لالا لجپت راءِ

جنم

لالا لجپت راءِ 1865ع ۾ پنجاب ۾ ڄائو.

سوانح

لالا لجپتراءِ (Lala Lajpat Raai) پنجاب جو هندو ليکڪ ۽ سياستدان ٿي گذريو آهي، جنهن آزاديءَ لاءِ انگريزن سان سڄي عمر ويڙهاند ڪئي. لجپتراءِ وڪالت جي تعليم لاهور مان حاصل ڪئي ۽ ماڻهن کي سياست ۽ لکڻين ذريعي آزاديءَ جي مهم لاءِ سجاڳ ڪيو. پاڻ “آريا گزيٽ” نالي اخبار به ڪڍيائين ۽ سرونٽس آف پيپل (Servants of people) سوسائٽي پڻ قائم ڪئي.

ڊي اسٽوري آف ماءِ لائيف

هن جي انگريزي ۾ لکيل آٽو بايوگرافي “دي اسٽوري آف ماءِ لائيف” تمام مشهور آهي. سندس هڪ ٻه ٻيا ڪتاب به بيحد مشهور آهن جيڪي سياست جي شاگردن ۽ سياستدانن کي ضرور پڙهڻ کپن. هن آخري ڪتاب “اَن هئپي انڊيا” (Unhappy India) لالا لجپتراءِ “مدر انڊيا” ڪتاب جي جواب ۾ لکيو آهي، جيڪو آمريڪن تاريخدان “ڪئٿرين مايو” لکيو هو.

لجپت روڊ

لالا لجپتراءِ جي نالي سان روڊ نه رڳو ممبئي ۾ آهي, جيڪو ممبئي ۾ حاجي علي چونڪ وٽ آهي پر لالا لجپت جي نالي سان روڊ حيدرآباد، سنڌ ۾ پڻ آهي. جنهن کي لجپت روڊ سڏيو وڃي ٿو.

لالا لجپتراءِ جا لکيل ڪتاب

• The man and his work
• USA - A hindu’s impression and a Study
• England’s Debt to India
• Unhappy India

ديهانت

1928ع ۾ لاڏاڻو ڪري ويو.

حوالا