Amawas
Amawas ar ittyura (s tifinaɣ ⴰⵎⴰⵡⴰⵙ) iga yan unazur imqqurn asusi amṛṛuki.
Ilul ɣ usggas 1978 ɣ Dcayra, tasga n iffus n Ugadir, tamdint n umarg amaziɣ. Ɣin aɣ iɣra ɣin a ɣ issnti tabrida ns ɣ umarg.
Ɣ mzzi ns sul, Amawas ittut s uɣdjaj n umarg, inkḍ ɣ wallaɣ n uzawan, amzzuɣ ns issfld i i ur d imik ɣ taḍḍangiwin n umarg n rrways, ɣik lli d yugm ɣ tarmiwin n imarirn itrarn (taznẓart, Ɛmmuri Mbark d wiyyaḍ).
Isnti tarmi ns ɣ 2000. ɣ umzwaru, yiws ɣ immussutn idlsann, iwizn n uzawan n tmsmunin ɣ tsga n Ugadir, Amawas ɣilad iskr amras ns ngr ayt umarg ɣ kraygat mani ɣ Umṛṛuk.
Tasmɣurt n usnflul ɣ unmuggar n Tmitar ɣ 2005 lli yiwi, tul as bahra atig ɣ dar imarayn ns, aylli isgrn ɣ 2006 ad isffuɣ tasffift niɣd CD ns Taɣufi ɣ yan usqqul amaḍlan.
Tasfift tamzwarut
Igat Taɣufi ilint gis mnnawt tiytin (amun tiyt) lli igan:
- Tayri nm : tamdyazt n Muḥmmad Usus
- Nkkin : tamdyazt n Muḥmmad Akunaḍ
- Nzant: tamdyazt n Muḥmmad Akunaḍ
- Nlla sul: tamdyazt n Muḥmmad Usus
- Taɣufi: tamdyazt n Ali Sedqi Azayku
Iwaliwn n taɣufi
- S tirra n Σli Sedqi Azayku
- Ddiɣ ur dari mad ak a winu ttiniɣ
- Adar inu ar ittddu, tasa nu kmmi n
- Ad gis inɣan igidr lli kkusiɣ nkki n
- Tayri nm tikṣṣad inu ugiɣ ad rwlɣ
- Ndel srs ar nssa gis nffaɣ isuyas
- Imɣza araɣ qqazn ɣ ismdal nnaɣ
- Inaɣan f wiyyaḍ ur jjin salan, ur rmin
- Ddiɣ ur dari mad ak a winu ttiniɣ
- Iɣ nfl kra nddu han is nra ad t awiɣ
- Ad didi ilin, ur idda an drɣ ssikln aɣ
- Ur rad sar naf nekki dis ad sul nsawal
- Tnɣa yyi taɣufi, waxxa yuf an ur aḍuɣ
- Ad ak^ ur tinnit id is kn ttuɣ, ur ufiɣ
- Iɣra yyi kra, iqqan aɣ d ad t lkmɣ, nflk
- Ddiɣ ur dari mad ak a winu ttiniɣ
- Iɣ teddit dar usagm kti d is ak nniɣ
- Imun unzar d tagut ɣ ulawn kigan
- Ass nna bdan issudu unzar akal nnaɣ
- Ibbaqi d wakal iger s tudert neg amud
- Imettawn n tagut iɣ taggug aɣ assan
- Nekki d im ar nessa win tittit igum aɣ
- Ddiɣ ur dari mad ak a winu ttiniɣ
- Tgit andaru lliɣ atlalan igadren
- Ur ssinɣ aylliɣ nestara timizar
- Kemmi n ur tssent nɣal is a ten tneqqat
- Neffuɣ nesgutti kigan nger s unaruz
- Nɣal is naggug nmun bedda ɣ uɣaras
- Neqqel s unzar d tagut ad bdun nmun
- Kigan ad netini ɣemk ur jjit uriɣ
- Ɣ ass ad ɣ turiɣ ha tabrat inu tlkem n
Izdayn n brra
Isaɣuln
This article uses material from the Wikipedia Taclḥit article Amawas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.