Carnalivari
Lu carnalivari (o carnaluvari) è na festa lijata a tradizzioni chi pìgghianu urìggini forsi ntê usanzi pagani e chi currispunni ntê paisi cattòlichi cu la vigghilia di l'inizziu dâ Quarèsima.
| « A carnalivari ogni scherzu vali. » | |
(Pruverbiu talianu) |
Si carattirizza di na serî di manifistazzioni pupulari unni li genti hannu la pussibbilitati di stracanciàrisi, di urganizzari passiati n màschira, carri alliggòrici e festi pupulari assai ntisi.
Tra li carnaluvari cchiù mpurtanti ntô munnu cci sunnu sicuramenti chiddu di Riu de Janeiru, chiddu di Vinezzia e chiddu di Viareggiu. N'Italia sunnu assai mpurtanti puru lu carnavali di Putignanu ntâ Pugghia e chiddu di Jaci n Sicilia.
La palora «carnalivari» diriva dû latinu "carnem levare", chi anticamenti significava lu banchettu d'abbulizzioni dâ carni chi si tinìa sùbbutu prima dû pirìudu di dijunu, e dâ rinunzia ô piaciri, dâ Quarèsima.
La durata dâ festa pò variari a secunna â tradizzioni dî paisi di una simana nzinu a quarchi misi.
Lu brìnnisi
'N quarchi banna dâ Sicilia è usuali ca â finuta dû carnaliviri, l'òspiti pruponi nu brìnnisi, ma prima dâ bicchirata, na puisìa nica veni ricitata. Quarchi asempiu:
- Chistu vinu è bellu e finu
- e mi ciàura di lumìa
- un brìnnisi fazzu a sta cumpagnìa.
- Chistu vinu è bellu e finu
- friscu friscu veni di la vutti
- fazzu un brìnnisi a tutti.
- Chistu è vinu di musìa
- lu guardu mentri lu tegnu ntra li manu
- stu brìnnisi è fattu a lu me cristianu. (zzoè lu maritu dâ fìmmina chi ricita la puisìa)
Lijami di fora
- CarnevaleAcireale - Lu cchiù beddu Carnalivari dâ Sicilia
Rifirimenti
This article uses material from the Wikipedia Sicilianu article Carnalivari, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.