Panthera leo leo
Agrzam n Waṭlas | |
---|---|
Tasnsartut | |
Tagldit | Animalia |
Tazuni | Chordata |
Asmil | Mammalia |
Anmala | Carnivora |
Tawja | Felidae |
Anaw | Panthera |
Tawsit | Panthera leo |
Adu-tlmst | Panthera leo leo Linnaeus, 1758 |
Izm amaziɣ nɣ d Izm n Waṭlas, iga yan wanaw n izmawn yafuḍn ɣ taganin ɣ umzwaru n tasut tiss snat tmrawin, ikkatt inn izdɣ ɣ yiẓẓlmḍ n tfṛiqt d yafuḍ ɣ usggʷas n 1940.
Kkan-tt inn izmawn n waṭlas zzɣ iɣẓwan igʷmmrn iṛumyan afad att-n awin s Ṛuma ɣ iskniwn, d ar-tn ttajjan s laẓ i kigan n wussan afad ad gn iramyarn uggar ilmma ar asbn ttnuṛẓumn f imnɣayn d wanna f nbḍn s tinɣi afad attn ccn. Izmawn imaziɣn gan afrruy i kullu imqquṛn ɣ izmawn, dar tlkkm taẓḍuyt n wawtm gr 200 ar 300 kilugram d tiwtmin gr 120 ar 190 kilugram d maya d ar immala mas yadlli illa tagadda n iksiln ibangalin ɣ uksay, macc kra n imustawn ar ttɣaln mas d iksayn ad ssigʷtn gisn d mas d aksay nnsn iga tagadda n igrzamn n yiffus n tiniri tamqqrant ilkkmn 200 kilugram.
Afuḍn izmawn ɣ tagut n Libya ɣ usggʷas n 1700 s usuds, d ɣ Tuns ɣ 1891 ɣ tama n tiɣrmt n babuc, amma ɣ Dzayr gʷmrn agrzam iggʷran ɣ 1910 ɣ dar "Suq ahras", macc illa ma yttinin mas d agrzam iggʷran ɣ Dzayr ittugʷmar ɣ 1943.
Kkantt inn iɛutmanin ar ssbɣasn tagʷmrt n igrzamn ɣ Tuns d Dzayr, d ar akkan atig iggutn f ilm nns, amma dffir lliɣ ikcm asdurruy afṛanṣiṣ s tmizar ad, iḍr watig n yilm, d ar yadlli gis akkan ɣar 50 frank, d aɣuln kigan n ifṛanṣiṣn izdɣn ɣ tmizar ad gan ingʷmarn n igrzamn, d nɣan uggar n 200 n ugrzam ɣ Dzayr gr 1873 d 1883.
Laḥ izmawn ɣ uftas amɣṛabi ɣ tuẓẓumt n tasut tiss tẓa d mrawt (19) macc ɣaman ddrn gis arkiɣ ittwanɣa ɣɣʷalli gisn iggʷran ɣ usggʷas n 1942.
Ar ittnunnt mas d amntil amqqran ɣ wafuḍ n yizmawn imaziɣn gan-tn isnfaln iwnḍan i ttyumsarn, acku kkan tt inn middn ar ttkkisn addagn n taganin afadd adskrn isksatn n ifunasn d may ad ad iskrn yan umukris awnḍan ɣ tigʷmrin n igrzamn ad, zund udadn d iznkaḍ d izrzrn, d mayad ad igan amntil id yiwin ar kiɣ drusn imḍann n igrzamn, acku urufin mad gʷmmrn, d smmdn tt s tagʷmrt igan amntil ɣ tmtantt n ma iɣaman ɣ imudar ad.
Amnni ad iga amud, imẓẓiy sul. Aws i Wikipidya s usnfl nns, tssimɣurt t.
This article uses material from the Wikipedia Taclḥit article Agrzam n Waṭlas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.