ᱯᱤᱛᱟᱹᱡᱽ
ᱯᱤᱛᱟᱹᱡᱽ (ᱥᱟᱬᱮᱥᱤᱭᱟᱹ ᱧᱩᱛᱩᱢ: Mimusops elengi) ᱫᱚ ᱢᱤᱰᱤᱭᱟᱢ ᱟᱠᱟᱨ ᱨᱮᱭᱟᱜ ᱡᱟᱣ ᱥᱮᱨᱢᱟ ᱦᱟᱹᱨᱤᱭᱟᱹᱲ ᱥᱟᱠᱟᱢ ᱛᱟᱦᱮᱸᱱ ᱢᱤᱫ ᱫᱟᱨᱮ ᱠᱟᱱᱟ᱾ ᱱᱚᱣᱟ ᱡᱟᱹᱥᱛᱤ ᱠᱟᱭᱛᱮ ᱮᱛᱚᱢ ᱮᱥᱤᱭᱟ, ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱟᱨ ᱠᱚᱧᱮ ᱚᱥᱴᱨᱮᱞᱤᱭᱟ ᱨᱮ ᱧᱟᱢᱚᱜᱼᱟ᱾ ᱱᱚᱣᱟ ᱨᱮᱭᱟᱜ ᱠᱟᱴ ᱟᱹᱰᱤ ᱜᱚᱱᱚᱝ ᱟᱱᱟᱜ ᱠᱟᱱᱟ, ᱱᱚᱣᱟ ᱨᱮᱭᱟᱜ ᱡᱚ ᱦᱚᱸ ᱡᱚᱢ ᱜᱟᱱᱚᱜ ᱜᱮᱭᱟ ᱟᱨ ᱱᱚᱣᱟ ᱨᱟᱱ ᱨᱮᱦᱚᱸ ᱠᱚ ᱞᱟᱜᱟᱣᱟ᱾ ᱯᱤᱛᱟᱹᱡᱽ ᱡᱟᱝ ᱜᱤᱫᱽᱨᱟᱹ ᱠᱚᱣᱟᱜ ᱰᱩᱨᱭᱟᱹ ᱠᱚᱨᱮ ᱦᱚᱸ ᱠᱚ ᱞᱟᱜᱟᱣᱟ᱾ ᱯᱤᱛᱟᱹᱡᱽ ᱫᱟᱨᱮ ᱨᱮᱭᱟᱜ ᱩᱢᱩᱞ ᱟᱹᱰᱤ ᱫᱟᱹᱲᱭᱟᱹ ᱜᱮᱭᱟ, ᱚᱱᱟᱛᱮ ᱵᱟᱜᱟᱱ ᱠᱚᱨᱮ ᱩᱢᱩᱞ ᱞᱟᱹᱜᱤᱫ ᱱᱚᱣᱟ ᱫᱟᱨᱮ ᱠᱚ ᱨᱚᱦᱚᱸᱭ ᱠᱟᱜᱼᱟ᱾
| ᱯᱤᱛᱟᱹᱡᱽ | |
|---|---|
 | |
Conservation status | |
 Least Concern (IUCN 3.1) | |
ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ  | |
| Kingdom: | ᱯᱞᱟᱴᱮᱭ |
| Clade: | Angiosperms |
| Clade: | Eudicots |
| Clade: | Asterids |
| Order: | Ericales |
| Family: | Sapotaceae |
| Genus: | Mimusops |
| ᱡᱟᱹᱛ: | M. elengi |
| ᱵᱟᱭᱱᱚᱢᱤᱭᱟᱞ ᱧᱩᱛᱩᱢ | |
| Mimusops elengi L. | |
ᱯᱤᱛᱟᱹᱡᱽ ᱵᱟᱦᱟ ᱫᱚ ᱛᱷᱟᱭᱞᱮᱱᱰ ᱨᱮᱭᱟᱜ ᱭᱟᱞᱟ ᱯᱚᱱᱚᱛ ᱨᱮᱱᱟᱜ ᱨᱟᱡᱽ ᱵᱟᱦᱟ ᱠᱟᱱᱟ᱾ ᱟᱨ ᱢᱟᱞᱮᱥᱤᱭᱟ ᱫᱤᱥᱚᱢ ᱨᱮᱭᱟᱜ ᱥᱮᱞᱮᱝᱜᱚᱨ, ᱟᱢᱯᱟᱝ ᱡᱟᱭᱟ ᱥᱚᱦᱚᱨ ᱨᱮᱭᱟᱜ ᱥᱚᱦᱚᱨᱤᱭᱟᱹ ᱵᱟᱦᱟ ᱠᱟᱱᱟ᱾
ᱫᱟᱨᱮ ᱨᱮᱭᱟᱜ ᱵᱤᱵᱚᱨᱚᱱ
ᱯᱤᱛᱟᱹᱡᱽ ᱫᱟᱨᱮ ᱫᱚ ᱥᱮᱨᱢᱟ ᱵᱷᱩᱨ ᱦᱟᱹᱨᱭᱟᱹᱲ ᱥᱟᱠᱟᱢ ᱛᱟᱦᱮᱸᱱ ᱫᱟᱨᱮ ᱠᱟᱱᱟ᱾ ᱱᱚᱣᱟ ᱫᱟᱨᱮ ᱫᱚ ᱑᱖ ᱢᱤᱴᱟᱨ (᱕᱒ ᱯᱷᱩᱴ) ᱜᱟᱱ ᱩᱥᱩᱞᱚᱜᱼᱟ᱾ ᱮᱯᱨᱤᱞ ᱪᱟᱸᱫᱚ ᱜᱟᱱ ᱵᱟᱦᱟᱜᱼᱟ, ᱟᱨ ᱡᱩᱱ ᱠᱷᱚᱱ ᱚᱠᱴᱚᱵᱚᱨ ᱪᱟᱸᱫᱚ ᱨᱮ ᱡᱚ ᱡᱚᱜᱼᱟ᱾
ᱴᱚᱴᱷᱟᱠᱤᱭᱟᱹ ᱯᱟᱥᱱᱟᱣ
ᱯᱤᱛᱟᱹᱡᱽ ᱫᱟᱨᱮ ᱫᱚ ᱮᱛᱚᱢ ᱟᱨ ᱮᱛᱚᱢ ᱥᱟᱢᱟᱝ ᱮᱥᱤᱭᱟ, ᱴᱷᱟᱹᱣᱠᱟᱹ ᱥᱟᱺᱦᱤᱡ ᱫᱚ ᱥᱤᱧᱚᱛ, ᱵᱟᱝᱞᱟᱫᱮᱥ, ᱥᱨᱤᱞᱚᱝᱠᱟ, ᱵᱷᱤᱭᱮᱛᱱᱟᱢ ᱟᱨ ᱢᱤᱭᱟᱱᱢᱟᱨ, ᱥᱟᱶᱛᱮ ᱠᱚᱧᱮ ᱚᱥᱴᱨᱮᱞᱤᱭᱟ ᱨᱮᱭᱟᱜ ᱴᱚᱴᱷᱟᱠᱤᱭᱟᱹ ᱫᱟᱨᱮ ᱠᱟᱱᱟ᱾ ᱓᱐ ᱟᱱ ᱯᱤᱲᱦᱤ (ᱥᱮᱧᱪᱩᱨᱤ) ᱨᱮ ᱱᱚᱣᱟ ᱫᱟᱨᱮ ᱪᱤᱱ ᱨᱮ ᱩᱯᱨᱩᱢ ᱞᱮᱱᱟ, ᱟᱨ ᱱᱤᱛ ᱮᱛᱚᱢ ᱪᱤᱱ ᱟᱨ ᱛᱟᱭᱣᱟᱱ ᱨᱮ ᱪᱟᱥ ᱦᱩᱭᱩᱜ ᱠᱟᱱᱟ᱾
ᱨᱟᱱ ᱢᱩᱨᱜᱟᱹᱱ
ᱯᱤᱛᱟᱹᱡᱽ ᱫᱟᱨᱮ ᱨᱮᱭᱟᱜ ᱵᱟᱦᱟ, ᱡᱚ, ᱥᱟᱠᱟᱢ ᱟᱨ ᱦᱟᱨᱛᱟ ᱱᱟᱱᱟᱼᱦᱩᱱᱟᱹᱨ ᱨᱩᱣᱟᱹ ᱠᱷᱚᱱ ᱵᱮᱥ ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ᱾
- ᱵᱟᱦᱟ - ᱵᱟᱦᱟ ᱨᱮᱭᱟᱜ ᱨᱟᱥᱟ ᱤᱱᱵᱚᱨᱚ ᱨᱮᱭᱟᱜ ᱟᱡᱟᱨ, leucorrhoea, menorrhagia ᱛᱤᱠᱤᱪᱷᱹ ᱨᱮ ᱵᱮᱵᱷᱟᱨᱚᱜᱼᱟ᱾
- ᱨᱚᱦᱚᱲ ᱵᱟᱦᱟ ᱨᱮᱭᱟᱜ ᱜᱩᱸᱰᱟᱹ ᱛᱮ "ᱟᱦᱣᱭᱟ" ᱧᱩᱛᱩᱢ ᱢᱤᱫ ᱢᱟᱱᱰᱟ, ᱵᱚᱦᱚᱜ ᱦᱟᱹᱥᱩ ᱟᱨ ᱫᱟᱹᱵᱤ, ᱛᱟᱨᱮᱱ ᱟᱨ ᱦᱚᱲᱢᱚ ᱦᱟᱹᱵᱩ ᱪᱟᱵᱟᱭ ᱨᱮ ᱵᱮᱵᱷᱟᱨᱚᱜᱼᱟ᱾
- ᱨᱚᱦᱚᱲ ᱵᱟᱦᱟ ᱨᱮᱭᱟᱜ ᱜᱩᱸᱰᱟᱹ ᱵᱚᱦᱚᱜ ᱨᱮᱭᱟᱲ ᱟᱨ ᱵᱩᱨᱫᱷᱤ ᱵᱟᱲᱦᱟᱣ ᱨᱮ ᱠᱟᱹᱢᱤ ᱞᱟᱜᱟᱜᱼᱟ᱾
- ᱨᱚᱦᱚᱲ ᱯᱤᱛᱟᱹᱡᱽ ᱵᱟᱦᱟ ᱨᱮᱭᱟᱜ ᱜᱩᱸᱰᱟᱹ ᱢᱩ ᱛᱮ ᱥᱟᱦᱮᱸᱫ ᱥᱟᱶ ᱟᱫᱮᱨ ᱞᱮᱠᱷᱟᱱ ᱵᱚᱦᱚᱜ ᱦᱟᱹᱥᱩ ᱠᱚᱢᱚᱜᱼᱟ᱾
ᱮᱴᱟᱜ ᱵᱮᱵᱷᱟᱨ
- ᱢᱚᱡ ᱧᱮᱞᱚᱜ ᱞᱟᱹᱜᱤᱫ ᱠᱩᱲᱤ ᱠᱚ ᱯᱤᱛᱟᱹᱡᱽ ᱵᱟᱦᱟ ᱨᱮᱭᱟᱜ ᱢᱟᱞᱟ ᱜᱟᱛᱷᱟᱣ ᱠᱟᱛᱮ ᱵᱚᱦᱚᱜ ᱥᱩᱫ ᱨᱮᱠᱚ ᱞᱟᱜᱟᱣᱟ᱾
- ᱢᱟᱞᱮᱥᱤᱭᱟ ᱨᱮᱱ ᱦᱚᱲ ᱯᱤᱛᱟᱹᱡᱽ ᱡᱚ ᱦᱟᱞᱟᱝ ᱫᱚᱦᱚ ᱠᱟᱛᱮ, ᱟᱪᱟᱨ ᱵᱮᱱᱟᱣ ᱨᱮᱠᱚ ᱞᱟᱜᱟᱣᱟ᱾
ᱪᱤᱛᱟᱹᱨ
ᱵᱟᱦᱟ
_in_Hyderabad_W_IMG_7161.jpg)
ᱡᱚ
_green_fruit_in_Kolkata_W_IMG_2831.jpg)
_ripe_fruit_in_Kolkata_W_IMG_2833.jpg)
ᱥᱟᱠᱟᱢ
_leaf_in_Kolkata_W_IMG_2838.jpg)
ᱫᱟᱨᱮ
_tree_in_Kolkata_W_IMG_2845.jpg)
_trees_in_Kolkata_W_IMG_2848.jpg)
_trees_in_Kolkata_W_IMG_2897.jpg)
_trunk_in_Kolkata_W_IMG_2843.jpg)
ᱥᱟᱠᱟᱢ, ᱵᱟᱦᱟ, ᱡᱚ
ᱟᱨᱦᱚᱸ ᱯᱟᱲᱟᱣ ᱢᱮ
- Brock, J., Top End Native Plants, 1988. ISBN 0-7316-0859-3
ᱥᱟᱹᱠᱷᱭᱟᱹᱛ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱯᱤᱛᱟᱹᱡᱽ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
This article uses material from the Wikipedia ᱥᱟᱱᱛᱟᱲᱤ article ᱯᱤᱛᱟᱹᱡᱽ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.