رجني ڪانت
رجني ڪانت (انگريزي: Rajnikanth)، پيدائشي نالو شيواجي راءُ گائيڪواد، پيدائش 12 ڊسمبر 1950ع، ھندوستاني اداڪار، پيشڪار ۽ اسڪرين ليکڪ آھي، جيڪو بُنيادي طور تي تامل فلمن ۾ ڪم ڪندو آھي.
ھن چئن تامل ناڊو اسٽيٽ فلم بيسٽ ايڪٽر ايوارڊ ۽ ھڪ فلم فيئر بيسٽ تامل ايڪٽر ايوارڊ سميت ڪيترائي اعزاز حاصل ڪيا آھن. ھندوستان جي حڪومت پاران کيس پدما ويڀوشن (2016ع) ۽ پدما ڀوشن (2020ع) جي اعزاز سان نوازيو ويو آھي. چوٿين وِجي ايوارڊس ۾ کيس ھندوستاني سئنيما ۾ بھترين ڪم عيوض چيوالائير شيواجي گڻيسن ايوارڊ مليو. 2014ع ۾ 45 ھين عالمي انڊين فلم فيسٽيول ۾ کيس "سينٽينري ايوارڊ فار انڊين فلم پرسنيلٽي آف دَ ييئر" سان نوازيو ويو. 2019ع ۾ عالمي انڊين فلم فيسٽيول جي 50 ھين ايڊيشن جي موقعي تي کيس "آئيڪون آف گلوبل جوبلي ايوارڊ" سان نوازيو ويو. ھن کي تامل سئنيما جي تاريخ ۾ ايم جي راماچندرن کانپوءِ ٻئي نمبر تي سڀني کان وڌيڪ ڪمائيندڙ اداڪار طور ڏٺو ويندو آھي. 67 ھين نيشنل فلم ايوارڊس جي موقعي تي کيس ھندوستاني سئنيما جي شعبي ۾ وڏي ۾ وڏي ايوارڊ دادا صاحب ڦالڪي ايوارڊ سان نوازيو ويو.
حوالا
This article uses material from the Wikipedia سنڌي، سندھی ، सिन्ध article رجني ڪانت, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). مواد CC BY-SA 4.0 ھيٺ موجود آھي جيسيتائين ٻي صورت واضع نہ ڪئي وڃي. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سنڌي، سندھی ، सिन्ध (DUHOCTRUNGQUOC.VN) is an independent company and has no affiliation with Wiki Foundation.