ᱧᱩᱛᱩᱢᱟᱱ ᱚᱱᱚᱬᱦᱤᱭᱟᱹ ᱟᱨ ᱛᱚᱨᱡᱚᱢᱟᱭᱤᱡ ᱚᱢᱨᱤᱛᱚ ᱦᱟᱸᱥᱫᱟ ᱟᱜ ᱵᱟᱦᱟᱱᱟ ᱧᱩᱛᱩᱢ ᱫᱚ ᱫᱟᱵᱟᱱᱚᱞ ᱦᱟᱸᱥᱫᱟ ᱾ ᱩᱱᱤ ᱫᱚ ᱵᱟᱱᱟᱨ ᱧᱩᱛᱩᱢ ᱛᱮᱜᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭ ᱵᱟᱲᱟᱭᱚᱜᱼᱟ᱾ ᱚᱢᱨᱤᱛᱚ ᱦᱟᱸᱥᱫᱟ ᱟᱜ ᱡᱟᱱᱟᱢ ᱫᱚ ᱑᱙᱔᱕ ᱥᱮᱨᱢᱟ ᱨᱮᱭᱟᱜ ᱑᱑ ᱡᱩᱞᱟᱭ, ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ, ᱡᱷᱟᱲᱜᱨᱟᱢ ᱦᱚᱱᱚᱛ ᱨᱮᱭᱟᱜ ᱯᱩᱠᱩᱨᱩᱭᱟᱹ ᱰᱟᱠ ᱚᱲᱟᱜ ᱨᱮᱭᱟᱜ ᱠᱟᱹᱥᱤᱭᱟᱹ ᱟᱹᱛᱩ ᱨᱮ᱾ ᱟᱯᱟᱛ ᱧᱩᱛᱩᱢ ᱫᱚ ᱞᱚᱠᱠᱷᱚᱱ ᱦᱟᱸᱥᱫᱟ ᱟᱨ ᱮᱸᱜᱟᱛ ᱫᱚ ᱵᱩᱫᱷᱩᱢᱚᱱᱤ ᱦᱟᱸᱥᱫᱟ ᱾
ᱱᱚᱣᱟ ᱥᱟᱛᱟᱢ ᱣᱤᱠᱤ ᱞᱚᱵᱽᱥ ᱞᱤᱴᱮᱨᱮᱪᱚᱨ ᱒᱐᱒᱒ ᱞᱟᱹᱜᱤᱫ ᱵᱮᱨᱮᱫ ᱟᱠᱟᱱᱟ । |
ᱚᱢᱨᱤᱛᱚ ᱦᱟᱸᱥᱫᱟ | |
---|---|
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱩᱞᱟᱭ ᱑᱑, ᱑᱙᱔᱕ ᱠᱟᱹᱥᱤᱭᱟᱹ, ᱯᱩᱠᱩᱨᱩᱭᱟᱹ, ᱡᱷᱟᱲᱜᱨᱟᱢ, ᱯᱚᱪᱷᱤᱢ ᱵᱟᱝᱞᱟ |
ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
ᱧᱩᱢᱱᱟᱢ | ᱚᱱᱚᱞᱤᱭᱟᱹ |
ᱧᱩᱢᱦᱟᱞᱟᱝ ᱠᱟᱹᱢᱤ | "ᱫᱷᱤᱨᱤ ᱪᱟᱹᱴᱟᱹᱱᱤ", "ᱫᱮᱱ ᱥᱮ ᱛᱤᱧ ᱛᱤᱨᱤᱭᱳ ᱵᱟᱱᱟᱢ" |
ᱚᱢᱨᱤᱛᱚ ᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱫᱩᱵᱽᱨᱟᱡᱽᱯᱩᱨ ᱯᱨᱭᱢᱟᱨᱤ ᱥᱠᱩᱞ ᱠᱷᱚᱱ ᱮᱦᱚᱵ ᱟᱠᱟᱱᱟ᱾ ᱚᱱᱟ ᱛᱟᱭᱚᱢ, ᱑᱙᱕᱗ ᱥᱮᱨᱢᱟ ᱨᱮ ᱡᱷᱟᱲᱜᱨᱟᱢ ᱨᱮᱭᱟᱜ ᱠᱩᱫᱩᱢᱠᱩᱢᱟᱨᱤ ᱤᱱᱥᱴᱤᱴᱤᱭᱩᱥᱚᱱᱟᱞ ᱠᱷᱚᱱ ᱢᱮᱴᱨᱤᱠ ᱮ ᱯᱟᱥ ᱞᱮᱫᱟ ᱟᱨ ᱑᱙᱖᱗ ᱥᱮᱨᱢᱟ ᱨᱮ ᱡᱷᱟᱲᱜᱨᱟᱢ ᱨᱟᱡᱽ ᱠᱚᱞᱮᱡᱽ ᱠᱷᱚᱱ ᱵᱤ.ᱮ.ᱭ ᱯᱟᱥ ᱟᱠᱟᱫᱟ᱾ ᱚᱱᱟ ᱛᱟᱭᱚᱢ ᱟᱨ ᱯᱟᱲᱟᱣ ᱵᱟᱭ ᱛᱚᱸᱜᱮ ᱤᱫᱤ ᱫᱟᱲᱮ ᱞᱮᱫᱟ᱾
ᱚᱢᱨᱤᱛᱚ ᱦᱟᱸᱥᱫᱟ ᱫᱚ ᱵᱤ.ᱰᱤ.ᱳ ᱚᱯᱷᱤᱥ ᱨᱮ ᱢᱤᱫ ᱴᱟᱭᱤᱯᱥᱴ ᱞᱮᱠᱟᱛᱮ ᱠᱟᱹᱢᱤ ᱮ ᱮᱦᱚᱵ ᱞᱮᱫᱟ᱾ ᱛᱟᱭᱚᱢ ᱛᱮ ᱡᱟᱢᱵᱩᱱᱤ ᱵᱽᱞᱚᱠ ᱨᱮ ᱚᱱᱟ ᱵᱤ.ᱰᱤ.ᱳ ᱦᱩᱫᱟᱹ ᱨᱮᱜᱮ ᱩᱱᱤ ᱫᱚᱭ ᱵᱚᱦᱟᱞ ᱞᱮᱱᱟ᱾ ᱱᱚᱣᱟ ᱦᱩᱫᱟᱹ ᱨᱮ ᱛᱟᱦᱮᱸ ᱡᱚᱠᱷᱮᱡ ᱵᱟᱸᱠᱩᱲᱟ ᱦᱚᱱᱚᱛ ᱨᱮᱭᱟᱜ ᱟᱭᱢᱟ ᱵᱽᱞᱚᱠ ᱨᱮ ᱩᱱᱤᱭᱟᱜ ᱵᱚᱫᱞᱤ ᱦᱩᱭ ᱞᱮᱱᱟ᱾ ᱚᱱᱟᱛᱮ ᱩᱱᱤ ᱫᱚ ᱟᱹᱰᱤ ᱥᱩᱨ ᱠᱷᱚᱱ ᱥᱟᱱᱛᱟᱲ ᱥᱟᱶᱛᱟ ᱨᱮᱭᱟᱜ ᱫᱤᱱᱟᱹᱢ ᱫᱤᱱᱟᱜ ᱪᱤᱛᱟᱹᱨ ᱮ ᱧᱮᱞ ᱟᱠᱟᱫᱟ᱾ ᱡᱟᱦᱟᱸ ᱫᱚ ᱛᱟᱭᱚᱢ ᱛᱮ ᱟᱡᱟᱜ ᱥᱟᱶᱦᱮᱫ ᱪᱟᱨᱪᱟ ᱨᱮ ᱟᱹᱰᱤ ᱜᱚᱱᱚᱝ ᱟᱱᱟᱜ ᱥᱟᱫᱷᱚᱱ ᱞᱮᱠᱟᱛᱮ ᱠᱟᱹᱢᱤ ᱨᱮ ᱞᱟᱜᱟᱣ ᱟᱠᱟᱱᱟ᱾ ᱒᱐᱐᱕ ᱥᱮᱨᱢᱟ ᱨᱮ ᱩᱱᱤ ᱫᱚ ᱵᱤ.ᱰᱤ.ᱳ ᱦᱩᱫᱟᱹ ᱠᱷᱚᱱ ᱡᱤᱨᱟᱹᱣ ᱮ ᱦᱟᱛᱟᱣ ᱟᱠᱟᱫᱟ᱾
ᱠᱚᱞᱮᱡᱽ ᱡᱤᱭᱚᱱ ᱠᱷᱚᱱ ᱜᱮ ᱩᱱᱤ ᱫᱚ ᱥᱟᱱᱛᱟᱲᱤ ᱟᱨ ᱵᱟᱝᱞᱟ ᱵᱟᱱᱟᱨ ᱯᱟᱹᱨᱥᱤ ᱛᱮᱜᱮ ᱥᱟᱶᱦᱮᱫ ᱪᱟᱨᱪᱟ ᱮ ᱮᱦᱚᱵ ᱞᱮᱫᱟ᱾ ᱵᱟᱝᱞᱟ ᱯᱟᱹᱨᱥᱤ ᱪᱮᱛᱟᱱ ᱨᱮᱦᱚᱸ ᱟᱹᱰᱤᱜᱟᱱ ᱜᱮᱭᱟᱱ ᱛᱟᱦᱮᱸ ᱠᱟᱱ ᱛᱟᱭᱟ᱾ ᱥᱟᱱᱛᱟᱲᱤ ᱠᱷᱚᱱ ᱵᱟᱝᱞᱟ ᱨᱮ ᱛᱚᱨᱡᱚᱢᱟ ᱥᱟᱶ ᱥᱟᱶᱛᱮ ᱵᱟᱝᱞᱟ ᱚᱱᱚᱬᱦᱮᱸ ᱦᱚᱸᱭ ᱪᱟᱨᱪᱟ ᱟᱠᱟᱫᱟ᱾ ᱡᱟᱦᱟᱸ ᱫᱚ ᱟᱹᱰᱤᱜᱟᱱ ᱵᱟᱝᱞᱟ ᱯᱟᱛᱷᱟᱢ ᱠᱚᱨᱮ ᱦᱚᱸ ᱪᱷᱟᱯᱟ ᱟᱠᱟᱱᱟ᱾ ᱥᱟᱱᱛᱟᱲᱤ ᱛᱮᱦᱚᱸ ᱟᱭᱢᱟ ᱥᱮᱨᱮᱧ ᱚᱱᱚᱬᱦᱮᱸᱭ ᱚᱞ ᱟᱠᱟᱫᱟ ᱟᱨ ᱵᱟᱝᱞᱟ ᱠᱷᱚᱱ ᱟᱭᱟᱢ ᱚᱱᱚᱬᱦᱮᱸ, ᱠᱟᱹᱦᱱᱤ, ᱜᱟᱭᱟᱱ ᱠᱚ ᱥᱟᱱᱛᱟᱲᱤ ᱛᱮᱭ ᱛᱚᱨᱡᱚᱢᱟ ᱟᱠᱟᱫᱟ᱾ ᱱᱚᱣᱟ ᱛᱚᱨᱡᱚᱢᱟ ᱠᱷᱟᱹᱛᱤᱨ ᱛᱮᱜᱮ ᱑᱙᱙᱓ ᱥᱮᱨᱢᱟ ᱨᱮᱭᱟᱜ ᱚᱠᱴᱚᱵᱚᱨ ᱪᱟᱸᱫᱚ ᱠᱷᱚᱱ "ᱤᱯᱤᱞ" ᱧᱩᱛᱩᱢ ᱢᱤᱫ ᱯᱮᱼᱪᱟᱸᱫᱚᱠᱤᱭᱟᱹ ᱥᱟᱶᱦᱮᱫ ᱯᱟᱛᱷᱟᱢ ᱯᱟᱨᱥᱟᱞ ᱟᱨ ᱥᱟᱯᱲᱟᱣ ᱮᱫ ᱛᱟᱦᱮᱸᱫ ᱟᱭ᱾ ᱱᱚᱣᱟ ᱤᱯᱤᱞ ᱪᱷᱟᱰᱟ ᱠᱟᱛᱮ ᱨᱤᱢᱤᱞ, ᱮᱵᱷᱮᱱ, ᱥᱤᱞᱤ, ᱯᱚᱪᱷᱤᱢ ᱵᱟᱝᱞᱟ ᱮᱢᱟᱱ ᱥᱟᱱᱛᱟᱲᱤ ᱯᱟᱛᱷᱟᱢ ᱠᱚᱨᱮ ᱟᱡᱟᱜ ᱟᱭᱢᱟ ᱚᱞ ᱯᱟᱨᱥᱟᱞ ᱟᱠᱟᱱᱟ᱾ ᱥᱚᱨᱠᱟᱨᱤ, ᱵᱮᱼᱥᱚᱨᱠᱟᱨᱤ ᱟᱭᱢᱟ ᱜᱚᱱᱚᱴᱷᱚᱱ ᱠᱚ ᱦᱚᱛᱮᱛᱮ ᱥᱟᱯᱲᱟᱣ ᱟᱠᱟᱱ ᱟᱹᱰᱤᱜᱟᱱ ᱥᱟᱶᱦᱮᱫ ᱫᱩᱯᱩᱲᱩᱵ ᱨᱮᱭ ᱥᱮᱞᱮᱫ ᱟᱠᱟᱱᱟ᱾
This article uses material from the Wikipedia ᱥᱟᱱᱛᱟᱲᱤ article ᱚᱢᱨᱤᱛᱚ ᱦᱟᱸᱥᱫᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.