Cannabis 420: Trèmene furriadu in contu de su fràgiu de cannabis

Custu artìculu est iscritu in sa grafia campidanesa. Abbàida sas àteras bariedades gràficas:

420, 4:20 o 4/20 (pronuntziau cuàturu-binti) es unu fueddu in còdixi de sa cultura de sa cannabis arrelatau cun su s'impreu de custa sustàntzia.

Indicat fintzas sa dii de su 20 de abrili, chi est bessida festa de sa contracultura nord-americana.

In su 1975, cincu studiantis de scola secundària me in San Rafael, California, narànt "4:20" unu pranu po circai unu terrenu abandonau postu a cannabis, basau in una mapa de scusòrgiu e elaborau de su massaju. Is cincu studiantis (Steve Capper, Dave Reddix, Jeffrey Noel, Larry Schwartz e Mark Gravich), chi si fiant postus "Waldos" poita ca su logu de atòbiu insoru fiat unu muru (wall) a foras de scola, iant sceberau sa stàtua de Louis Pasteur me is terrenus de sa San Rafael High School comenti logu de incomentzu de sa circa, e is 16:20 (4:20 PM) comenti oràriu de atòbiu. Is Waldos narànt a custu pranu "4:20 Louis". Apustis de intentus vàrius, mai arrennèscius, de agatai su cultivu, su grupu a sa fini at incurtziau sa fràsia in "4:20", chi est bessia sa crai chi is giovuneddus impreànt po chistionai de s'impreu de cannabis.

Segundu su formau americanu de scriidura de sa data, 4/20 podit indicai su 20 de abrili, duncas custa dii est bessida una festa de sa contracultura nord-americana innui is personas s'atòbiant po impreai sa cannabis. Unus cantu eventus tenint una natura polìtica, amparendi sa legalizatzioni de sa cannabis.

 

Is manifestadas principalis in Nord America funt organizadas me is logus chi sighint:

• Hippie Hill in San Francisco's Golden Gate Park acanta a s'apendìtziu de Haight-Ashbury;
• University of Colorado's Boulder campus;
• Ottawa, Ontario, in Parliament Hill e Major's Hill Park;
• Montréal, Quebec, anchè is monumentus de Mount Royal;
• Edmonton, Alberta, Alberta Legislature Building;
• Vancouver, British Columbia, Vancouver Art Gallery, de su 2016 fintzas in Sunset Beach.

• (EN) 420 Meaning: The True Story Of How April 20 Became ‘Weed Day’, in huffpost.com.
• (EN) Mom and Dad now know about ”4/20”, in santacruzsentinel.com.
• (EN) The new high life, in latimes.com.
• (ES) ¿Por qué celebramos el 420? La verdadera historia detrás del “Día de la Marihuana”, in weedmagazine.net.