ᱪᱷᱚᱴ ᱯᱩᱡᱟᱹ
ᱪᱷᱚᱴ ᱯᱩᱡᱟ., ᱪᱷᱚᱴ ᱟᱨᱵᱟᱝ ᱥᱚᱥᱴᱷᱤ ᱯᱩᱡᱟᱹ ᱠᱟᱨᱛᱤᱠ ᱥᱩᱠᱞᱚ ᱯᱚᱠᱥ ᱨᱮᱱᱟᱜ ᱥᱚᱥᱴᱷᱤ ᱦᱤᱞᱚᱜ ᱠᱚ ᱢᱟᱱᱟᱣ ᱵᱟᱛᱟᱣ ᱮᱫ ᱢᱤᱫ ᱦᱤᱱᱫᱩ ᱯᱟᱨᱟᱵᱽ ᱠᱟᱱᱟ ᱾ ᱥᱤᱧ ᱵᱚᱸᱜᱟ ᱢᱟᱝ ᱟᱨ ᱱᱚᱶᱟ ᱫᱚ ᱢᱤᱫ ᱟᱹᱰᱤ ᱜᱮ ᱥᱚᱨᱮᱥ ᱥᱟᱶᱛᱟᱨᱤ ᱞᱟᱠᱪᱟᱨ ᱯᱟᱨᱟᱵᱽ ᱠᱟᱱᱟ, ᱡᱟᱦᱟᱸ ᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱵᱤᱦᱟᱨ, ᱡᱷᱟᱨᱠᱷᱚᱸᱰ, ᱯᱟᱪᱷᱮᱛ ᱩᱛᱚᱨ ᱯᱨᱚᱫᱮᱥ, ᱟᱨ ᱱᱮᱯᱟᱲ ᱨᱮᱱᱟᱜ ᱛᱚᱨᱟᱭᱤ ᱴᱚᱴᱷᱟ ᱨᱮ ᱠᱚ ᱢᱟᱱᱟᱣ ᱵᱟᱛᱟᱣᱟ ᱾ ᱢᱮᱱ ᱟᱠᱚ ᱫᱚ ᱱᱚᱶᱟ ᱯᱟᱨᱟᱵᱽ ᱫᱚ ᱱᱚᱶᱟ ᱯᱟᱨᱟᱵᱽ ᱫᱚ ᱯᱟᱪᱷᱮᱛ ᱵᱤᱦᱟᱹᱨᱤᱭᱟᱹ ᱠᱚᱣᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱯᱟᱨᱟᱵᱽ ᱠᱟᱱᱟ ᱟᱨ ᱱᱚᱶᱟ ᱫᱚ ᱩᱱᱠᱩᱣᱟᱜ ᱢᱤᱫ ᱞᱟᱠᱪᱟᱨ ᱠᱟᱱᱟ ᱾ ᱪᱷᱚᱴ ᱯᱟᱨᱟᱵᱽ ᱫᱚ ᱵᱤᱦᱟᱨ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱨᱚᱢᱡᱷᱚᱢ ᱛᱮᱠᱚ ᱢᱟᱱᱟᱣ ᱵᱟᱛᱟᱣᱟ ᱾ ᱱᱚᱶᱟ ᱢᱤᱫᱴᱟᱹᱝ ᱥᱩᱢᱩᱝ ᱜᱮ ᱵᱤᱦᱟᱨ ᱥᱮ ᱯᱩᱨᱟᱹ ᱥᱤᱧᱚᱛ ᱨᱮ ᱢᱤᱫᱴᱟᱹᱝ ᱱᱚᱝᱠᱟᱱ ᱯᱟᱨᱟᱵᱽ ᱠᱟᱱᱟ ᱡᱟᱦᱟᱸ ᱫᱚ ᱵᱚᱭᱫᱤᱠ ᱱᱟᱝ ᱠᱷᱚᱱ ᱦᱮᱡ ᱟᱹᱜᱩᱜ ᱠᱟᱱᱟ ᱟᱨ ᱱᱚᱶᱟ ᱫᱚ ᱵᱤᱦᱟᱨ ᱨᱮ ᱢᱤᱫ ᱞᱟᱠᱪᱟᱨ ᱜᱮ ᱵᱮᱱᱟᱣ ᱦᱩᱭ ᱟᱠᱟᱱᱟ ᱾ ᱱᱚᱰᱮ ᱫᱚ ᱯᱟᱪᱷᱮᱛ ᱵᱤᱦᱟᱨ ᱨᱮᱱᱟᱜ ᱵᱮᱭᱫᱤᱠ ᱟᱨᱭᱚ ᱞᱟᱠᱪᱟᱨ ᱨᱮᱱᱟᱜ ᱢᱤᱫ ᱦᱩᱰᱤᱧ ᱥᱟ.ᱦᱤᱸᱡ ᱡᱷᱚᱞᱚᱠ ᱮ ᱫᱮᱠᱷᱟᱣᱟ ᱾ ᱱᱚᱶᱟ ᱫᱚ ᱢᱩᱬᱩᱛ ᱞᱮᱠᱟᱛᱮ ᱨᱩᱥᱤ ᱦᱚᱛᱮᱛᱮ ᱚᱞ ᱟᱠᱟᱱ ᱨᱩᱜᱽᱵᱮᱫᱽ ᱨᱮ ᱥᱤᱧ ᱪᱟᱸᱫᱚ ᱢᱟᱝ ᱟᱭ, ᱩᱥᱟ ᱯᱩᱡᱟᱹ ᱟᱨ ᱟᱨᱭᱚ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱵᱤᱦᱟᱨ ᱨᱮ ᱱᱚᱶᱟ ᱫᱚ ᱯᱟᱨᱟᱵᱽ ᱞᱮᱠᱟᱛᱮ ᱠᱚ ᱢᱟᱱᱟᱣ ᱵᱟᱛᱟᱣᱟ ᱾
| ᱪᱷᱚᱴ ᱯᱩᱡᱟ | |
|---|---|
 Performing of prayer to Sun around the holy rivers, ponds and other small water bodies | |
| ᱮᱴᱟᱜ ᱧᱩᱛᱩᱢ | ᱪᱷᱚᱭᱤᱛᱷ ᱪᱷᱚᱴ ᱯᱟᱨᱟᱵᱽ ᱪᱷᱚᱴ ᱯᱩᱡᱟ ᱫᱚᱞᱚ ᱪᱷᱚᱴ ᱫᱚᱞᱚ ᱯᱩᱡᱟ ᱥᱩᱨᱭᱟ ᱥᱚᱥᱴᱷᱤ |
| ᱢᱟᱱᱟᱣᱠᱩ |
|
| ᱞᱮᱠᱟᱱ | ᱞᱟᱠᱪᱟᱨᱮᱛ, ᱱᱟᱜᱟᱢᱮᱛ, ᱫᱷᱚᱨᱚᱢᱮᱛ |
| ᱢᱳᱦᱚᱴᱣᱚ | To thank Sun for bestowing the bounties of life on earth and fulfilling particular wishes |
| ᱢᱟᱹᱦᱤᱛ | Kartik Shukla Shashthiᱪᱷᱟᱸᱪ:Infobox holiday/wd |
ᱵᱤᱦᱟᱨ ᱨᱮ ᱦᱤᱱᱫᱩ ᱠᱚ ᱦᱚᱛᱮᱛᱮ ᱢᱟᱱᱟᱣᱜ ᱠᱟᱱ ᱱᱚᱶᱟ ᱯᱟᱨᱟᱵᱽ ᱫᱚ ᱤᱥᱞᱟᱢ ᱠᱚ ᱥᱟᱶᱛᱮ ᱮᱴᱟᱜ ᱫᱷᱚᱨᱚᱢ ᱢᱟᱱᱟᱣ ᱵᱟᱛᱟᱣᱮᱫ ᱠᱚᱦᱚᱸ ᱢᱟᱱᱟᱣᱮᱫ ᱟᱠᱚ ᱢᱮᱱᱛᱮ ᱠᱚ ᱧᱮᱞᱚᱜ-ᱟ ᱾ ᱵᱟᱹᱭ ᱵᱟᱹᱭ ᱛᱮ ᱱᱚᱶᱟ ᱯᱟᱨᱟᱵᱽ ᱫᱚ ᱥᱤᱧᱚᱛ ᱨᱮ ᱵᱟᱥᱟ ᱵᱚᱥᱠᱚᱫᱚᱜ ᱠᱟᱱ ᱦᱚᱲ ᱥᱟᱶ ᱥᱟᱶᱛᱮ ᱯᱩᱨᱟᱹ ᱡᱮᱜᱮᱛ ᱡᱟᱠᱟᱛ ᱨᱮ ᱯᱟᱨᱪᱟᱣ ᱯᱟᱥᱱᱟᱣ ᱟᱠᱟᱱᱟ ᱢᱮᱱᱛᱮ ᱧᱮᱞ ᱧᱟᱢᱚᱜ-ᱟ ᱾ ᱪᱷᱚᱴ ᱯᱩᱡᱟᱹ ᱫᱚ ᱥᱤᱧ ᱪᱟᱸᱫᱚ, ᱩᱥᱟ, ᱯᱩᱨᱠᱩᱛᱤᱭᱟᱹ, ᱫᱟᱜ, ᱦᱚᱭ ᱟᱨ ᱩᱱᱠᱩᱭᱤᱡ ᱢᱤᱥᱨᱟ ᱪᱷᱚᱴᱤ ᱢᱟᱭᱭᱟ ᱠᱚ ᱢᱟᱝ ᱟᱭᱟ ᱡᱟᱛᱮ ᱩᱱᱤ ᱫᱚ ᱫᱷᱟᱹᱨᱛᱤ ᱨᱮ ᱡᱤᱭᱚᱱ ᱨᱤᱱ ᱵᱚᱸᱜᱟ ᱵᱳᱨᱳ ᱠᱚ ᱵᱟᱦᱟᱞ ᱠᱚ ᱞᱟᱹᱜᱤᱫ ᱥᱟᱨᱦᱟᱣ ᱟᱨ ᱥᱟᱹᱜᱩᱱᱥᱟᱨᱦᱟᱣ ᱮᱢ ᱞᱟᱹᱜᱤᱫ ᱠᱚ ᱱᱮᱦᱚᱸᱨ ᱮᱭᱟ ᱾ ᱪᱷᱚᱴ ᱨᱮᱫᱚ ᱪᱮᱫ ᱢᱩᱨᱛᱤ ᱯᱩᱡᱟᱹ ᱦᱚᱸ ᱥᱮᱞᱮᱫ ᱫᱚ ᱵᱟᱹᱱᱩᱜ ᱟᱱᱟ ᱾
ᱯᱟᱨᱟᱵᱽ ᱨᱮᱱᱟᱜ ᱥᱟᱯᱲᱟᱣ ᱫᱚ ᱟᱹᱰᱤ ᱟᱸᱴ ᱜᱮᱭᱟ ᱟᱨ ᱯᱩᱱ ᱫᱤᱱ ᱚᱠᱛᱚ ᱨᱮ ᱢᱟᱱᱟᱣ ᱵᱟᱛᱟᱣ ᱨᱮᱱᱟᱜ ᱨᱤᱛ ᱢᱮᱱᱟᱜ-ᱟ ᱾ ᱱᱚᱶᱟᱨᱮ ᱥᱚᱱᱚᱛ ᱛᱩᱯᱩᱱ, ᱩᱯᱟᱹᱥ, ᱟᱨ ᱧᱩ ᱞᱟᱹᱜᱤᱫ ᱫᱟᱜ ᱠᱷᱚᱱ ᱦᱚᱸ ᱥᱟᱺᱜᱤᱧ ᱨᱮ ᱛᱟᱦᱮᱸᱱ ᱟᱹᱰᱤ ᱜᱷᱟᱹᱲᱤᱠ ᱫᱷᱟᱹᱵᱤᱡ ᱫᱟᱜ ᱛᱟᱞᱟᱨᱮ ᱛᱤᱸᱜᱩ ᱛᱟᱦᱮᱸᱱ, ᱟᱨ ᱵᱷᱚᱜᱽ (ᱱᱮᱦᱚᱨ ᱵᱷᱚᱜᱽ) ᱥᱮᱞᱮᱫ ᱨᱮ ᱢᱮᱱᱟᱜ-ᱟ ᱾ ᱯᱚᱨᱵᱟᱛᱤᱱ ᱧᱩᱛᱩᱢᱟᱱ ᱢᱩᱬᱩᱛ ᱩᱯᱟᱹᱥᱤᱭᱟᱹ (ᱞᱟᱠᱪᱟᱨ ᱯᱟᱨᱟᱵᱽ ᱠᱷᱚᱱ ᱡᱟᱦᱟᱸᱭᱟᱜ ᱢᱮᱱᱮᱛ ᱫᱚ 'ᱛᱟᱠ' ᱟᱨᱵᱟᱝ 'ᱯᱟᱨᱟᱵᱽ' ) ᱵᱟᱹᱲᱛᱤ ᱞᱮᱠᱟᱛᱮ ᱫᱚ ᱠᱩᱲᱤ ᱦᱚᱯᱚᱱ ᱠᱚᱜᱮ ᱠᱚ ᱛᱟᱦᱮᱸᱱᱟ ᱾ ᱦᱟᱹᱞᱤ ᱫᱚ ᱟᱹᱰᱤ ᱵᱟᱹᱲᱛᱤ ᱜᱮ ᱠᱚᱲᱟ ᱦᱚᱯᱚᱱ ᱠᱚᱦᱚᱸ ᱱᱚᱶᱟ ᱯᱟᱨᱟᱵᱽ ᱫᱚᱠᱚ ᱢᱟᱱᱟᱣ ᱵᱟᱛᱟᱣᱮᱫ-ᱟ ᱪᱮᱫᱟᱜ ᱥᱮ ᱪᱷᱚᱴ ᱫᱚ ᱢᱤᱫ ᱡᱟᱱᱟᱝ ᱪᱮᱛᱟᱱ ᱯᱟᱨᱟᱵᱽ ᱫᱚ ᱵᱟᱝ ᱠᱟᱱᱟ ᱾ ᱪᱷᱚᱴ ᱢᱟᱨᱟᱝ ᱯᱟᱨᱟᱵᱽ ᱨᱮᱱᱟᱜ ᱩᱯᱟᱹᱥ ᱫᱚ ᱠᱩᱲᱤ, ᱠᱚᱲᱟ, ᱦᱟᱲᱟᱢ ᱵᱩᱰᱷᱤ ᱡᱚᱛᱚ ᱠᱚ ᱠᱚᱨᱟᱣ ᱫᱟᱲᱮᱭᱟᱜ-ᱟ ᱾
ᱮᱛᱚᱦᱚᱵ
ᱢᱤᱫ ᱠᱟᱛᱷᱟ ᱞᱮᱠᱟᱛᱮ ᱯᱩᱭᱞᱩ ᱫᱚ ᱫᱮᱵᱟᱥᱩᱨ ᱦᱩᱞᱥᱟᱹᱭ ᱨᱮ ᱛᱤᱱ ᱡᱚᱦᱚᱜ ᱚᱥᱩᱨ ᱠᱚᱣᱟᱜ ᱛᱤᱛᱮ ᱫᱮᱵᱚᱛᱟ ᱠᱚ ᱦᱟᱨᱟᱣ ᱞᱮᱱᱟ, ᱩᱱ ᱡᱚᱦᱚᱜ ᱵᱚᱸᱜᱟ ᱟᱭᱳ ᱟᱫᱤᱛᱤ ᱫᱚ ᱵᱤᱨ ᱦᱚᱯᱚᱱ ᱧᱟᱢᱮ ᱞᱟᱹᱜᱤᱫ ᱫᱮᱵᱟᱨᱚᱬᱭᱚ ᱨᱤᱱᱤᱡ ᱵᱚᱸᱜᱟ ᱥᱤᱧ ᱪᱟᱸᱫᱚ ᱢᱩᱫᱽᱨᱤ ᱨᱮ ᱪᱷᱳᱴᱤ ᱟᱭᱳ ᱴᱷᱮᱱ ᱮ ᱱᱮᱦᱚᱸᱨ ᱡᱚᱦᱟᱨ ᱞᱮᱱ ᱛᱟᱦᱮᱸᱫ ᱾ ᱩᱱ ᱡᱚᱦᱚᱜ ᱠᱩᱥᱤ ᱠᱟᱛᱮ ᱪᱷᱳᱴᱤ ᱟᱭᱳ ᱫᱚ ᱩᱱᱤ ᱡᱚᱛᱚ ᱜᱩᱱ ᱛᱮ ᱯᱩᱨᱩᱱ ᱵᱤᱨ ᱦᱚᱯᱚᱱ ᱦᱩᱭᱩᱜ ᱨᱮᱱᱟᱜ ᱛᱷᱩᱢ ᱮ ᱮᱢᱟ ᱟᱫᱮ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱟᱫᱤᱛᱤᱭᱤᱡ ᱦᱚᱯᱚᱱ ᱫᱚᱭ ᱦᱩᱭ ᱮᱱᱟ ᱛᱨᱤᱫᱮᱵᱽ ᱨᱩᱯ ᱟᱫᱤᱛᱭᱚ ᱵᱷᱚᱜᱚᱵᱟᱱ, ᱡᱟᱦᱟᱸᱭ ᱚᱥᱩᱨ ᱠᱚ ᱪᱮᱛᱟᱱ ᱨᱮ ᱫᱮᱵᱚᱛᱟ ᱠᱚᱭ ᱡᱤᱛᱠᱟᱹᱨ ᱮ ᱟᱢᱮᱴ ᱚᱪᱚ ᱠᱮᱫ ᱠᱚᱣᱟ ᱾ ᱢᱮᱱ ᱟᱠᱚ ᱫᱚ ᱚᱱᱟ ᱚᱠᱛᱚ ᱠᱷᱚᱱ ᱜᱮ ᱫᱮᱵᱽ ᱥᱮᱱᱟ ᱥᱚᱥᱴᱷᱤ ᱫᱮᱵᱤᱭᱟᱜ ᱧᱩᱛᱩᱢ ᱛᱮ ᱚᱱᱟ ᱵᱚᱸᱜᱟ ᱛᱷᱟᱱ ᱨᱮᱱᱟᱜ ᱧᱩᱛᱩᱢ ᱫᱚ ᱫᱮᱵᱽ ᱦᱩᱭ ᱮᱱᱟ ᱟᱨ ᱪᱷᱳᱴ ᱨᱮᱱᱟᱜ ᱪᱚᱞᱚᱱ ᱦᱚᱸ ᱮᱛᱚᱦᱚᱵ ᱮᱱᱟ ᱾
ᱪᱷᱳᱴ ᱯᱩᱡᱟᱹ ᱫᱚ ᱢᱤᱫ ᱮᱲᱮ ᱯᱩᱡᱟᱹ ᱢᱮᱱᱮᱛ ᱟᱱᱫᱷᱟ ᱜᱚᱨᱚᱡᱽ ᱵᱷᱚᱠᱛᱤ ᱥᱩᱢᱩᱝ ᱜᱮ ᱠᱟᱱᱟ, ᱦᱤᱱᱫᱩ ᱫᱷᱚᱨᱚᱢ ᱨᱮᱱᱟᱜ ᱥᱚᱱᱚᱛ ᱫᱷᱚᱨᱚᱢ ᱯᱩᱛᱷᱤ ᱞᱮᱠᱟᱱ ᱵᱮᱫᱚ ᱟᱨ ᱜᱤᱛᱟ ᱨᱮ ᱱᱚᱶᱟ ᱨᱮᱱᱟᱜ ᱚᱞ ᱛᱚᱞ ᱫᱚ ᱵᱟᱹᱱᱩᱜ ᱟᱱᱟ ᱾
ᱥᱟᱹᱠᱷᱭᱟᱹᱛ
ᱵᱟᱦᱨᱮ ᱡᱚᱱᱚᱲ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Chhath ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
This article uses material from the Wikipedia ᱥᱟᱱᱛᱟᱲᱤ article ᱪᱷᱚᱴ ᱯᱩᱡᱟᱹ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.