E Torna Parrinu E Ciùscia
La sprissioni e torna parrinu e ciùscia veni arrivurgiuta a un cristianu ca nfastidisci, o ca nzisti a fari cosi fastidiusi; oppuru quannu quarc'unu arritorna sempri cu nu stissu discursu facennu finta di non capiri li raggiuni di l'àutru; veni dittu a cui sbagghia ntô fari na cosa e cci si spieca unn'è ca sbagghiau e torna sempri a fari lu stissu sbagghiu.
Urìggini dâ sprissioni
Nu Palazzazzu di San Petru Clarenza 'n pruvincia di Catania, ca na vota era pruprità di Signuri dû paisi ma ca ora è pri bona parti sdirubbatu e unni ora li cuntatini cci sàrvanu pagghia pi l'armali, si dici ca è abbitatu di li spirdi.
Nu viddanu ivu na vota, versu a menzanotti, nta stu palazzazzu pri pigghiari pagghia pi l'armali. Trasutu, addumau na cannila pi putiri vidìricci. Quannu eccu nu parrinu câ papalina s'ammustra e si diriggi chianu-chianu a la cannila e cu nu ciusciu l'astuta. Lu viddanu pigghia n'àutru pòspiru e adduma la cannilla, dicennu a chiddu ca cridìa fussi nu parrinu veru. " A ora, vossignuria mi scherza cu n'àutru e non cu mia ".
Ma lu parrinu turnau cu nu ciusciu a stutari la cannila " Vossia s'arricrìa e jù 'n tuttu haiu n'àutru pòspiru p'addumalla..." e pâ terza vota adduma la cannila, ma pâ terza vota chiddu cci l'astuta.
Allura lu viddanu capiu "E torna parrinu e ciùscia !" gridau " chistu diavulu è!!" e si fici lu segnu di la cruci.
Ntô paisi ssa sprissioni "e torna parrinu e ciùscia" arristau e si usa arripètiri quannu quarc'unu mpurtuna cu nzistenza sùpira lu stissu argumentu.
| Lingua Siciliana |
|---|
| Cosi di tutti jorna - Azzioni umani - Prufissioni - Sprissioni Tipici - Lingua Siciliana |
Ccà sutta s’attròvanu , spartuti pri òrdini alfabbèticu, na picca di sprissioni tìpichi siciliani e modi di diri.
| Sprissioni siciliani - Modi di diri |
|---|
| A - B - C - DE - F - G - HIJ - L - M - N - O - P - Q - R - S - TU - VZ |
A
sprissioni | significatu | ambitu |
|---|---|---|
| Abbagnàricci u pani | pigghiari unu pi fissa | Scherzu |
| Abbagnàrisi prima di chiòviri | prioccupàrsi prima dû tempu | |
| Accattàrisi a grancascia | èssiri ntra la cuva | |
| Acchianari e scinniri scali dî tribbunali | iri firiannu uffici uffici | |
| Ammucca muschi | pirsuna uzziusa | Lagnusìa |
| Ammucca lapuni | pirsuna ca si fa pigghiàri pi fissa | Simpliciunirìa |
| Ammuttari û fumu câ stanga | fari un travagghiu nùtuli | |
| Armuzza scunzulata | pirsuna affritta | |
| Aviri a vucca duci e u culu amaru | unu chi si senti ô cuntrariu di zoccu dici |
This article uses material from the Wikipedia Sicilianu article E torna parrinu e ciùscia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.