ᱥᱤᱧᱚᱛ ᱨᱮ ᱠᱳᱵᱷᱤᱰ-᱑᱙ ᱢᱚᱦᱟᱢᱟᱨᱤ ᱫᱚ ᱟᱹᱰᱤ ᱜᱟᱹᱦᱤᱨ ᱛᱮ ᱥᱟᱦᱮᱫ ᱭᱚᱱᱟᱛᱨᱚ ᱨᱮ ᱟᱡᱟᱨ ᱥᱤᱨᱡᱚᱱᱮᱫ ᱠᱚᱨᱳᱱᱟᱵᱷᱟᱭᱨᱟᱥ ᱒ (ᱥᱟᱨᱥ-ᱠᱳᱵᱷ-᱒) ᱧᱩᱛᱩᱢᱟᱱ ᱢᱤᱫ ᱞᱮᱠᱟᱱ ᱠᱚᱨᱳᱱᱟᱵᱷᱟᱭᱨᱟᱥ ᱛᱮ ᱦᱩᱭᱩᱜ ᱠᱟᱱ ᱡᱮᱜᱮᱛ ᱡᱟᱠᱟᱛ ᱢᱚᱦᱟᱢᱟᱨᱤ ᱨᱮᱭᱟᱜ ᱢᱤᱫ ᱦᱤᱸᱥ ᱠᱟᱱᱟ ᱾ ᱥᱤᱧᱚᱛ ᱨᱮ ᱠᱳᱵᱷᱤᱰ-᱑᱙ ᱨᱮᱭᱟᱜ ᱯᱩᱭᱞᱩ ᱠᱮᱥ ᱓᱐ ᱡᱟᱱᱩᱣᱟᱨᱤ ᱒᱐᱒᱐ ᱨᱮ ᱥᱟᱵ ᱧᱟᱢ ᱞᱮᱱᱟ, ᱡᱟᱦᱟᱸ ᱫᱚ ᱪᱤᱱ ᱫᱤᱥᱚᱢ ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱱᱤᱛ ᱦᱟᱹᱵᱤᱫ ᱛᱮ, ᱥᱤᱧᱚᱛ ᱨᱮ ᱮᱥᱤᱭᱟ ᱨᱮᱭᱟᱜ ᱥᱟᱱᱟᱢ ᱠᱷᱚᱱ ᱡᱟᱹᱥᱛᱤ ᱴᱷᱟᱹᱣᱠᱟᱹ ᱟᱠᱟᱱ ᱠᱳᱵᱷᱤᱰ ᱠᱮᱥ ᱢᱮᱱᱟᱜᱼᱟ ᱾ ᱑᱒ ᱡᱩᱱ ᱒᱐᱒᱑ ᱨᱮᱭᱟᱜ ᱦᱤᱥᱟᱹᱵᱽ ᱞᱮᱠᱟᱛᱮ ᱥᱤᱧᱚᱛ ᱨᱮ ᱡᱮᱜᱮᱛ ᱡᱟᱠᱟᱛ ᱢᱩᱸᱫᱽ ᱨᱮ ᱒.᱙᱓ ᱠᱳᱴᱤ ᱴᱷᱟᱹᱣᱠᱟᱹ ᱟᱠᱟᱱ ᱠᱮᱥ ᱥᱟᱶᱛᱮ ᱫᱚᱥᱟᱨ ᱡᱟᱹᱥᱛᱤ (ᱥᱮᱞᱮᱫ ᱯᱚᱱᱚᱛ ᱛᱟᱭᱚᱢ) ᱠᱳᱵᱷᱤᱰ-᱑᱙ ᱟᱡᱟᱨ ᱨᱮᱭᱟᱜ ᱮᱞᱠᱷᱟ ᱢᱮᱱᱟᱜᱼᱟ ᱟᱨ ᱓᱖᱗,᱐᱘᱑ ᱜᱚᱡ ᱜᱩᱨ ᱥᱟᱶᱛᱮ ᱛᱮᱥᱟᱨ ᱡᱟᱹᱥᱛᱤ (ᱥᱮᱞᱮᱫ ᱯᱚᱱᱚᱛ ᱟᱨ ᱵᱨᱟᱡᱤᱞ ᱛᱟᱭᱚᱢ) ᱜᱚᱡ ᱨᱮᱭᱟᱜ ᱮᱞ ᱢᱮᱱᱟᱜᱼᱟ ᱾
| |||||||
| |||||||
| |||||||
ᱟᱡᱟᱨ | ᱠᱳᱵᱷᱤᱰ-᱑᱙ | ||||||
---|---|---|---|---|---|---|---|
ᱵᱷᱟᱭᱨᱟᱥ | ᱥᱟᱨᱥ-ᱠᱳᱵᱷ-᱒ | ||||||
ᱴᱷᱟᱹᱶ | ᱥᱤᱧᱚᱛ | ||||||
ᱯᱩᱭᱞᱩ ᱢᱟᱢᱞᱟ | ᱛᱨᱤᱥᱩᱨ, ᱠᱮᱨᱟᱞᱟ 10°31′39″N 76°12′52″E / 10.5276°N 76.2144°E | ||||||
ᱢᱟᱹᱦᱤᱛ | 30 January 2020 – ongoing (4 years, 2 months and 3 weeks) | ||||||
ᱥᱤᱨᱡᱚᱱ | ᱩᱦᱟᱱ, ᱦᱩᱵᱮᱭ, ᱪᱤᱱ | ||||||
ᱵᱟᱲᱟᱭ ᱟᱠᱟᱱ ᱢᱟᱢᱞᱟ | ᱓᱑,᱑᱗᱔,᱓᱒᱒ | ||||||
ᱴᱷᱤᱠ ᱨᱩᱣᱟᱹᱲ | ᱓᱐,᱓᱕᱓,᱗᱑᱐ | ||||||
ᱜᱚᱡ | ᱔᱑᱔,᱔᱘᱒ | ||||||
ᱴᱚᱴᱷᱟ | ᱒᱘ ᱯᱚᱱᱚᱛ ᱟᱨ ᱘ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ | ||||||
ᱥᱚᱨᱠᱟᱨᱤ ᱣᱮᱵᱽᱥᱟᱭᱤᱴ | |||||||
www www |
ᱥᱤᱧᱚᱛ ᱨᱮ ᱯᱩᱭᱞᱩ ᱠᱳᱵᱷᱤᱰ-᱑᱙ ᱨᱮᱭᱟᱜ ᱠᱮᱥ ᱫᱚ ᱠᱮᱨᱟᱞᱟ ᱨᱮᱭᱟᱜ ᱛᱨᱤᱥᱩᱨ, ᱟᱞᱟᱯᱯᱩᱡᱷᱟ ᱟᱨ ᱠᱟᱥᱟᱨᱜᱚᱰ ᱥᱚᱦᱚᱨ ᱨᱮ ᱨᱤᱯᱳᱨᱴ ᱦᱩᱭ ᱞᱮᱱᱟ, ᱡᱟᱦᱟᱸ ᱨᱮ ᱯᱮᱭᱟ ᱥᱤᱧᱚᱛᱤᱭᱟᱹ ᱢᱮᱰᱤᱠᱮᱞ ᱞᱟᱹᱴᱷᱩᱣᱟᱹ ᱪᱤᱱ ᱨᱮᱭᱟᱜ ᱩᱦᱟᱱ ᱠᱷᱚᱱ ᱠᱚ ᱨᱩᱣᱟᱹᱲ ᱦᱮᱡ ᱞᱮᱱᱟ ᱾ ᱒᱓ ᱢᱟᱨᱪ ᱦᱤᱞᱳᱜ ᱠᱮᱨᱟᱞᱟ ᱨᱮ ᱞᱚᱠᱰᱟᱭᱩᱱ ᱠᱚ ᱩᱪᱷᱟᱹᱱ ᱞᱮᱫᱟ, ᱟᱨ ᱒᱕ ᱢᱟᱨᱪ ᱦᱤᱞᱚᱜ ᱜᱚᱴᱟ ᱫᱤᱥᱚᱢ ᱨᱮ ᱾ ᱒᱐᱒᱐ ᱨᱮᱭᱟᱜ ᱢᱮ-ᱛᱟᱞᱟ ᱦᱟᱹᱵᱤᱫ ᱛᱮ ᱫᱤᱥᱚᱢ ᱨᱮ ᱨᱤᱯᱳᱨᱴ ᱞᱮᱱ ᱠᱮᱥ ᱨᱮᱭᱟᱜ ᱚᱨᱫᱷᱮᱠ ᱠᱮᱥ ᱜᱮ ᱫᱤᱥᱚᱢ ᱨᱮᱭᱟᱜ ᱢᱚᱬᱮ ᱜᱚᱴᱟᱱ ᱥᱚᱦᱚᱨ ᱢᱩᱢᱵᱟᱭ, ᱫᱤᱞᱞᱤ, ᱚᱦᱢᱚᱫᱟᱵᱟᱫᱽ, ᱪᱮᱱᱱᱟᱭ ᱟᱨ ᱴᱷᱟᱱᱮ ᱨᱮ ᱛᱟᱦᱮᱸ ᱠᱟᱱᱟ ᱾ ᱑᱐ ᱡᱩᱱ ᱨᱮ, ᱯᱩᱭᱞᱩ ᱫᱷᱟᱣ ᱞᱮᱠᱟ ᱥᱤᱧᱚᱛ ᱨᱮᱭᱟᱜ ᱴᱷᱤᱠ ᱨᱩᱣᱟᱹᱲ (recoveri) ᱫᱚᱨ ᱪᱟᱹᱞᱩ (active) ᱫᱚᱨ ᱠᱷᱚᱱ ᱰᱷᱮᱨ ᱮᱱᱟ ᱾ ᱱᱟᱣᱟ ᱟᱨ ᱪᱟᱹᱞᱩ ᱢᱮᱱᱟᱜ ᱠᱮᱥ ᱥᱟᱶᱛᱮ ᱥᱮᱯᱴᱮᱢᱵᱚᱨ ᱪᱟᱸᱫᱚ ᱛᱮᱜᱮ ᱤᱱᱯᱷᱮᱠᱥᱟᱱ ᱫᱚᱨ ᱦᱚᱸ ᱠᱚᱢ ᱦᱮᱡ ᱮᱱᱟ ᱾ ᱟᱵᱟᱨ ᱛᱟᱞᱟ ᱥᱮᱯᱴᱮᱢᱵᱚᱨ ᱛᱮᱜᱮ ᱫᱤᱱᱟᱹᱢ ᱠᱮᱥ ᱵᱟᱲᱦᱟᱣ ᱠᱟᱛᱮ ᱙᱐,᱐᱐᱐ ᱠᱷᱚᱱ ᱦᱚᱸ ᱡᱟᱹᱥᱛᱤ ᱨᱤᱯᱳᱨᱚᱜ ᱠᱟᱱ ᱛᱟᱦᱮᱱᱟ, ᱡᱟᱦᱟᱸ ᱫᱚ ᱡᱟᱱᱩᱣᱟᱨᱤ ᱒᱐᱒᱑ ᱨᱮ ᱠᱚᱢ ᱠᱟᱛᱮ ᱑᱕,᱐᱐᱐ ᱨᱮ ᱧᱩᱨ ᱮᱱᱟ ᱾
ᱱᱚᱣᱟ ᱨᱮᱭᱟᱜ ᱫᱚᱥᱟᱨ ᱦᱮᱞᱠᱟᱣ ᱫᱚ ᱢᱟᱨᱪ ᱒᱐᱒᱑ ᱨᱮ ᱮᱦᱚᱵ ᱞᱮᱱᱟ ᱡᱟᱦᱟᱸ ᱫᱚ ᱯᱩᱭᱞᱩ ᱦᱮᱞᱠᱟᱣ ᱠᱷᱚᱱ ᱟᱹᱰᱤ ᱢᱟᱨᱟᱝ ᱛᱟᱦᱮ ᱠᱟᱱᱟ ᱾ ᱫᱤᱥᱚᱢ ᱨᱮᱭᱟᱜ ᱟᱭᱢᱟ ᱡᱟᱭᱜᱟ ᱠᱚᱨᱮ ᱜᱮ ᱴᱤᱠᱟᱹ, ᱦᱟᱥᱯᱟᱛᱟᱞ ᱵᱮᱰ, ᱚᱠᱥᱤᱡᱮᱱ ᱥᱤᱞᱤᱱᱰᱟᱨ ᱟᱨ ᱮᱴᱟᱜ ᱨᱟᱱ ᱠᱚ ᱨᱮᱭᱟᱜ ᱚᱵᱷᱟᱵᱽ ᱧᱮᱞᱚᱜ ᱠᱟᱱ ᱛᱟᱦᱮᱱᱟ ᱾ ᱮᱯᱨᱤᱞ ᱛᱟᱭᱚᱢ, ᱥᱤᱧᱚᱛ ᱨᱮ ᱡᱮᱜᱮᱛ ᱨᱮᱭᱟᱜ ᱥᱟᱱᱟᱢ ᱠᱷᱚᱱ ᱡᱟᱹᱥᱛᱤ ᱮᱠᱴᱤᱵᱷ ᱠᱮᱥ ᱧᱮᱞ ᱧᱟᱢᱚᱜ ᱠᱟᱱ ᱛᱟᱦᱮᱱᱟ ᱾ ᱓᱐ ᱮᱯᱨᱤᱞ ᱒᱐᱒᱑ ᱨᱮ, ᱫᱤᱥᱚᱢ ᱨᱮᱭᱟᱜ ᱒᱔ ᱴᱟᱲᱟᱝ ᱢᱩᱸᱫᱽ ᱨᱮ ᱯᱩᱭᱞᱩ ᱫᱷᱟᱣ ᱔᱐᱐,᱐᱐᱐ ᱠᱷᱚᱱ ᱦᱚᱸ ᱡᱟᱹᱥᱛᱤ ᱠᱮᱥ ᱨᱤᱯᱳᱨᱴ ᱦᱩᱭ ᱞᱮᱱᱟ ᱾ ᱦᱚᱨᱢᱚ ᱵᱟᱹᱠᱷᱩᱞ ᱨᱮᱱ ᱦᱚᱲ ᱠᱚᱠᱚ ᱢᱮᱱᱮᱫ ᱛᱟᱦᱮᱱᱟ ᱟᱭᱢᱟ ᱜᱟᱱ ᱠᱟᱨᱚᱱ ᱠᱷᱟᱹᱛᱤᱨ ᱛᱮ ᱥᱤᱧᱚᱛ ᱨᱮᱭᱟᱜ ᱮᱞᱠᱷᱟ ᱠᱚᱢ ᱞᱟᱹᱭ ᱦᱩᱭᱟᱠᱟᱱᱟ ᱾
ᱥᱤᱧᱚᱛ ᱟᱡᱟᱜ ᱴᱤᱠᱟᱹ ᱠᱟᱹᱢᱤᱦᱚᱨᱟ ᱑᱖ ᱡᱟᱱᱩᱣᱟᱨᱤ ᱒᱐᱒᱑ ᱠᱷᱚᱱ ᱮ ᱮᱦᱚᱵ ᱟᱠᱟᱫᱟ, ᱟᱨ ᱮᱯᱨᱤᱞ ᱦᱟᱹᱵᱤᱫ ᱛᱮ ᱫᱤᱱᱟᱹᱢ ᱓᱐ ᱠᱷᱚᱱ ᱔᱐ ᱞᱟᱠᱷ ᱴᱤᱠᱟᱹ ᱮᱢ ᱦᱩᱭᱩᱜ ᱠᱟᱱ ᱛᱟᱦᱮᱸᱱᱟ ᱾ ᱥᱤᱧᱚᱛ ᱡᱟᱹᱲᱩᱨᱤ ᱵᱮᱵᱷᱟᱨ ᱞᱟᱹᱜᱤᱫ ᱚᱠᱥᱯᱷᱳᱨᱰ-ᱮᱥᱴᱨᱟᱡᱮᱱᱤᱠᱟ (ᱠᱳᱵᱷᱤᱥᱤᱞᱰ), ᱥᱤᱧᱚᱛ ᱨᱮ ᱛᱮᱭᱟᱨᱚᱜ ᱠᱟᱱ ᱠᱳᱵᱷᱮᱠᱥᱤᱱ, ᱥᱯᱩᱛᱱᱤᱠ ᱵᱷᱤ ᱟᱨ ᱢᱚᱰᱟᱨᱱᱟ ᱴᱤᱠᱟᱹ ᱨᱮᱭᱟᱜ ᱪᱷᱟᱹᱨ ᱮ ᱮᱢ ᱟᱠᱟᱫᱟ ᱾ ᱒᱕ ᱢᱮ ᱒᱐᱒᱑ ᱨᱮᱭᱟᱜ ᱦᱤᱥᱟᱹᱵᱽ ᱞᱮᱠᱟᱛᱮ, ᱫᱤᱥᱚᱢ ᱨᱮ ᱒᱐ ᱠᱳᱴᱤ ᱠᱷᱚᱱ ᱦᱚᱸ ᱡᱟᱹᱥᱛᱤ ᱴᱤᱠᱟᱹ ᱮᱢ ᱦᱩᱭᱟᱠᱟᱱᱟ ᱾
This article uses material from the Wikipedia ᱥᱟᱱᱛᱟᱲᱤ article ᱥᱤᱧᱚᱛ ᱨᱮ ᱠᱳᱵᱷᱤᱰ-᱑᱙ ᱢᱚᱦᱟᱢᱟᱨᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.