Li Vànnali èranu nu pòpulu cussiddittu bàrbaru, chi cu àutri cuntribbuìu ô diclinu e â scumparuta di lu mpiru rumanu.
Ô cursu dû V sèculu occuparu li costi sittintriunali di l'Àfrica, e già ntô 440, guidati di Gensericu, cunquistanu la Sicilia rumana, livànnula dê manu di lu mpiru rumanu d'uccidenti. Attàccanu puru li cità custei dâ Calàbbria e dâ Basilicata. Ntô 455 traseru a Roma chi fu misa a saccu.
Li vànnali ntô 468 batteru lu rumani chi avìanu tintatu n'upirazzioni contra di iddi. Addoppu, arrinisceru a tèniri la Sicilia, nzinu â guerra contra Odoacri ntô 476-477, chi prubbabbirmenti sinnàu la spartizzioni dâ Sicilia cu l'Ostrogoti. La Sicilia divintau ntiramenti Ostrogota ntô 491, quannu la figghia di Teodoricu, re di l'ostrogoti, si spusau cu Trasamunnu, re dî Vannali.
Li Vànnali tinìanu ancora tutta la costa dâ Tunisia di l'Algiria e la Sardegna. Forru battuti ntô 534 dû ginirali bizzantinu Belisariu, chi n sèguitu libbirau la Sicilia e l'Italia dî Ostrogoti.
This article uses material from the Wikipedia Sicilianu article Vànnali, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.