၼႆယူႇယဝ်ႉ။
ပိုၼ်းတၢင်းလင်
တႆးၼႆႉ ပႃးၼႂ်းၸုမ်းၸၢဝ်းလူင် တိပႅတ်ႉ-ၶႄႇ။ ပၢၼ်မိူဝ်ႈၸဝ်ႉၼၼ်ႉ ယၢမ်ႈတင်ႈမႃး မိူင်းလူင်ၼွင်သႄ (မၢင်ႊၸိူဝ်းလၢမ်းဝႃႈပဵၼ် လၢၼ်ႉၸဝ်ႈ၊ ၶႄႇသမ်ႉႁွင်ႉဝႃႈ ၼၢၼ်ၸၢဝ်ႈ။) မိူဝ်ႈႁူဝ်ပၢၵ်ႇပီႊၵဝ်ႈၼၼ်ႉ တီႈမိူင်းၶႄႇၼၼ်ႉ ၶိူဝ်းႁိူၼ်းထၢင်ၶဝ် ယႂ်ႇၶႅင်ႁႅင်းထႃးမႃးသေ မိူင်းၼွင်သႄၵေႃႈ ႁႅင်းယူပ်ႈယွမ်းမႃး။ ၵူၺ်းၵႃႊ မိူင်းၼွင်သႄၼႆႉ လူမ်ႉပင်းၵႂႃႇလုမ်းလုမ်းၵေႃႈ ဢမ်ႇၸႂ်ႈ။ သိုပ်ႇၸုၵ်းမၼ်ႈလႆႈ ပၢၼ်ၶိူဝ်းႁိူၼ်းထၢင်ၶဝ် တေႃႇထိုင် ပၢၼ်ၶိူဝ်းႁိူၼ်းသူင်ႉၶဝ်ၼၼ်ႉယူႇယဝ်ႉ။
This article uses material from the Wikipedia လိၵ်ႈတႆး article ၸုမ်းၶိူဝ်းတႆး, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ၸိူဝ်းၶဝ်ႈပႃးဝႆႉၼႆႉ မၼ်းတေၸၢင်ႈၸႂ်ႉလႆႈ ၵႃႈတီႈ မ်ႂ CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki လိၵ်ႈတႆး (DUHOCTRUNGQUOC.VN) is an independent company and has no affiliation with Wiki Foundation.