ᱵᱷᱟᱫᱚᱨ ᱵᱚᱝᱜᱟ
ᱵᱷᱟᱫᱚᱨ ᱵᱚᱝᱜᱟ ᱫᱚ ᱥᱮᱨᱢᱟ ᱨᱮᱱᱟᱜ ᱤᱨᱟᱹᱞᱟᱜ ᱵᱚᱝᱜᱟ ᱵᱟᱝ ᱪᱟᱸᱫᱚ ᱠᱟᱱᱟ ᱾ ᱱᱚᱶᱟ ᱵᱚᱝᱜᱟ ᱫᱚ ᱥᱟᱱ ᱵᱚᱝᱜᱟ ᱛᱟᱭᱚᱢ ᱟᱨ ᱫᱟᱥᱟᱸᱭ ᱵᱚᱝᱜᱟ ᱢᱟᱬᱟᱝ ᱦᱤᱡᱩᱜ-ᱟ ᱾ ᱵᱟᱹᱫ ᱠᱚ ᱨᱚ ᱫᱟᱜ ᱮ ᱚᱨ ᱛᱮ ᱵᱷᱟᱫᱚᱨ ᱵᱚᱝᱜᱟ ᱧᱩᱛᱩᱢ ᱟᱠᱟᱱᱟ ᱾
ᱯᱟᱨᱟᱵᱽ ᱯᱩᱱᱟᱹᱭ
ᱵᱷᱟᱫᱚᱨ ᱵᱚᱝᱜᱟ ᱠᱩᱱᱟ.ᱢᱤ ᱨᱮᱫᱚ ᱮᱸᱫᱮ ᱠᱟᱨᱟᱢ ᱠᱚ ᱵᱚᱝᱜᱟᱭᱟ ᱾ ᱠᱩᱱᱟ.ᱢᱤᱨᱮ ᱱᱟᱶᱟᱭ ᱡᱚᱢ ᱦᱚᱸ ᱠᱚ ᱵᱚᱝᱜᱟᱭᱟ ᱾ ᱯᱟᱨᱟᱵ ᱞᱮᱠᱟ ᱛᱮ ᱱᱚᱶᱟ ᱫᱚ ᱥᱟᱱᱟᱢ ᱠᱚᱜᱮ ᱠᱚ ᱢᱟᱱᱟᱣᱟ ᱾
ᱵᱚᱝᱜᱟ ᱵᱩᱨᱩ
ᱱᱚᱶᱟ ᱪᱟᱸᱫᱚ ᱠᱩᱱᱟᱹᱢᱤ ᱨᱮᱫᱚ ᱱᱟᱶᱟᱭ ᱠᱚ ᱵᱚᱝᱜᱟᱜ-ᱟ ᱾ ᱪᱟᱥ ᱨᱮᱱᱟᱜ ᱱᱟᱶᱟ ᱠᱤᱨᱥᱤ ᱚᱲᱟᱜ ᱨᱮ ᱨᱟᱠᱟᱵ ᱠᱟᱛᱮ ᱡᱚᱢ ᱢᱟᱬᱟᱝ ᱨᱮ ᱵᱚᱝᱜᱟ ᱴᱷᱮᱱ ᱠᱚ ᱥᱟᱢᱟᱝ ᱢᱟᱬᱟᱝ ᱟ ᱾ ᱪᱟᱹᱥᱤ ᱠᱚᱣᱟᱜ ᱯᱩᱭᱞᱩ ᱠᱤᱨᱥᱤ ᱜᱚᱰᱟᱦᱩᱲᱩ,ᱜᱩᱸᱫᱽᱞᱤ,ᱡᱟᱱᱦᱮ ᱮᱢᱟᱱ ᱠᱤᱨᱥᱤ ᱠᱚ ᱢᱟᱬᱟᱝ ᱨᱮ ᱵᱤᱞᱤᱜ-ᱟ ᱾ ᱚᱱᱟᱠᱚ ᱡᱚᱢ ᱞᱟᱹᱜᱤᱫ ᱵᱚᱝᱜᱟ ᱢᱟᱬᱟᱝ ᱵᱚ ᱮᱢ ᱢᱟᱬᱟᱝ ᱟᱠᱚᱣᱟ ᱾ ᱵᱟᱵᱚ ᱵᱚᱝᱜᱟ ᱞᱮᱠᱷᱟᱱ ᱵᱚᱝᱜᱟ ᱵᱳᱨᱳ ᱠᱚ ᱵᱟᱹᱲᱤᱡᱚᱜ-ᱟ ᱾ ᱵᱟᱹᱲᱤᱡ ᱞᱮᱱᱠᱷᱟᱱ ᱠᱚ ᱟᱹᱛᱩᱛᱮ ᱦᱤᱥᱠᱤᱫ ᱡᱟᱱᱣᱟᱨ,ᱠᱩᱞ,ᱛᱟᱹᱨᱩᱵ,ᱵᱟᱱᱟ, ᱪᱮᱴᱨᱟ,ᱦᱟᱰᱜᱟᱨ,ᱵᱤᱧ, ᱠᱤᱫᱤᱧ,ᱦᱟᱹᱛᱤ ᱮᱢᱟᱱ ᱠᱚ ᱥᱟᱦᱛᱟᱜ-ᱟ ᱾ ᱟᱡᱟᱨ ᱵᱮᱢᱟᱨ ᱧᱟᱧᱟᱢᱟ,ᱡᱤᱣᱤ ᱡᱟᱹᱛᱤ ᱚᱥᱟᱣᱛᱤᱜ-ᱟ ᱾ ᱫᱚᱥᱟᱨ ᱥᱮᱨᱢᱟ ᱠᱤᱨᱥᱤ ᱱᱟᱯᱟᱭ ᱵᱟᱝ ᱦᱩᱭᱩᱜ-ᱟ ᱾ ᱱᱚᱝᱠᱟᱱ ᱯᱟᱹᱛᱭᱟᱣ ᱢᱮᱱᱟᱜ-ᱟ ᱾ ᱚᱱᱟᱛᱮ ᱱᱟᱶᱟᱭ ᱵᱚ ᱵᱚᱝᱜᱟᱭᱟ ᱾
ᱵᱟᱦᱨᱮ ᱡᱚᱱᱚᱲ
ᱠᱟᱹᱢᱤ ᱦᱚᱨᱟ ᱠᱚᱨᱮ ᱠᱷᱚᱱ ᱵᱟᱰᱟᱭᱚᱜ ᱠᱟᱱᱟ ᱾ ᱪᱟᱥᱤ ᱠᱚ ᱵᱟᱹᱫᱽ ᱠᱟᱹᱢᱤ ᱠᱚ ᱠᱚ ᱥᱟᱭ ᱵᱟᱲᱟ ᱠᱟᱜ-ᱟ ᱾ ᱱᱟᱥᱮ ᱡᱷᱤᱯᱤᱨ ᱮ ᱫᱟᱜᱟ ᱾ ᱢᱚᱛᱟᱢ ᱩᱫ,ᱥᱟᱶ ᱦᱩᱨᱩᱫ ᱩᱫ,ᱯᱟᱴᱠᱟ ᱥᱟᱜᱟᱫ ᱩᱫ,ᱵᱩᱥᱩᱵ ᱩᱫ,ᱛᱚᱨᱢᱟᱲ ᱩᱫ,ᱢᱟᱫ ᱩᱫ,ᱦᱚᱛᱚᱫ ᱠᱚᱸᱦᱰᱟ ᱠᱚ ᱡᱟᱹᱞᱤᱜ-ᱟ ᱾ ᱦᱟᱹᱠᱩ ᱠᱟᱴᱠᱚ ᱠᱚ ᱥᱟᱦᱛᱟᱜ-ᱟ ᱾
ᱥᱟᱹᱠᱷᱭᱟᱹᱛ
ᱢᱟᱜᱽ , ᱯᱷᱟᱹᱜᱩᱱ , ᱪᱟᱹᱛ , ᱵᱟᱹᱭᱥᱟᱹᱛ , ᱡᱷᱮᱸᱴ , ᱟᱥᱟᱲ , ᱥᱟᱱ , ᱵᱷᱟᱫᱚᱨ , ᱫᱟᱥᱟᱸᱭ , ᱥᱚᱨᱟᱭ , ᱟᱜᱷᱟᱬ , ᱯᱩᱥ ᱾
This article uses material from the Wikipedia ᱥᱟᱱᱛᱟᱲᱤ article ᱵᱷᱟᱫᱚᱨ ᱵᱚᱝᱜᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.