ᱤᱫᱽ ᱩᱞ ᱯᱷᱤᱛᱚᱨ
ᱤᱫᱽ ᱟᱞᱼᱯᱷᱤᱛᱚᱨ (/iːd əl ˈfɪtər/ eed əl FIT-ər; Arabic: عيد الفطر ʻĪd al-Fiṭr, IPA: ), ᱫᱚ ᱤᱥᱞᱟᱢ ᱫᱷᱚᱨᱚᱢ ᱨᱮᱭᱟᱜ ᱵᱟᱨᱮᱭᱟ ᱢᱟᱨᱟᱝ ᱫᱷᱚᱨᱚᱢ ᱯᱚᱨᱚᱵᱽ ᱨᱮᱱᱟᱜ ᱢᱤᱫᱴᱮᱱ ᱯᱚᱨᱚᱵᱽ ᱠᱟᱱᱟ᱾ ᱢᱤᱫ ᱪᱟᱸᱫᱚ ᱨᱳᱡᱟ ᱛᱟᱸᱦᱮᱱ ᱛᱟᱭᱚᱢ ᱨᱳᱡᱟ ᱨᱟᱹᱯᱩᱫ ᱢᱟᱦᱟᱸᱜᱮ ᱤᱫᱽ ᱟᱞᱼᱯᱷᱤᱛᱚᱨ ᱢᱮᱱᱛᱮᱠᱚ ᱢᱟᱱᱟᱣᱟ᱾
| ᱤᱫᱽ ᱟᱞᱼᱯᱷᱤᱛᱚᱨ (Eid al-Fitr) | |
|---|---|
| ᱚᱯᱷᱤᱥᱤᱭᱟᱞ ᱧᱩᱛᱩᱢ | Arabic: عيد الفطر, translit. ‘Īd al-Fiṭr |
| ᱢᱟᱱᱟᱣᱠᱩ | Muslims |
| ᱞᱮᱠᱟᱱ | Islamic |
| ᱢᱳᱦᱚᱴᱣᱚ | Marks the end of Ramadan fasting |
| ᱢᱟᱱᱟᱣ ᱠᱟᱹᱢᱤᱠᱩ | Eid prayers, charity, social gatherings, festive meals, gift-giving |
| Observances | Eid prayers, charity-giving |
| ᱢᱟᱹᱦᱤᱛ | 1 Shawwal |
| ᱥᱟᱹᱜᱟᱹᱭ ᱢᱮᱱᱟᱜᱼᱟ | Ramadan, Eid al-Adha |
ᱱᱟᱱᱟᱦᱩᱱᱟᱹᱨ ᱯᱟᱹᱨᱥᱤᱛᱮ ᱤᱫᱽ ᱨᱮᱱᱟᱜ ᱧᱩᱛᱩᱢᱠᱚ
- ᱟᱪᱮ – Uroë Raya Puasa Rojar Eid ("ᱨᱳᱡᱟ ᱨᱟᱹᱯᱩᱫ ᱯᱚᱨᱚᱵᱽ")
- ᱟᱞᱵᱮᱱᱤᱭᱳ – Fitër Bajrami, Bajrami i madh ("ᱢᱟᱨᱟᱝ ᱯᱚᱨᱚᱵᱽ")
- ᱟᱨᱵᱤ – عيد الفطر (ᱤᱫᱩᱞ ᱯᱷᱤᱴᱚᱨ)
- ᱵᱟᱝᱞᱟ – রোজার ঈদ, ঈদুল ফিতর (ᱨᱳᱡᱟᱨ ᱤᱫᱽ, ᱤᱫᱩᱞ ᱯᱷᱤᱛᱚᱨ)
- ᱪᱤᱱᱟ – 開齋節; 开斋节 / Kāi zhāi jié ("ᱩᱯᱟᱹᱥ ᱯᱚᱨᱚᱵᱽ ᱨᱮᱱᱟᱜ ᱢᱩᱪᱟᱹᱫ")
- ᱜᱨᱤᱠ – Σεκέρ Μπαϊράμ[২][৩]
- ᱦᱤᱵᱨᱩ – עיד אל-פיטר
- ᱦᱤᱱᱫᱤ – ईद उल-फ़ित्र ("ᱤᱫᱩᱞ ᱯᱷᱤᱛᱚᱨ")
- ᱥᱤᱞᱮᱴᱤ ᱯᱟᱹᱨᱥᱤ – রোজার ঈদ
- ᱛᱟᱢᱤᱞ – நோன்பு பெருநாள் / Nōṉpu perunāḷ
ᱚᱠᱛᱚ ᱥᱮ ᱢᱟᱦᱟᱸ
ᱦᱤᱡᱽᱨᱤ ᱥᱮᱨᱢᱟ ᱦᱤᱥᱟᱹᱵ ᱞᱮᱠᱟᱛᱮ ᱨᱚᱢᱡᱟᱱ ᱪᱟᱸᱫᱚ ᱢᱩᱪᱟᱹᱫ ᱠᱟᱛᱮ ᱥᱟᱣᱟᱞ ᱪᱟᱸᱫᱚ ᱨᱮᱱᱟᱜ ᱯᱩᱭᱞᱩ ᱢᱟᱦᱟᱸ ᱨᱮ ᱤᱫᱽ ᱟᱞᱼᱯᱷᱤᱛᱚᱨ ᱯᱚᱨᱚᱵ ᱢᱟᱱᱟᱣ ᱦᱩᱭᱩᱜᱼᱟ᱾ ᱟᱫᱚ ᱯᱚᱸᱡᱤᱠᱟ ᱞᱮᱠᱟᱛᱮ ᱨᱚᱢᱡᱟᱱ ᱪᱟᱸᱫᱚ ᱫᱚ ᱓᱐ ᱢᱟᱦᱟᱸ ᱠᱷᱚᱱ ᱡᱟᱹᱥᱛᱩ ᱵᱟᱭ ᱦᱩᱭᱩᱜᱼᱟ᱾ ᱤᱫᱽ ᱞᱟᱦᱟ ᱦᱤᱞᱟᱹᱜ ᱧᱤᱫᱟᱹ ᱪᱟᱸᱫᱚ ᱫᱚ ᱤᱥᱞᱟᱢᱤ ᱯᱟᱹᱨᱥᱤ ᱥᱮ ᱟᱲᱟᱝ ᱞᱮᱠᱟᱛᱮ 'ᱞᱟᱭᱞᱟᱛᱩᱞ ᱡᱟᱭᱡᱟ' (ᱥᱤᱨᱯᱟᱹ ᱧᱤᱫᱟᱹ) ᱠᱚ ᱢᱮᱛᱟᱜᱼᱟ᱾ ᱤᱥᱞᱟᱢᱤ ᱵᱤᱫᱷᱟᱱ ᱞᱮᱠᱟᱛᱮ ᱢᱮᱫ ᱛᱮ ᱪᱟᱸᱫᱚ ᱧᱮᱞ ᱧᱟᱢ ᱛᱟᱭᱚᱢ ᱫᱟᱨᱟᱢ ᱜᱮ ᱤᱫᱽ ᱠᱚ ᱜᱷᱳᱥᱳᱱᱟᱭᱟ᱾
ᱤᱫᱽ ᱨᱮᱱᱟᱜ ᱱᱟᱢᱟᱡᱽ
ᱤᱫᱽ ᱢᱟᱦᱟᱸᱨᱮ ᱫᱚ ᱢᱩᱥᱞᱟᱹᱠᱚ ᱟᱞᱞᱟᱦ ᱧᱩᱛᱩᱢ ᱛᱮ ᱠᱚ ᱠᱚᱭᱡᱚᱝᱼᱟ᱾ ᱤᱥᱞᱟᱢᱤ ᱵᱤᱫᱷᱟᱱ ᱞᱮᱠᱟᱛᱮ ᱒ ᱨᱟᱠᱟᱛ ᱤᱫᱽ ᱱᱟᱢᱟᱡᱽ ᱖ ᱛᱟᱠᱵᱤᱨ ᱥᱟᱶᱛᱮ ᱞᱟᱹᱴᱩ ᱢᱟᱴᱷᱨᱮ ᱥᱮ ᱢᱚᱥᱡᱤᱫᱽ ᱨᱮᱠᱩ ᱯᱟᱲᱦᱟᱣᱟ᱾ ᱯᱷᱚᱡᱚᱨ ᱨᱮᱱᱟᱜ ᱱᱟᱢᱟᱡᱽ ᱛᱟᱭᱚᱢ ᱤᱫᱽ ᱟᱞᱼᱯᱷᱤᱛᱚᱨ ᱨᱮᱱᱟᱜ ᱱᱟᱢᱟᱡᱽ ᱠᱩ ᱯᱟᱲᱦᱟᱣᱟ᱾ ᱟᱨ ᱱᱟᱢᱟᱡᱽ ᱛᱟᱭᱚᱢ ᱠᱷᱩᱛᱵᱟ ᱥᱮ ᱤᱥᱞᱟᱢᱤᱠ ᱠᱟᱛᱷᱚᱠᱩ ᱤᱢᱟᱢ ᱡᱚᱛᱚ ᱢᱩᱥᱞᱟᱹᱠᱩ ᱞᱟᱦᱟᱨᱮᱭ ᱞᱟᱹᱭ ᱥᱚᱫᱚᱨᱟ᱾ ᱤᱫᱽ ᱨᱮᱱᱟᱜ ᱱᱟᱢᱟᱡᱽ ᱛᱚᱭᱚᱢ ᱡᱟᱣᱨᱟᱣᱠᱟᱱ ᱢᱩᱥᱞᱟᱹᱠᱩ ᱟᱹᱠᱩ ᱟᱹᱠᱩ ᱠᱩ ᱠᱳᱞᱟᱠᱩᱞᱤ ᱡᱚᱝᱟ ᱟᱨ 'ᱤᱫᱽ ᱢᱩᱵᱟᱨᱟᱠ' ᱠᱩ ᱞᱟᱹᱭ ᱡᱚᱝᱟ᱾
ᱯᱷᱤᱛᱨᱟ
ᱨᱳᱡᱟ ᱪᱟᱸᱫᱚ ᱪᱟᱞᱟᱣ ᱡᱚᱠᱷᱚᱡ ᱡᱟᱸᱦᱟᱸᱱᱟᱜ ᱦᱩᱲᱟᱹ ᱠᱩ ᱦᱩᱭ ᱮᱢᱟᱱ ᱞᱮᱱ ᱠᱷᱟᱱ ᱚᱱᱟᱠᱩ ᱥᱩᱫᱷᱨᱟᱹᱣ ᱞᱟᱹᱜᱤᱛ ᱤᱫᱽ ᱦᱤᱞᱟᱹᱜ ᱨᱮᱸᱜᱮᱸᱪ ᱱᱟᱪᱟᱨ ᱢᱟᱹᱱᱢᱤ ᱠᱩ ᱴᱟᱠᱟ ᱯᱚᱭᱥᱟ ᱠᱩ ᱮᱢᱟᱣ ᱠᱳᱣᱟ ᱡᱟᱸᱦᱟᱸ ᱜᱮ ᱯᱷᱤᱛᱨᱟ ᱠᱩ ᱢᱮᱛᱟᱜᱼᱟ᱾ ᱤᱫᱽ ᱨᱮᱱᱟᱜ ᱱᱟᱢᱟᱡᱽ ᱞᱟᱦᱟᱨᱮᱜᱮ ᱯᱷᱤᱛᱨᱟ ᱮᱢ ᱨᱮᱱᱟᱜ ᱵᱤᱫᱷᱟᱱ ᱢᱮᱱᱟᱜᱼᱟ᱾ ᱟᱫᱚ ᱛᱟᱭᱚᱢ ᱛᱮᱦᱚᱸ ᱮᱢ ᱜᱟᱱᱚᱜ ᱜᱮᱭᱟ᱾
ᱤᱫᱽ ᱯᱚᱨᱚᱵᱽ
ᱤᱫᱽ ᱦᱤᱞᱟᱹᱜ ᱯᱩᱭᱞᱩ ᱨᱮ ᱱᱟᱣᱟ ᱠᱤᱪᱨᱤᱪ ᱠᱩ ᱦᱚᱨᱚᱜ ᱠᱟᱛᱮ ᱱᱟᱢᱟᱡᱽ ᱯᱟᱲᱦᱟᱜᱠᱩ ᱪᱟᱞᱟᱜᱼᱟ᱾ᱤᱫᱽ ᱨᱮᱱᱟᱜ ᱱᱟᱢᱟᱡᱽ ᱫᱚ ᱡᱚᱛᱚ ᱢᱩᱥᱞᱟᱹᱠᱩ ᱞᱟᱹᱜᱤᱛ᱾ ᱤᱱ ᱤᱞᱟᱹᱜ ᱥᱟᱞᱟᱢᱤ ᱦᱟᱛᱟᱣ ᱨᱮᱱᱟᱜ ᱢᱤᱫᱴᱮᱱ ᱨᱤᱛᱤ ᱢᱮᱱᱟᱜ ᱨᱮᱦᱚᱸ ᱚᱱᱟᱫᱚ ᱫᱷᱚᱨᱚᱢ ᱨᱮᱱᱟᱜ ᱡᱟᱸᱦᱟᱸ ᱱᱤᱭᱚᱢ ᱫᱚ ᱵᱟᱝ ᱠᱟᱱᱟ᱾
ᱤᱫᱽ ᱢᱟᱦᱟᱸ ᱨᱮᱱᱟᱜ ᱡᱚᱛᱚᱠᱷᱚᱡ ᱪᱟᱹᱞᱩ ᱡᱚᱢ ᱫᱚ ᱦᱩᱭᱩᱜ ᱠᱟᱱᱟ ᱥᱮᱢᱟᱭ᱾ ᱢᱩᱥᱞᱟᱹ ᱫᱤᱥᱚᱢ ᱠᱚᱨᱮ ᱫᱚ ᱱᱤᱭᱟᱹᱜᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱯᱚᱨᱚᱵᱽ ᱠᱟᱱᱟ᱾ ᱤᱫᱽ ᱦᱤᱞᱟᱹᱜ ᱢᱩᱥᱞᱟᱹ ᱠᱩ ᱥᱟᱶᱛᱮ ᱮᱴᱟᱜ ᱫᱷᱚᱨᱚᱢ ᱨᱮᱱ ᱢᱟᱹᱱᱢᱤ ᱠᱚ ᱦᱚᱸ ᱦᱟᱱᱛᱮ ᱱᱟᱛᱮ ᱠᱩ ᱫᱟᱲᱟᱵᱟᱲᱟᱭᱟ᱾
ᱥᱟᱹᱠᱷᱭᱟᱹᱛ
- Media related to Eid al-Fitr at Wiki Commons
- The dictionary definition of Eid al-Fitr at Wiktionary
This article uses material from the Wikipedia ᱥᱟᱱᱛᱟᱲᱤ article ᱤᱫᱽ ᱩᱞ ᱯᱷᱤᱛᱚᱨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.