ᱰᱤᱢᱤᱛᱨᱤ ᱢᱮᱱᱰᱤᱞᱤᱵᱷ
ᱰᱤᱢᱤᱛᱨᱤ ᱤᱵᱷᱟᱱᱚᱵᱷᱤᱪ ᱢᱮᱱᱰᱮᱞᱮᱭᱮᱵᱷ (ᱨᱩᱥ ᱯᱟᱹᱨᱥᱤ ᱛᱮ Дми́трий Ива́нович Менделе́ев) (᱘ ᱯᱷᱮᱵᱨᱩᱣᱟᱨᱤ ᱑᱘᱓᱔ – ᱒ ᱯᱷᱮᱵᱨᱩᱣᱟᱨᱤ ᱑᱙᱐᱗) ᱫᱚ ᱨᱟᱥᱤᱭᱟ ᱨᱮᱱ ᱢᱤᱫ chemist ᱟᱨ inventor ᱠᱟᱱᱟᱭ ᱾
ᱡᱟᱱᱟᱢ ᱟᱨ ᱵᱟᱞᱮ ᱩᱢᱮᱨ
ᱢᱮᱱᱰᱮᱞᱮᱭᱮᱵᱷ ᱣᱟᱜ ᱡᱟᱱᱟᱢ ᱫᱚ ᱘ ᱯᱷᱮᱵᱨᱩᱣᱟᱨᱤ ᱑᱘᱓᱔ ᱥᱮᱨᱢᱟᱨᱮ ᱥᱟᱭᱵᱮᱨᱤᱭᱟ ᱨᱮᱱᱟᱜ ᱛᱚᱵᱚᱞᱚᱥᱠᱚ ᱨᱮᱱᱟᱜ ᱵᱷᱟᱨᱠᱷᱤᱱᱤ ᱟᱨᱮᱢᱡᱤᱭᱮᱱᱤ ᱟᱛᱚ ᱨᱮ᱾ ᱟᱡ ᱵᱟᱵᱟᱣᱟᱜ ᱧᱤᱛᱩᱢ ᱫᱚ ᱤᱵᱷᱟᱱ ᱯᱟᱵᱷᱚᱞᱳᱵᱷᱤᱪ ᱢᱮᱱᱰᱮᱞᱮᱭᱮᱵᱷ ᱟᱨ ᱜᱚᱜᱚᱣᱟᱜ ᱧᱤᱛᱩᱢ ᱫᱚ ᱢᱟᱨᱤᱭᱟ ᱰᱤᱢᱤᱛᱨᱤᱭᱮᱵᱷᱱᱟ ᱢᱮᱱᱰᱮᱞᱮᱭᱮᱵᱷᱟ᱾ ᱜᱚᱲᱚᱢ ᱦᱟᱲᱟᱢ ᱯᱟᱵᱷᱮᱞ ᱢᱟᱠᱥᱤᱢᱳᱵᱷᱤᱪ ᱫᱚ ᱨᱟᱥᱤᱭᱟ ᱨᱮᱱ ᱚᱨᱛᱷᱚᱰᱳᱠᱥ ᱪᱟᱨᱪ ᱨᱮᱱ ᱫᱷᱚᱨᱚᱢ ᱜᱩᱨᱩᱭ ᱛᱟᱦᱮ ᱠᱟᱱᱟ᱾ ᱤᱵᱷᱟᱱᱳᱵᱷᱤᱪ ᱟᱭᱟᱜ ᱢᱚᱡᱽ ᱧᱤᱛᱩᱢ ᱫᱚᱭ ᱧᱟᱢ ᱟᱠᱟᱫᱟ ᱫᱷᱚᱨᱚᱢ ᱥᱮᱪᱮᱫ ᱚᱠᱛᱮ᱾ ᱩᱱᱤ ᱫᱚ ᱢᱤᱫ ᱚᱨᱛᱷᱚᱰᱳᱠᱥ ᱠᱷᱨᱤᱥᱴᱟᱱᱮ ᱛᱟᱦᱮ ᱠᱟᱱᱟ ᱚᱠᱟ ᱫᱚ ᱩᱱᱤ ᱵᱟᱭ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱱᱟ᱾ ᱛᱟᱭᱚᱢ ᱫᱟᱨᱟᱢ ᱩᱱᱤ ᱫᱚ ᱫᱷᱚᱨᱚᱢᱮ ᱵᱟᱹᱜᱤᱭᱟᱫᱟ ᱟᱨ ᱢᱤᱫ ᱥᱤᱨᱡᱟᱹᱱᱤᱭᱟ ᱯᱟᱹᱛᱤᱭᱟᱹᱣ ᱨᱮᱭ ᱯᱟᱹᱛᱤᱭᱟᱹᱣ ᱮᱱᱟ᱾
ᱟᱢᱫᱟᱡᱚᱜ ᱠᱟᱱᱟ ᱢᱮᱱᱰᱮᱞᱮᱭᱮᱵᱷ ᱨᱮᱱ ᱫᱚ ᱑᱔ ᱠᱷᱚᱱ ᱑᱗ ᱜᱚᱴᱟᱝ ᱵᱚᱭᱦᱟ ᱢᱤᱥᱤ ᱠᱚ ᱛᱟᱦᱮ ᱠᱟᱱᱟ᱾ ᱩᱱᱠᱩ ᱢᱩᱫᱽ ᱨᱮ ᱢᱮᱱᱰᱮᱞᱮᱭᱮᱵᱷ ᱫᱚ ᱦᱩᱰᱤᱧ ᱩᱪᱟᱹᱨᱤᱡ ᱠᱟᱱᱟᱭ᱾ ᱟᱡ ᱵᱟᱵᱟ ᱫᱚ fine arts, philosophy ᱟᱨ political science ᱨᱮᱱ ᱢᱟᱪᱮᱫ ᱮ ᱛᱟᱦᱮ ᱠᱟᱱᱟ᱾ ᱟᱡ ᱵᱟᱵᱟ ᱫᱚ ᱛᱟᱞᱟ ᱩᱢᱮᱞ ᱨᱮᱜᱮᱭ ᱠᱟᱬᱟ ᱮᱱᱟ ᱟᱨ ᱟᱭᱟᱜ ᱠᱟᱹᱢᱤ ᱦᱚᱸᱭ ᱟᱫ ᱠᱮᱫᱟ᱾ ᱟᱡ ᱜᱚᱜᱚ ᱛᱤ ᱨᱮ ᱜᱤ ᱜᱷᱟᱨᱚᱡ ᱫᱚ ᱯᱟᱲᱟᱣ ᱮᱱᱟ᱾ ᱩᱱᱤ ᱫᱚ glass factory ᱨᱮ ᱠᱟᱹᱢᱤᱭᱮ ᱧᱟᱢ ᱡᱚᱝ ᱟᱱᱟ᱾ ᱢᱮᱱᱰᱮᱞᱮᱭᱮᱵᱷ ᱫᱚ ᱜᱮᱞ ᱯᱮ ᱩᱢᱮᱞ ᱨᱮ ᱟᱡ ᱵᱟᱵᱟᱭ ᱜᱚᱡ ᱵᱟᱹᱜᱤᱭᱟᱫᱮᱭᱟ᱾ ᱟᱡ ᱜᱚᱜᱚ ᱣᱟᱜ ᱜᱞᱟᱥ ᱯᱷᱮᱠᱴᱚᱨᱤ ᱨᱮᱭ ᱞᱚ ᱜᱚᱡ ᱮᱱᱟ᱾ ᱢᱮᱱᱰᱮᱞᱮᱭᱮᱵᱷ ᱫᱚ ᱛᱚᱵᱚᱞᱚᱥᱠ ᱨᱮᱱᱟᱜ ᱡᱤᱢᱱᱮᱥᱤᱭᱟᱢ ᱤᱥᱠᱩᱞ ᱨᱮᱭ ᱵᱷᱚᱨᱛᱤᱭᱮᱱᱟ᱾
᱑᱘᱔᱙ ᱥᱮᱨᱢᱟ ᱨᱮ ᱟᱡ ᱜᱚᱜᱚ ᱢᱟᱨᱟᱝ ᱥᱮᱪᱮᱫ ᱞᱟᱹᱜᱤᱫ ᱥᱟᱭᱵᱮᱨᱤᱭᱟ ᱠᱷᱚᱱ ᱢᱚᱥᱠᱳ ᱛᱮᱭ ᱤᱫᱤ ᱠᱤᱫᱤᱭᱟ ᱢᱮᱱᱰᱮᱞᱮᱭᱮᱵᱷ᱾ ᱢᱚᱥᱠᱳ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱫᱚ ᱢᱮᱱᱰᱮᱞᱮᱭᱮᱵᱷ ᱢᱟᱪᱮᱫᱤᱭᱟᱹ ᱞᱮᱠᱟ ᱛᱮ ᱵᱟᱠᱚ ᱦᱟᱛᱟᱣ ᱞᱤᱫᱤᱭᱟ᱾ ᱩᱱᱤ ᱫᱚ ᱥᱮᱱᱴ ᱯᱤᱴᱟᱨᱥᱵᱟᱜᱽ ᱵᱤᱨᱫᱟᱹᱜᱟᱲ ᱨᱮᱭ ᱵᱷᱚᱨᱛᱤᱭᱮᱱᱟ᱾ ᱟᱭᱟᱜ ᱜᱷᱟᱨᱚᱡ ᱨᱮᱱ ᱡᱚᱛᱚ ᱦᱚᱲ ᱥᱮᱱᱴ ᱯᱤᱴᱟᱨᱥᱵᱟᱜᱽ ᱨᱮ ᱛᱟᱦᱮᱱ ᱠᱚ ᱦᱮᱡ ᱮᱱᱟ᱾ graduate ᱢᱩᱪᱟᱹᱫ ᱛᱟᱭᱚᱢ ᱠᱷᱩᱜ ᱨᱩᱣᱟᱹ(tb) ᱧᱟᱢ ᱠᱤᱫᱤᱭᱟ᱾ ᱚᱱᱟᱛᱮ ᱠᱨᱤᱢᱤᱱ ᱯᱮᱱᱤᱱᱥᱩᱞᱟ ᱛᱮᱭ ᱥᱮᱱ ᱮᱱᱟ᱾ ᱚᱱᱟ ᱫᱚ ᱦᱮᱱᱫᱮ ᱜᱟᱰᱟ ᱫᱟᱹᱠᱷᱤᱱ ᱛᱟᱦᱮ ᱠᱟᱱᱟ᱾ ᱚᱱᱰᱮ ᱛᱟᱦᱮᱱ ᱚᱠᱛᱮ ᱩᱱᱤ ᱫᱚ ᱢᱤᱫ ᱵᱤᱨᱫᱟᱹᱜᱟᱲ ᱨᱮ ᱥᱟᱭᱮᱱᱥ ᱨᱮᱱ ᱢᱟᱪᱮᱫ ᱠᱟᱹᱢᱤ ᱛᱷᱚᱲᱟ ᱢᱟᱦᱟᱭ ᱠᱟᱹᱢᱤ ᱠᱮᱫᱟ᱾ ᱑᱘᱕᱗ ᱥᱮᱨᱢᱟ ᱨᱩᱣᱟᱹ ᱠᱷᱚᱱ ᱯᱷᱟᱨᱱᱟᱣ ᱠᱟᱛᱮᱜ ᱥᱮᱱᱴ ᱯᱤᱴᱟᱨᱥᱵᱟᱜᱽ ᱮ ᱨᱩᱣᱟᱲᱮᱱᱟ᱾
ᱯᱷᱮᱰᱮᱛ
This article uses material from the Wikipedia ᱥᱟᱱᱛᱟᱲᱤ article ᱰᱤᱢᱤᱛᱨᱤ ᱢᱮᱱᱰᱤᱞᱤᱵᱷ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.