Xadija illis n Xuwaylid bnt Asad taquraycit tlul ɣ 68 dat.hi tmmut 3 dat.hi (556 m - 620 m) tga ymmas n imumnen d tamzwarut zɣ timɣarin n urqqas Muḥammad taẓallit n rbbi fllas d ymmas n kul tarwa nns war arraw nns Ibrahim, tddr Xadija d urqqas ɣ uzmz n zɣ dat n Lbiɛta tanabawit, tkka ttin ar tsḥussu s nnubuwa n urgaz nns, tkkatin ar ttɛtana s tgmmi nns d tarwa nns, ar ttsiyyr tirkafin n tsbbabt, ar tḥyyal i urqqas Muḥammad aynna ira ɣ ufuɣ nns s ifri n ḥara, d lliɣ ysggiz rbbi lwaḥy nns f urqqas, tga Xadija tamzwarut zɣ win t yumen, tdda sis s arraw n ɛmmis n Waraqa Bn Nufa nna ybccrt mas iga urqqas tumast, tga tamzwarut zɣ win yumnen s urqqas zɣ irgazn d tmɣarin, d tamzwarut nna yttuḍḍan d tẓẓul, tɣimi dffir maya tṣbṛ d urqqas ɣ iskrkisn n qurayc d taɛaddu nns f imuslmn, ar ma ylla lḥiṣar n Qurayc f Bani Hacim d Bani Almuṭṭalib ɣ cciɛab n Abi Ṭalib, tltaḥq s urgaz nns ɣ cciɛab, tzzri ma yzzri Banu Hacim zɣ laẓ d waṭṭan nig kraḍ isggasn, dffir ma yfukk ufrag f urqqas n rbbi d win dis yllan tuḍn Xadija.
Tmmut Xadija dffir tamttant n ɛmmis n urqqas Abi Ṭalib n Ɛabd Lmuṭṭalib s kraḍ wussan.
This article uses material from the Wikipedia Taclḥit article Xadija bintu Xuwaylid, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.