Articulu in logudoresu
Sa limba matzedònia est un'idioma isravu faeddadu a dies de oe dae unos duos milliones de pessones, mescamente in sa Matzedònia de su Norte atuale, cun minorias minores in sos paìsos a curtzu e unu disterru bastante cussideràbile in nassiones che Alemània, Isvìtzera, IAA, eac.
Est meda assimizadore a su bùrgaru: ambas limbas sunt sas ùnigas de orìzine israva chi non tenent degrinaduras e possuent s'artìgulu determinadu, chi si ponet a s'agabu de sa paraula (pro narrer: "kniga", libru, "knigata", su libru). Su matzedòniu est una limba zòvana: difatis, est petzi dae a inghìriu de su 1940 chi tenet un'istandard recunnotu e una literadura rica e sighida.
In Itàlia continentale bivit una comunidade matzedònia bastante notàbile, mescamente in tzidades che Trebisu, Bissèntzia e Praghèntzia (in custa ùrtima, sos emigradores apròghilant prus chi totu dae sa zona de Strumica, una bidda de su suddu-estu de sa Matzedònia de su Norte), cando chi sa presèntzia de matzedònios in Sardinna est, pro su mamentu, iscassa.
This article uses material from the Wikipedia Sardu article Limba matzedònia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.