ᱥᱟᱱ ᱵᱚᱝᱜᱟ ᱫᱚ ᱥᱮᱨᱢᱟ ᱨᱮᱱᱟᱜ ᱮᱭᱟᱭᱟᱜ ᱵᱚᱸᱜᱟ ᱥᱮ ᱪᱟᱸᱫᱚ ᱠᱟᱱᱟ ᱾ ᱱᱚᱶᱟ ᱫᱚ ᱟᱥᱟᱲ ᱵᱚᱝᱜᱟ ᱛᱟᱭᱚᱢ ᱟᱨ ᱵᱷᱟᱫᱚᱨ ᱵᱚᱝᱜᱟ ᱢᱟᱬᱟᱝ ᱦᱤᱡᱩᱜ-ᱟ ᱾
ᱥᱟᱱ ᱵᱚᱝᱜᱟ ᱠᱩᱱᱟᱹᱢᱤ ᱨᱮᱫᱚ ᱫᱚ ᱥᱟᱨᱱᱟ ᱫᱷᱚᱨᱚᱢ ᱦᱚᱲ ᱫᱚ ᱦᱟᱹᱨᱭᱟᱹᱲ ᱥᱤᱢ ᱠᱚ ᱡᱚᱢ ᱠᱚᱣᱟ ᱾ ᱦᱟᱹᱨᱭᱟᱹᱲ ᱥᱤᱢ ᱡᱚᱢ ᱵᱚᱝᱜᱟ ᱫᱚ ᱡᱟᱦᱮᱨ ᱨᱮᱠᱚ ᱵᱚᱝᱜᱟ ᱭᱟ ᱾ ᱢᱟᱨᱟᱝ ᱵᱳᱨᱳ , ᱡᱟᱦᱮᱨ ᱟᱭᱳ , ᱢᱚᱬᱮᱠᱚ , ᱛᱩᱨᱩᱭ ᱠᱚ ᱥᱟᱶ ᱨᱟᱠᱟᱵ ᱵᱚᱝᱜᱟ ᱠᱚ ᱠᱚ ᱯᱮᱨᱮᱡ ᱩᱢᱟᱹᱬ ᱠᱚᱣᱟ ᱾
ᱦᱟᱹᱨᱭᱟᱹᱲ ᱢᱮᱱ ᱞᱮᱠᱷᱟᱱ ᱫᱷᱟᱹᱨᱛᱤ ᱨᱮᱱᱟᱜ ᱫᱟᱲᱮ,ᱡᱤᱭᱟᱹᱲ,ᱪᱚᱨᱚᱠ, ᱨᱮᱭᱟᱲ ᱟᱨ ᱞᱟᱹᱵᱤᱫ ᱜᱩᱱᱛᱮᱫ ᱯᱷᱚᱴᱮᱞᱞᱚᱜ-ᱟ ᱾ ᱥᱤᱧᱚᱛ ᱫᱤᱥᱚᱢ ᱫᱚ ᱦᱟᱹᱨᱭᱟᱹᱲ ᱫᱤᱥᱚᱢ ᱢᱮᱱᱛᱮ ᱨᱮᱦᱚᱸ ᱵᱟᱝ ᱵᱟᱹᱲᱤᱡᱚᱜ-ᱟ ᱾ ᱟᱵᱚ ᱥᱤᱧᱚᱛ ᱫᱤᱥᱚᱢ ᱡᱚᱛᱚ ᱜᱮ ᱯᱟᱞᱮ ᱪᱟᱹᱥᱤ ᱠᱟᱱᱟᱵᱚ ᱾ ᱪᱟᱥ ᱞᱮᱠᱷᱟᱱ ᱠᱤᱨᱥᱤ ᱫᱚ ᱦᱟᱹᱨᱭᱟᱹᱲ ᱜᱮ ᱧᱮᱞᱚᱜ-ᱟ ᱾ ᱟᱹᱰᱤ ᱱᱟᱯᱟᱭ ᱾ ᱚᱱᱟᱜᱮ ᱤᱲᱤᱡ,ᱤᱵᱤᱡ,ᱛᱤᱡᱩ,ᱡᱟᱹᱱᱤ ᱠᱚ ᱟᱞᱚᱠᱚ ᱵᱟᱹᱲᱤᱡᱽᱢᱟ ᱚᱱᱟ ᱞᱟᱹᱜᱤᱫ ᱜᱮ ᱱᱮᱦᱚᱨ ᱵᱟᱠᱷᱮᱬ ᱠᱟᱛᱮ ᱵᱚ ᱯᱮᱨᱮᱡ ᱩᱢᱟᱹᱬ ᱠᱚᱞᱟ ᱾ ᱵᱟᱹᱫᱽ ᱵᱟᱹᱭᱦᱟᱲ ᱨᱮᱱᱟᱜ ᱠᱤᱨᱥᱤ ᱠᱚ ᱱᱤᱯᱷᱩᱴ ᱦᱟᱨᱟ ᱠᱟᱛᱮ ᱠᱮᱫᱟᱨ ᱠᱚ ᱥᱟᱨᱮᱲᱚᱜ ᱢᱟ ᱾ ᱱᱚᱝᱠᱟ ᱦᱩᱭᱩᱜ ᱠᱟᱱᱟ ᱦᱟᱹᱨᱭᱟᱹᱲ ᱵᱚᱝᱜᱟ ᱨᱮᱱᱟᱜ ᱡᱚᱥ ᱾
ᱥᱟᱱ ᱵᱚᱝᱜᱟ ᱨᱮᱫᱚ ᱪᱤᱛᱟᱹᱶ, ᱜᱚᱢᱦᱟ ᱮᱢᱟᱱ ᱯᱟᱨᱟᱵᱽ ᱵᱚ ᱢᱟᱱᱟᱶᱟ ᱾
This article uses material from the Wikipedia ᱥᱟᱱᱛᱟᱲᱤ article ᱥᱟᱱ ᱵᱚᱝᱜᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.