ᱡᱟᱢᱥᱮᱫᱽᱯᱩᱨ: ᱥᱴᱤᱞ ᱱᱚᱜᱚᱨ

ᱡᱟᱢᱥᱮᱫᱽᱯᱩᱨ ᱴᱟᱴᱟᱱᱚᱜᱚᱨ
ᱢᱟᱦᱟᱱᱚᱜᱚᱨ
ᱡᱟᱢᱥᱮᱫᱽᱯᱩᱨ
Clockwise from top: Sakchi Golchakkar(Roundabout), TCE Building, 1 km Walker's Path (Sonari-Kadma Link Road), View of Tata Steel Plant from JRD Tata Sports Complex, Bat Island in Jayanti Sarovar, JRD Tata Sports Complex
ᱮᱴᱟᱜ ᱧᱩᱛᱩᱢ: ᱢᱮᱬᱦᱮᱫ ᱥᱚᱦᱚᱨ, ᱥᱤᱧᱚᱛ ᱨᱮᱱᱟᱜ ᱯᱤᱛᱥᱵᱟᱜᱷ, ᱥᱤᱧᱚᱛ ᱨᱮᱱᱟᱜ ᱢᱮᱬᱦᱮᱫ ᱨᱟᱡᱽᱜᱟᱲ ᱟᱨ ᱠᱟᱹᱨᱜᱟᱲ ᱨᱟᱡᱽᱜᱟᱲ
ᱡᱟᱢᱥᱮᱫᱽᱯᱩᱨ ᱡᱟᱢᱥᱮᱫᱽᱯᱩᱨ ᱨᱮᱱᱟᱜ ᱴᱷᱟᱶ ᱫᱚ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ
Coordinates: 22°47′N 86°12′E / 22.783°N 86.200°E / 22.783; 86.200 86°12′E / 22.783°N 86.200°E / 22.783; 86.200
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱡᱷᱟᱨᱠᱷᱚᱸᱰ
ᱦᱚᱱᱚᱛ	ᱥᱟᱢᱟᱝ ᱥᱤᱝᱵᱷᱩᱢ
ᱥᱤᱱᱤᱭᱟᱹᱨ ᱥᱩᱯᱨᱤᱱᱴᱮᱱᱰᱮᱸᱴ ᱯᱩᱞᱤᱥ	ᱥᱨᱤ ᱟᱱᱩᱯ ᱵᱤᱨᱛᱷᱟᱨᱮ (IPS)
ᱰᱤᱯᱴᱤ ᱠᱚᱢᱤᱥᱱᱚᱨ	ᱥᱨᱤ ᱟᱢᱤᱛ ᱠᱩᱢᱟᱨ (IAS)
ᱵᱩᱱᱤᱭᱟᱹᱫᱤᱭᱟᱹ	ᱡᱟᱢᱥᱮᱫᱽᱡᱤ ᱴᱟᱴᱟ
ᱮᱨᱤᱭᱟ
• ᱢᱟᱦᱟᱱᱚᱜᱚᱨ	224 ᱠᱤᱢᱤ২ (86 ᱜᱟᱺᱴ ᱢᱟᱭᱤᱞ)
ᱩᱥᱩᱞ	159 ᱢᱤᱴᱚᱨ (522 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱢᱟᱦᱟᱱᱚᱜᱚᱨ	᱑,᱓᱓᱗,᱑᱓᱑
• ᱰᱮᱱᱥᱤᱴᱤ	6000/ᱠᱤᱢᱤ2 (15000/ᱜᱟᱺᱴ ᱢᱟᱹᱭᱤᱞ)
• ᱢᱟᱦᱟᱱᱟᱜᱟᱨ	᱖᱓᱑,᱓᱖᱔
IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	᱘᱓᱑᱐᱐᱑ ᱠᱷᱚᱱ ᱘᱓᱑xxx
ᱴᱮᱞᱤᱯᱷᱚᱱ ᱠᱳᱰ	+᱙᱑-᱖᱕᱗
ᱜᱟᱹᱰᱤ ᱨᱤᱡᱤᱥᱴᱨᱤ	JH-05
ᱥᱮᱪᱮᱫ	᱘᱕.᱙᱔%
ᱥᱚᱨᱠᱟᱨᱤ ᱯᱟᱹᱨᱥᱤ	ᱦᱤᱱᱫᱤ
ᱫᱚᱥᱟᱨ ᱯᱟᱹᱨᱥᱤ	ᱥᱟᱱᱛᱟᱲᱤ, ᱦᱚ, ᱠᱩᱲᱩᱠᱷ, ᱢᱩᱱᱰᱟ, ᱠᱩᱲᱢᱟᱞᱤ, ᱤᱝᱜᱽᱞᱤᱥ, ᱵᱟᱸᱜᱟᱞᱤ, ᱩᱰᱤᱭᱟᱹ ᱟᱨ ᱩᱨᱫᱩ,
ᱣᱮᱵᱽᱥᱟᱭᱤᱴ	www.jamshedpur.nic.in

ᱱᱚᱣᱟ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱥᱟᱢᱟᱝ ᱥᱤᱝᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱟᱨ ᱓᱖ ᱟᱱᱟᱜ ᱟᱹᱰᱤ ᱢᱟᱨᱟᱝ ᱥᱚᱦᱨᱤ ᱜᱩᱴ ᱠᱟᱱᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱪᱷᱚᱴᱟᱱᱟᱜᱽᱯᱩᱨ ᱨᱮᱱᱟᱜ ᱵᱩᱨᱩ ᱴᱷᱟᱶ ᱨᱮ ᱯᱨᱟᱠᱨᱤᱛᱤ ᱛᱟᱦᱮᱸᱱ ᱛᱷᱟᱱ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱯᱨᱟᱠᱨᱤᱛᱤ ᱫᱚᱞᱢᱟ ᱵᱩᱨᱩ (Picturesque Dalma Hills) ᱛᱮ ᱜᱷᱮᱨᱟᱣ ᱟᱠᱟᱱᱟ ᱟᱨ ᱥᱚᱵᱚᱨᱱᱟᱠᱟ ᱟᱨ ᱠᱷᱟᱲᱟᱝ ᱜᱟᱰᱟ ᱛᱮ ᱜᱷᱮᱨᱟᱣ ᱟᱠᱟᱱᱟ ᱾

᱑᱙᱑᱙ ᱥᱟᱞᱮ ᱨᱮ ᱞᱳᱨᱰ ᱪᱮᱢᱥᱯᱷᱚᱨᱰ ᱫᱚ ᱥᱚᱦᱚᱨ ᱨᱮᱱᱟᱜ ᱧᱩᱛᱩᱢ ᱠᱮᱫᱼᱟ, ᱚᱱᱟ ᱞᱟᱦᱟ ᱨᱮ ᱚᱸᱰᱮ ᱥᱟᱠᱪᱤ ᱧᱩᱛᱩᱢᱟᱱ ᱟᱹᱛᱩ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱱᱟᱜᱟᱨ ᱨᱤᱱᱤᱡ ᱵᱩᱱᱤᱭᱟᱹᱫᱤᱭᱟᱹ (Founder) ᱡᱟᱢᱥᱮᱫᱽᱡᱤ ᱴᱟᱴᱟ,ᱡᱟᱦᱟᱸᱭᱟᱜ ᱟᱜ ᱡᱟᱱᱟᱢ ᱢᱟᱦᱟᱸ ᱫᱚ ᱢᱟᱱᱟᱣᱟ ᱓ ᱢᱟᱨᱪ ᱦᱤᱞᱚᱜ ᱢᱟᱱᱟᱣᱟ , ᱩᱱᱤᱭᱟᱜ ᱢᱟᱹᱱ ᱥᱟᱨᱦᱟᱣ ᱞᱮᱠᱟᱛᱮ ᱱᱚᱶᱟ ᱱᱟᱜᱟᱨ ᱨᱮᱱᱟᱜ ᱧᱩᱛᱩᱢ ᱠᱚ ᱫᱚᱦᱚ ᱠᱮᱫᱼᱟ ᱾

 

 

ᱡᱟᱢᱥᱮᱫᱽᱯᱩᱨ ᱫᱚ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱮᱫ ᱨᱮ ᱢᱮᱱᱟᱜᱼᱟ ᱟᱨ ᱳᱰᱤᱥᱟ ᱟᱨ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱠᱷᱚᱱ ᱮᱥᱮᱫ ᱟᱠᱟᱱᱟ ᱾ ᱥᱚᱦᱚᱨ ᱨᱮᱱᱟᱜ ᱩᱥᱩᱞ ᱑᱓᱕ ᱢᱤᱴᱚᱨ ᱨᱮ ᱢᱮᱱᱟᱜᱼᱟ ᱾ ᱚᱠᱟ ᱫᱷᱟᱵᱤᱡ ᱥᱤᱢᱟᱹ ᱑᱒᱙ ᱢᱤᱴᱚᱨ ᱠᱷᱚᱱ ᱑᱕᱑ ᱢᱤᱴᱚᱨ ᱫᱷᱟᱵᱤᱡ ᱢᱮᱱᱟᱜᱼᱟ ᱾ ᱡᱟᱢᱥᱮᱫᱽᱯᱩᱨ ᱨᱮᱱᱟᱜ ᱜᱩᱴ ᱚᱛᱱᱚᱜ ᱚᱥᱟᱨ ᱵᱤᱥᱟᱨ ᱒᱒᱔ ᱫᱚᱦᱨᱟ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾ ᱡᱟᱢᱥᱮᱫᱽᱯᱩᱨ ᱢᱩᱬ ᱞᱮᱠᱟᱛᱮ ᱢᱤᱫ ᱵᱩᱨᱩ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱟᱨ ᱯᱟᱪᱮ ᱠᱷᱚᱱ ᱥᱟᱢᱟᱝ ᱥᱮᱫ ᱥᱮᱱᱚᱜ ᱠᱟᱱᱟ ᱫᱚᱞᱢᱟ ᱵᱩᱨᱩ ᱛᱮ ᱮᱥᱮᱫ ᱟᱠᱟᱱᱟ ᱟᱨ ᱡᱷᱩᱨ ᱵᱤᱨ ᱛᱮ ᱮᱥᱮᱫ ᱟᱠᱟᱱᱟ ᱾ ᱥᱚᱦᱚᱨ ᱥᱩᱨ ᱨᱮᱱᱟᱜ ᱮᱢᱟᱱ ᱦᱩᱰᱤᱧ ᱵᱩᱨᱩ ᱩᱥᱩᱞ ᱩᱜᱟᱢ ᱵᱩᱨᱩ ᱟᱨ ᱡᱟᱫᱩᱜᱚᱲᱟᱼᱢᱚᱥᱟᱵᱩᱱᱤ ᱵᱩᱨᱩ ᱴᱷᱟᱶ ᱢᱮᱱᱟᱜᱼᱟ ᱾ ᱥᱚᱦᱚᱨ ᱫᱚ ᱢᱟᱨᱟᱝ ᱪᱷᱚᱴᱟ ᱱᱟᱜᱽᱯᱩᱨ ᱰᱷᱤᱯᱟᱹ ᱚᱛᱮᱛ ᱴᱚᱴᱷᱟ ᱨᱮᱱᱟᱜ ᱢᱤᱫ ᱴᱷᱟᱶ ᱦᱚᱸ ᱢᱮᱱᱟᱜᱼᱟ ᱾ ᱱᱚᱱᱟ ᱴᱚᱴᱷᱟ ᱫᱚ ᱫᱮᱰᱟᱢᱮᱱᱴᱟᱨᱮ (sedimentary), ᱢᱮᱴᱟᱢᱚᱨᱯᱷᱤᱠ (metamorphic) ᱟᱨ ᱫᱷᱟᱨᱣᱟᱬ ᱡᱩᱜᱽ ᱠᱷᱚᱱ ᱥᱟᱹᱜᱟᱹᱭ ᱥᱮᱸᱜᱮᱞ ᱪᱟᱹᱴᱟᱹᱱᱤ ᱛᱮ ᱵᱮᱱᱟᱣ ᱟᱠᱟᱱᱟ ᱾

ᱡᱟᱢᱥᱮᱫᱽᱯᱩᱨ ᱠᱷᱟᱲᱟᱝ ᱜᱟᱰᱟ ᱟᱨ ᱥᱚᱵᱚᱨᱱᱟᱠᱷᱟ ᱜᱟᱰᱟ ᱨᱮᱱᱟᱜ ᱡᱚᱲᱟᱜ ᱰᱟᱦᱟᱨ ᱨᱮ ᱢᱮᱱᱟᱜᱼᱟ ᱾ ᱥᱚᱵᱚᱨᱱᱟᱠᱷᱟ ᱫᱚ ᱡᱟᱢᱥᱮᱫᱽᱯᱩᱨ ᱨᱮᱱᱟᱜ ᱢᱩᱬ ᱜᱟᱰᱟ ᱠᱟᱱᱟ, ᱱᱚᱣᱟ ᱯᱟᱪᱮ ᱠᱷᱚᱱ ᱮᱛᱚᱢᱼᱥᱟᱢᱟᱝ ᱥᱮᱫ ᱨᱮ ᱞᱤᱸᱜᱤᱱ ᱠᱟᱱᱟ ᱾ ᱱᱚᱣᱟ ᱴᱚᱴᱷᱟ ᱨᱮ ᱮᱴᱟᱜ ᱦᱩᱰᱤᱧ ᱜᱟᱰᱟ ᱠᱚᱫᱚ ᱟᱥᱚᱠᱟᱭ ᱞᱮᱠᱟᱛᱮ ᱜᱚᱲᱚ ᱜᱟᱰᱟ, ᱱᱚᱣᱟ ᱥᱚᱵᱚᱨᱱᱟᱠᱷᱟ ᱜᱟᱰᱟ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱠᱷᱟᱲᱟᱝ ᱜᱟᱰᱟ ᱮᱛᱚᱢ ᱠᱷᱚᱱ ᱞᱤᱸᱜᱤᱱ ᱠᱟᱱᱟ ᱟᱨ ᱰᱟᱢᱩᱱᱦᱟᱱᱤ ᱨᱮ ᱥᱚᱵᱚᱨᱱᱟᱠᱷᱟ ᱜᱟᱰᱟ ᱨᱮ ᱛᱚᱯᱚᱞ ᱟᱠᱟᱱᱟ ᱾ ᱵᱟᱨᱭᱟ ᱜᱟᱰᱟ ᱥᱚᱦᱚᱨ ᱞᱟᱹᱜᱤᱫ ᱛᱮ ᱧᱩᱧᱩ ᱞᱟᱹᱜᱤᱫ ᱫᱟᱦ ᱟᱨ Ground water ᱨᱮᱱᱟᱜ ᱢᱩᱬ ᱵᱮᱵᱚᱥᱛᱟ ᱠᱟᱱᱟ ᱾ ᱥᱚᱦᱚᱨ ᱫᱷᱟᱨᱮ ᱥᱩᱨ ᱨᱮ ᱵᱷᱤᱱᱮ ᱵᱷᱤᱱᱮ ᱦᱮᱡ ᱠᱟᱛᱮ ᱟᱹᱰᱤ ᱜᱟᱱ ᱡᱷᱤᱞ ᱦᱚᱸ ᱢᱮᱱᱟᱜᱼᱟ ᱾ ᱚᱱᱰᱮ ᱠᱷᱚᱱ ᱢᱩᱬ ᱫᱚᱞᱢᱟ ᱥᱤᱢᱟᱹ ᱟᱨ ᱠᱷᱟᱲᱟᱝ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜ ᱥᱤᱛᱟᱹᱨᱟᱢᱯᱩᱨ ᱟᱦᱟᱨ ᱛᱟᱞᱟ ᱨᱮ ᱰᱤᱢᱱᱟ ᱡᱷᱤᱞ ᱢᱮᱱᱟᱜᱼᱟ ᱾ ᱱᱚᱣᱟ ᱱᱤᱭᱟᱹ ᱴᱚᱴᱷᱟ ᱨᱮᱱᱟᱜ ᱢᱤᱫ ᱢᱩᱬ ᱧᱮᱞᱡᱚᱝ ᱴᱷᱟᱶ ᱢᱮᱱᱟᱜᱼᱟ ᱾ ᱱᱚᱣᱟ ᱵᱟᱱᱟᱨ ᱥᱚᱦᱚᱨ ᱨᱮ ᱧᱩ ᱫᱟᱜ ᱞᱟᱹᱜᱤᱫ ᱟᱦᱟᱨ ᱞᱮᱠᱟᱛᱮ ᱦᱚᱸ ᱠᱟᱹᱢᱤ ᱮᱫᱼᱟ ᱾

ᱥᱚᱦᱚᱨ (ᱰᱤᱥᱤᱡᱩᱣᱟᱥ) deciduous ᱞᱮᱠᱟ ᱵᱤᱨ ᱴᱚᱴᱷᱟ ᱨᱮᱱᱟᱜ ᱮᱞᱟᱠᱟ ᱨᱮ ᱦᱤᱡᱩᱜᱼᱟ ᱟᱨ ᱜᱩᱴ ᱮᱞᱟᱠᱟ ᱨᱮᱱᱟᱜ ᱓᱓% ᱴᱷᱟᱶ ᱨᱮ ᱦᱟᱹᱨᱭᱟᱹᱲ ᱨᱮᱱᱟᱜ ᱟᱱᱩᱢᱟᱱ (estimated) ᱢᱮᱱᱟᱜᱼᱟ ᱾

 

 

ᱡᱟᱢᱥᱮᱫᱽᱯᱩᱨ ᱥᱚᱦᱚᱨ ᱥᱠᱟᱭᱞᱟᱭᱤᱱ

ᱥᱤᱧᱚᱛ ᱥᱟᱹᱦᱤᱛ ᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱡᱟᱢᱥᱮᱫᱽᱯᱩᱨ ᱥᱚᱦᱚᱨ ᱨᱤᱱ ᱦᱚᱲ ᱮᱞ ᱖᱒᱙,᱖᱕᱙ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱟᱫᱚ ᱡᱟᱢᱥᱮᱫᱽᱯᱩᱨ ᱥᱚᱦᱨᱤ ᱜᱩᱴ ᱨᱤᱱ ᱦᱚᱲ ᱮᱞ ᱑,᱓᱓᱗,᱑᱓᱑ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱥᱚᱨᱠᱟᱨᱟᱜ ᱴᱚᱨᱢᱤᱞᱳᱡᱤ ᱞᱮᱠᱟᱛᱮ ᱥᱚᱦᱚᱨ ᱫᱚ ᱢᱤᱞᱤᱭᱚᱱ ᱥᱟᱶᱛᱮ ᱥᱚᱦᱨᱤ ᱜᱩᱴ ᱞᱮᱠᱟᱛᱮ ᱧᱩᱛᱩᱢ ᱟᱠᱟᱱᱟ ᱾ ᱠᱚᱲᱟ ᱟᱜ ᱦᱚᱲ ᱮᱞ ᱕᱒.᱑% ᱟᱨ ᱛᱤᱨᱞᱟᱹ ᱟᱜ ᱔᱗.᱙% ᱢᱮᱱᱟᱜᱼᱟ ᱾ ᱟᱹᱫᱤᱵᱟᱹᱥᱤ ᱟᱜ ᱦᱚᱲ ᱮᱞ ᱒᱘% ᱢᱮᱱᱟᱜᱼᱟ ᱾ ᱡᱟᱢᱥᱮᱫᱽᱯᱩᱨ ᱨᱮ ᱥᱮᱪᱮᱫ ᱫᱚᱨ ᱘᱙.᱔᱑% ᱢᱮᱱᱟᱜᱼᱟ ᱼ ᱱᱚᱣᱟ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱗᱔% ᱠᱷᱚᱱ ᱰᱮᱦᱮᱨ ᱜᱮᱭᱟ ᱾ ᱡᱟᱢᱥᱮᱫᱽᱯᱩᱨ ᱨᱮ, ᱑᱑.᱕% ᱦᱚᱲ ᱮᱞ ᱛᱩᱨᱩᱭ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾

 

ᱥᱚᱦᱚᱨ ᱨᱮᱱᱟᱜ ᱱᱚᱜᱽᱨᱤᱠ ᱥᱟᱥᱚᱱ ᱪᱟᱪᱞᱟᱣ ᱟᱹᱰᱤ ᱢᱟᱨᱟᱝ ᱡᱟᱢᱥᱮᱫᱽᱯᱩᱨ ᱢᱟᱦᱟᱱᱚᱜᱚᱨ ᱴᱚᱴᱷᱟ, ᱡᱷᱟᱨᱠᱷᱚᱸᱰ ᱥᱚᱨᱠᱟᱨ ᱴᱷᱮᱱ ᱢᱮᱱᱟᱜᱼᱟ ᱾

ᱨᱮᱞ ᱰᱟᱦᱟᱨ

 

ᱴᱟᱴᱟᱱᱚᱜᱚᱨ ᱡᱚᱸᱠᱥᱚᱱ ᱫᱚ ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱨᱮᱱᱟᱜ ᱪᱚᱠᱨᱚᱫᱷᱚᱨᱯᱩᱨ ᱠᱷᱚᱸᱰ ᱨᱮ ᱢᱤᱫᱴᱟᱹᱝ ᱨᱮᱞᱣᱮ ᱡᱚᱸᱠᱥᱚᱱ ᱟᱨ ᱮᱼ᱑ ᱛᱷᱚᱠ (A-1 category) ᱨᱮᱱᱟᱜ ᱢᱳᱰᱟᱞ ᱥᱴᱮᱥᱚᱱ ᱠᱟᱱᱟ ᱾ ᱥᱚᱦᱚᱨ ᱨᱮᱱᱟᱜ ᱮᱴᱟᱜ ᱨᱮᱞᱣᱮ ᱥᱴᱮᱥᱚᱱ ᱠᱚᱫᱚ ᱟᱫᱤᱛᱯᱩᱨ, ᱜᱟᱹᱢᱦᱟᱹᱨᱤᱭᱟᱹ ᱠᱟᱱᱰᱨᱟ, ᱜᱚᱵᱤᱸᱫᱽᱯᱩᱨ ᱮᱢᱟᱱ ᱢᱮᱱᱟᱜᱼᱟ ᱾

ᱥᱚᱲᱚᱠ ᱰᱟᱦᱟᱨ

 

 

ᱡᱟᱢᱥᱮᱫᱽᱯᱩᱨ ᱫᱚ ᱡᱟᱹᱛᱤᱭᱟᱹᱨᱤ ᱟᱨ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱤᱫᱤ ᱛᱮ ᱥᱤᱧᱚᱛ ᱨᱮᱱᱟᱜ ᱮᱢᱟᱱ ᱴᱷᱟᱶ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱢᱩᱬ ᱨᱟᱡᱽᱰᱟᱦᱟᱨ ᱢᱮᱱᱟᱜᱼᱟ :

• ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱓ (NH-33) ᱛᱮ ᱥᱚᱦᱚᱨ ᱫᱚ ᱡᱚᱲᱟᱣ ᱟᱠᱟᱱᱟ ᱟᱨ ᱱᱚᱣᱟ ᱢᱩᱢᱵᱟᱭ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱟᱨ ᱢᱟᱲᱟᱝ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱒ (NH 32) ᱨᱮ ᱡᱚᱲᱟᱣ ᱟᱠᱟᱱᱟ, ᱱᱚᱣᱟ ᱠᱚᱞᱠᱟᱛᱟ, ᱫᱤᱞᱞᱤ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱒ (NH-2), ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱓ (NH-33) ᱟᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱖ (NH-6) ᱠᱷᱚᱱ ᱡᱚᱲᱟᱣ ᱟᱠᱟᱱᱟ, ᱱᱚᱣᱟ ᱠᱷᱚᱲᱚᱜᱽᱯᱩᱨ, ᱠᱚᱞᱠᱟᱛᱟ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾
• ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱒ (NH-32) ᱡᱟᱢᱥᱮᱫᱽᱯᱩᱨ ᱫᱚ ᱫᱷᱟᱱᱵᱟᱫᱽ, ᱞᱮᱠᱟᱛᱮ ᱵᱚᱠᱟᱨᱚ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾
• ᱴᱟᱴᱟᱼᱠᱟᱱᱰᱨᱟ ᱰᱟᱦᱟᱨ ᱡᱟᱢᱥᱮᱫᱽᱯᱩᱨ ᱫᱚ ᱜᱟᱹᱢᱦᱟᱹᱨᱤᱭᱟᱹ ᱞᱮᱠᱟᱛᱮ ᱠᱟᱱᱰᱨᱟ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾
• ᱢᱟᱨᱤᱱ ᱰᱨᱟᱭᱤᱵᱽ, ᱡᱟᱢᱥᱮᱫᱽᱯᱩᱨ ᱟᱫᱤᱛᱯᱩᱨ ᱴᱚᱞ ᱵᱽᱨᱤᱡᱽ ᱫᱚ ᱡᱟᱢᱥᱮᱫᱽᱯᱩᱨ ᱨᱮᱱᱟᱜ ᱯᱟᱪᱮ ᱰᱟᱦᱟᱨ ᱞᱮᱠᱟᱛᱮ ᱠᱟᱫᱽᱢᱟ, ᱥᱚᱱᱟᱨᱤ ᱞᱮᱠᱟᱛᱮ ᱢᱟᱱᱜᱚ ᱡᱚᱲᱟᱣ ᱟᱠᱟᱱᱟ ᱾

ᱩᱰᱟᱹᱱ ᱰᱟᱹᱦᱤ

ᱥᱚᱱᱟᱨᱤ ᱩᱰᱟᱹᱱ ᱰᱟᱹᱦᱤ ᱫᱚ ᱱᱤᱛᱚᱜ ᱢᱮᱱᱟᱜᱼᱟ ᱥᱚᱦᱚᱨ ᱥᱮᱵᱟ ᱞᱟᱹᱜᱤᱫ ᱾ ᱱᱚᱣᱟ ᱥᱚᱦᱚᱨ ᱨᱮᱱᱟᱜ ᱥᱚᱱᱟᱨᱤ ᱴᱚᱴᱷᱟ ᱨᱮ ᱒᱕ ᱮᱠᱟᱲ ᱴᱚᱴᱷᱟ ᱨᱮ ᱟᱴᱮᱫ ᱟᱠᱟᱱᱟ ᱾ ᱩᱰᱟᱹᱱ ᱰᱟᱹᱦᱤ ᱵᱮᱵᱷᱟᱨ ᱫᱚ ᱢᱩᱬ ᱞᱮᱠᱟᱛᱮ ᱴᱟᱴᱟ ᱜᱩᱴ ᱟᱜ ᱪᱟᱨᱴᱨᱰ ᱩᱰᱟᱹᱜ ᱜᱟᱹᱰᱤ ᱟᱜᱩ ᱞᱟᱹᱜᱤᱫ ᱠᱟᱹᱢᱤᱭᱟ ᱾ ᱫᱤᱱ ᱦᱩᱭ ᱮᱱᱟ ᱡᱟᱢᱥᱮᱫᱽᱯᱩᱨ ᱠᱷᱚᱱ ᱠᱚᱞᱠᱟᱛᱟ ᱩᱰᱟᱹᱜ ᱠᱟᱱ ᱛᱟᱦᱮᱸᱫ ᱾