Ḥannabaɛl
Ḥannabaɛl (Hǎnnibal Barca, 247 qbl talalit– ? 183/2/1 qbl talalit), ikka-tt-inn iga yan umɣar n wawank d yan ujiniṛal igan aqrṭaj.
Ikka-tt-inn iga acngu n tgduda taṛumit akkʷ imqqurn.
 Ḥannabaɛl | |
|---|---|
 | |
| Tudrt | |
| Talalit | Qarṭaj, 247 BCE |
| Taɣlant | civilisation carthaginoise |
| Tamttant | Gebze, 183 BCE |
| Tamntilt n tmttant | Anɣiman (intoxication) |
| Tawja | |
| Babas | Hamilcar Barca |
| Itahl | Himilce |
| Arraw nns | view
|
| Aytmas d istmas | view
|
| Taqbilt | At Brqa |
| Tawuri | |
| Tawuri | asrtay d chef militaire |
| Tismɣurin | ẓṛ
|
| Tanafut tasrdast | |
| Iẓli asrdas | armée de Carthage |
| Tasddart | commandant en chef |
| Ynnuɣ ɣ | Amgaru Abuniq Wis-sin Barcid conquest of Hispania guerre antiochique |
Ḥannabaɛl, ittyawssan bahra s aylli iskr ɣ ammas n yimnɣi Abuniq wis-sin. Izzigz s yat tsrdast zɣ Ibiriya isaka-tn iggi n yidrarn Ibṛansiyn d yidrarn n Walb ar agafa n Ṭalyan ɣilli ɣ inra Iṛumiyn ammas n yan usddiy n yinaɣan. Ammas n yimnɣi n Cannae, ikka f tsrdast n Iṛumiyn akkʷ darsn ixatrn ɣ umzruy nnsn; inra-tn yan s yan.
Tasrdast n Iṛumiyn ɣ Cannae, tlkm akud-ann attayn n 16 legions d tmuttrt n 86,000 urgaz. Uggar n 80% ɣ tsrdast ad; illa zgitsn mayd ittunɣan yili zgitsn mayd ittyukrafn, ilin daɣ zɣ gitsn yan mnnaw ɣ yimɣarn nnsn. Ḥannabaɛl, ihḍa yat tsrdast ɣ ammas n Ṭalyan i mnnaw yisggʷasn. Ɣ unggaru, tsnnukma-t yat tukkya taṛumit ɣ Tfriqt Ugafa ad yurri s Qrṭaj. Ittrẓa gis, zzugn-t Iṛumiyn bṛṛa n Qrṭaj bzziz nns.
Iddr ɣ usarag n Seleucid, isqnɛa ɣinn agllid-nns ad immaɣ mgal Ṛuma. Maccan lliɣ ittrẓa ɣ yan yimnɣi n yill, irwl Hannibaal s ammas n usarag n Bithynian. Ukan, lliɣ as-nnan Iṛumiyn ad isrs yimrign nns s yat tklit, inɣa ixf-nns ɣ lḥin.
Ar ittyawḥsab Hannibaal f yikumanḍarn n lɛṣkr akkʷ xatrnin. Amussnaw n umzruy n military Ayrault Dodge, iga-as yat twal s yism "babas n tstratijit" acku mqqar iga acngu n Ṛuma akkʷ imqqurn ɣ akud-ann, kkantinn ar dars ttagʷmn Iṛumiyn tiwngimin n lɛṣkr d ar tn-ssnɣaln.
Tuddma n umcwaṛ
Ibbas n Hannibaal, Hamilcar, Ikka-tt-inn iga akumanḍar n tisrdasin n Iqrṭajiniyn tigira n umnɣi Abuniq amzwaru. Lliɣ tettrẓa Qrṭaj ɣ umnɣi, ibbi Hamilcar ill afad ad islk tiqbilin n ɣayda mi ttinin ɣ ass-a Ṣbanya.
Izdayn n Brra
- Hannibal Barca and the Punic Wars
- Ancient History Sourcebook: Polybius (c.200-after 118 BC): The Character of Hannibal
- "Rome and Carthage: Classic Battle Joined" Article by Greg Yocherer from Military History Magazine
- Cannae
Amnni ad iga amud, imẓẓiy sul. Aws i Wikipidya s usnfl nns, tssimɣurt t.
Isaɣuln
This article uses material from the Wikipedia Taclḥit article Ḥannabaɛl, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.