ᱱᱚᱨᱫᱟᱱ ᱤᱵᱷᱟᱱᱡᱮᱞᱤᱠᱟᱞ ᱞᱩᱛᱷᱟᱨᱟᱱ ᱪᱟᱨᱪ
ᱱᱚᱨᱫᱟᱱ ᱤᱵᱷᱮᱱᱡᱮᱞᱤᱠᱟᱞ ᱞᱩᱛᱷᱮᱨᱟᱱ ᱪᱟᱨᱪ (NELC) ᱫᱚ ᱢᱤᱫ ᱥᱟᱸᱜᱮ ᱯᱟᱹᱨᱥᱤ ᱞᱩᱛᱷᱮᱨᱟᱱ ᱠᱨᱤᱥᱴᱤᱭᱟᱱ ᱪᱟᱨᱪ ᱠᱟᱱᱟ ᱡᱟᱦᱟᱸ ᱫᱚ ᱮᱛᱚᱢ ᱥᱤᱧᱚᱛ ᱨᱮᱱᱟᱜ ᱯᱩᱱᱭᱟᱹ ᱠᱚᱧᱮ - ᱡᱷᱟᱨᱠᱷᱚᱸᱰ, ᱟᱥᱟᱢ, ᱚᱨᱩᱱᱟᱪᱚᱞ ᱯᱨᱚᱫᱮᱥ ᱟᱨ ᱯᱚᱪᱷᱤᱢ ᱵᱟᱝᱞᱟ ᱨᱮ ᱢᱮᱱᱟᱜᱼᱟ᱾ ᱱᱮᱯᱟᱞ ᱨᱮ ᱫᱷᱚᱨᱚᱢ ᱯᱟᱥᱱᱟᱣ ᱟᱨ ᱵᱷᱩᱴᱟᱱ ᱨᱮ ᱦᱚᱸ ᱱᱚᱣᱟ ᱪᱟᱨᱪ ᱠᱟᱹᱢᱤ ᱠᱟᱱᱟ᱾ ᱱᱚᱣᱟ ᱫᱚ ᱥᱟᱢᱟᱝ-ᱠᱚᱧᱮ ᱥᱤᱧᱚᱛ ᱨᱮ ᱵᱳᱰᱳ ᱤᱵᱷᱮᱱᱡᱮᱞᱤᱠᱟᱞ ᱞᱩᱛᱷᱮᱨᱟᱱ ᱪᱟᱨᱪ ᱟᱨ ᱜᱚᱥᱱᱚᱨ ᱤᱵᱷᱮᱱᱡᱮᱞᱤᱠᱟᱞ ᱞᱩᱛᱷᱮᱨᱟᱱ ᱪᱟᱨᱪ ᱥᱟᱶᱛᱮ ᱯᱮᱭᱟ ᱞᱩᱛᱷᱮᱨᱟᱱ ᱪᱟᱨᱪ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ᱾
᱑᱘᱖᱘ ᱥᱮᱨᱢᱟ ᱨᱮ ᱦᱟᱱᱥ ᱯᱤᱴᱚᱨ ᱵᱩᱨᱨᱮᱥᱮᱱ, ᱰᱮᱱᱤᱥ ᱟᱨ ᱞᱟᱨᱚᱥ ᱳᱞᱥᱮᱱ ᱥᱠᱨᱮᱯᱥᱨᱩᱰ, ᱱᱚᱨᱣᱮᱡᱤᱭᱟᱱ ᱦᱚᱛᱮᱛᱮ ᱱᱚᱣᱟ ᱪᱟᱨᱪ ᱫᱚ ᱵᱮᱨᱮᱫ ᱞᱮᱱᱟ᱾ NELC ᱢᱤᱥᱚᱱᱟᱨᱤ ᱯᱚᱞ ᱚᱞᱟᱯᱷ ᱵᱚᱰᱤᱝ ᱫᱚ ᱥᱟᱱᱛᱟᱞᱤ ᱨᱳᱢᱟᱱ ᱦᱚᱨᱚᱯ ᱛᱮᱭᱟᱨ ᱞᱮᱫᱼᱟᱭ ᱡᱟᱦᱟᱸ ᱫᱚ ᱱᱤᱛᱚᱜ ᱦᱚᱸ ᱱᱚᱣᱟ ᱴᱚᱴᱷᱟ ᱨᱮᱱ ᱦᱚᱲ ᱠᱚ ᱵᱮᱵᱷᱟᱨᱮᱫ ᱠᱟᱱᱟ᱾ ᱥᱟᱱᱛᱟᱞ ᱦᱚᱲ ᱜᱮ ᱵᱟᱹᱲᱛᱤ ᱜᱟᱱ ᱫᱚ ᱪᱚᱨᱪ ᱨᱟᱹᱥᱤᱭᱟᱹ ᱢᱮᱱᱟᱜ ᱠᱚᱣᱟ, ᱟᱨ ᱵᱳᱨᱳ ᱟᱨ ᱵᱟᱝᱜᱟᱞᱤ ᱦᱚᱲ ᱫᱚ ᱵᱟᱹᱲᱛᱤ ᱜᱟᱱ ᱨᱟᱹᱥᱤᱭᱟᱹ ᱠᱚ ᱵᱮᱱᱟᱣ ᱠᱚᱣᱟ᱾ ᱱᱤᱛᱚᱜ ᱱᱚᱶᱟ ᱨᱮ ᱘᱕,᱐᱐᱐ ᱠᱷᱚᱱ ᱦᱚᱸ ᱡᱟᱹᱥᱛᱤ ᱜᱟᱱ ᱵᱚᱯᱚᱥᱛ ᱟᱠᱟᱱ ᱨᱟᱹᱥᱤᱭᱟᱹ ᱠᱚ ᱢᱮᱱᱟᱜ ᱠᱚᱣᱟ᱾
NELC ᱫᱚ ᱑᱙᱕᱘ ᱥᱮᱨᱢᱟ ᱨᱮ ᱱᱮᱛᱟᱨᱟᱜ ᱧᱩᱛᱩᱢ ᱮ ᱦᱟᱛᱟᱣ ᱞᱮᱫᱟ ᱟᱨ ᱱᱚᱣᱟ ᱨᱮᱭᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱫᱩᱢᱠᱟᱹ ᱨᱮ ᱢᱮᱱᱟᱜᱼᱟ᱾ ᱪᱟᱨᱪ ᱫᱚ ᱫᱷᱚᱨᱚᱢ ᱥᱟᱬᱮᱥ ᱥᱮᱪᱮᱫ ᱟᱨ ᱥᱮᱪᱮᱫ ᱮ ᱮᱢᱚᱜᱼᱟ᱾ NELC ᱫᱚ ᱥᱤᱧᱚᱛ ᱨᱮ ᱭᱩᱱᱟᱭᱴᱮᱰ ᱤᱵᱷᱮᱱᱡᱮᱞᱤᱠᱟᱞ ᱞᱩᱛᱷᱮᱨᱟᱱ ᱪᱟᱨᱪᱥ ᱨᱮᱱᱟᱜ ᱛᱩᱨᱩᱭ ᱜᱚᱴᱟᱝ ᱢᱟᱹᱞᱤᱠ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ᱾ ᱢᱳᱨᱱᱟᱭ ᱪᱟᱭ ᱮᱥᱴᱮᱴ ᱫᱚ ᱢᱟᱲᱟᱝ ᱫᱚ ᱜᱳᱣᱟᱞᱯᱟᱨᱟ ᱦᱚᱱᱚᱛ ᱨᱮ ᱛᱟᱦᱮᱸ ᱠᱟᱱᱟ᱾ ᱱᱤᱛᱚᱜ ᱫᱚ ᱠᱚᱠᱨᱟᱡᱷᱟᱲ ᱦᱚᱱᱚᱛ, ᱟᱥᱟᱢ ᱨᱮ ᱢᱮᱱᱟᱜᱼᱟ᱾ ᱱᱚᱣᱟ ᱫᱚ ᱪᱟᱨᱪ ᱨᱮᱭᱟᱜ ᱟᱹᱢᱟᱹᱞᱤᱭᱟᱹ ᱨᱮ ᱢᱮᱱᱟᱼᱟ᱾ NELC ᱫᱚ ᱟᱭᱢᱟ ᱦᱚᱲᱢᱚ ᱥᱟᱶᱟᱨ ᱛᱟᱞᱢᱟ ᱟᱨ ᱥᱟᱶᱛᱟ ᱥᱤᱠᱷᱱᱟᱹᱛ ᱠᱟᱹᱢᱤᱦᱚᱨᱟ ᱠᱚ ᱪᱟᱞᱟᱣ ᱮᱫᱟᱭ ᱟᱨ ᱢᱩᱬᱩᱛ ᱟᱥᱯᱟᱛᱟᱞ ᱫᱚ ᱢᱚᱦᱩᱞᱯᱷᱟᱦᱟᱨᱤ, ᱡᱷᱟᱨᱠᱷᱚᱸᱰ ᱨᱮ ᱢᱮᱱᱟᱜᱼᱟ᱾
ᱛᱷᱟᱯᱚᱱᱤᱡ
ᱞᱟᱨᱥ ᱳᱞᱥᱮᱱ ᱥᱠᱨᱮᱯᱥᱨᱩᱰ ᱟᱨ ᱦᱟᱱᱥ ᱯᱤᱴᱚᱨ ᱵᱳᱨᱮᱥᱮᱱ, ᱯᱚᱞ ᱳᱞᱟᱯᱷ ᱵᱚᱰᱤᱝ ᱦᱚᱛᱮᱛᱮ ᱪᱟᱞᱟᱣ ᱟᱹᱜᱩ ᱟᱠᱟᱱᱟ᱾
ᱵᱟᱨᱦᱮ ᱡᱚᱱᱚᱲ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱱᱚᱨᱫᱟᱱ ᱤᱵᱷᱟᱱᱡᱮᱞᱤᱠᱟᱞ ᱞᱩᱛᱷᱟᱨᱟᱱ ᱪᱟᱨᱪ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.