Tunisie Revolution

The events began in December 2010 an led tae the oostin o langtime Preses Zine El Abidine Ben Ali in Januar 2011.

Tunisie Revolution الثورة التونسية
Protesters wi a sign that says "Ben Ali, get oot” in French.
Date	18 December 2010 – 14 Januar 2011 (3 weeks an 6 days)
Location	Tunisie
Caused bi	Government corruption Inflation Unemployment Political repression
Methods	Ceevil resistance Demonstrations General strikes Self-immolations Spontaneous uprisins
Resultit in	Owerthrow o Ben Ali govrenment Resignation o Prime Meenister Ghannouchi Dissolution o the poleetical police Dissolution o the RCD, the umwhile rulin pairty o Tunisie an liquidation o its assets Release o poleetical prisoners Elections tae a Constituent Assembly on 23 October 2011
Casualties
Daith(s)	338
Injures	2,147

The demonstrations wur precipitatit bi heich unemployment, fuid inflation, corruption, a lack o freedom o speech an ither poleetical freedom an poor livin conditions. The protests constitutit the maist dramatic wave o social an poleetical unrest in Tunisie in three decades an hae resultit in scores o daiths an injuries, maist o which wur the result o action bi polis an security forces against demonstrators. The protests wur spairked bi the sel-immolation o Mohamed Bouazizi on December 17 an led tae the oostin o Preses Zine El Abidine Ben Ali 28 days later on 14 Januar 2011, whan he offeecially resigned efter fleein tae Saudi Arabie, endin 23 years in pouer. Labour unions wur said tae be an integral pairt o the protests. The protests inspired seemilar actions throughoot the Arab warld; the Egyptian revolution began efter the events in Tunisie an an' a' led tae the oostin o Egyp's langtime preses Hosni Mubarak; furthermair, protests hae an aa taken place in Algerie, Yemen, Libie, Jordan, Bahrain, Iraq, Mauritanie, Pakistan an elsewhaur in the wider Middle East an North Africae.

In Tunisie an the wider Arab warld, the protests an chynge in govrenment are cried the Sidi Bouzid Revolt, derived frae Sidi Bouzid, the ceety whaur the initial protests began. In the media, thir events hae been dubbed the Jasmine Revolution in keepin wi the geopoleetical nomenclature o "color revolutions", awtho the comparison is disputit, notably bi mony Tunisians thairsels.