ᱡᱚᱱᱱᱚᱛ (ᱪᱷᱟᱸᱪ:Transl.ᱥᱣᱚᱨᱜᱽ) ᱠᱩᱬᱟᱞ ᱫᱮᱥᱢᱩᱠᱷ ᱦᱚᱛᱮᱛᱮ ᱥᱚᱫᱚᱨᱤᱡ ᱟᱨ ᱢᱩᱠᱮᱥ ᱜᱷᱟᱴ ᱦᱚᱛᱮᱛᱮ ᱵᱟᱱᱟᱣ ᱟᱠᱟᱱ ᱒᱐᱐᱘ ᱨᱮ ᱢᱤᱫ ᱥᱤᱧᱚᱛ ᱵᱮ- ᱵᱟᱹᱲᱤᱡ ᱨᱚᱢᱟᱸᱥ ᱯᱷᱤᱞᱢ ᱠᱟᱱᱟ᱾ ᱯᱷᱤᱞᱢ ᱨᱮ ᱤᱢᱨᱟᱱ ᱦᱟᱥᱢᱤ ᱥᱳᱱᱚᱞ ᱪᱟᱩᱦᱟᱱ ᱟᱥᱚᱞ ᱯᱟᱯᱟᱴ ᱨᱮ ᱢᱮᱱᱟᱜ ᱠᱤᱱᱟ᱾ ᱯᱷᱤᱞᱢ ᱨᱮᱱᱟᱜ ᱠᱟᱹᱦᱱᱤ ᱢᱤᱫ ᱚᱱᱠᱟᱱ ᱦᱚᱲᱟᱜ ᱡᱟᱦᱟᱸ- ᱛᱟᱦᱟᱸ ᱫᱟᱲᱟᱱ ᱠᱟᱱᱟᱭ, ᱡᱟᱦᱟᱸᱭ ᱵᱮ-ᱵᱟᱹᱲᱤᱡ ᱟᱨ ᱩᱯᱵᱷᱚᱠᱛᱟᱣᱟᱫᱽ ᱠᱚᱣᱟᱜ ᱫᱚᱞᱫᱚᱞ ᱨᱮ ᱡᱷᱟᱹᱞᱤᱜ ᱠᱟᱱᱟᱭ᱾ ᱑᱖ ᱢᱮ ᱒᱐᱐᱘ ᱨᱮ ᱨᱤᱞᱤᱡᱽ ᱦᱩᱭ ᱟᱠᱟᱱᱟ ᱱᱚᱶᱟ ᱯᱷᱤᱞᱢ ᱢᱤᱫ ᱢᱟᱨᱟᱝ ᱥᱚᱯᱷᱚᱞᱛᱟ ᱵᱟᱱᱟᱣ ᱨᱟᱠᱟᱵᱽ ᱮᱱᱟ, ᱡᱟᱦᱟᱸ ᱥᱚᱢᱤᱠᱷᱠᱚ ᱠᱷᱚᱱ ᱥᱚᱡᱷᱮ ᱯᱨᱚᱛᱩᱠᱨᱤᱭᱟ ᱧᱟᱢ ᱟᱨ ᱵᱚᱠᱥ ᱚᱯᱷᱤᱥ ᱨᱮ ᱦᱚᱸ ᱱᱟᱶᱟ ᱨᱮᱱᱟᱜ ᱥᱚᱫᱚᱨ ᱱᱟᱯᱟᱭ ᱜᱮ ᱛᱟᱦᱮᱸ ᱮᱱᱟ᱾
ᱟᱨᱡᱩᱱ(ᱤᱢᱨᱟᱱ ᱦᱟᱥᱢᱤ) ᱢᱤᱫ ᱡᱩᱣᱟᱱ ᱦᱚᱲ ᱠᱟᱱᱟᱭ, ᱡᱟᱦᱟᱸᱭ ᱩᱥᱟᱨᱟ ᱴᱟᱡᱟ ᱠᱟᱹᱢᱤ ᱞᱟᱹᱜᱤᱫ ᱮ ᱨᱤᱠᱟ ᱮ ᱫᱟᱦᱚ ᱮᱫᱟ᱾ ᱢᱤᱫ ᱢᱚᱞ ᱨᱮ ᱩᱱᱤ ᱢᱤᱫ ᱠᱩᱲᱤ, ᱡᱚᱭᱟ(ᱥᱳᱱᱚᱞ ᱪᱟᱩᱦᱟᱱ) ᱥᱟᱶ ᱧᱟᱯᱟᱢ ᱠᱟᱱᱟᱭ, ᱟᱨ ᱩᱱᱤ ᱥᱟᱶ ᱫᱩᱞᱟᱹᱲ ᱨᱮ ᱫᱩᱲᱩᱵ ᱛᱟᱦᱮᱱ ᱠᱟᱱᱟᱭ᱾ ᱡᱚᱭᱟ ᱠᱟᱸᱪ ᱨᱮᱱᱟᱜ ᱥᱚᱠᱮᱥ ᱵᱷᱤᱛᱨᱤ ᱫᱚᱦᱚ ᱟᱠᱟᱫ ᱢᱤᱫ ᱢᱩᱸᱫᱟᱢ ᱪᱩᱠᱩ ᱫᱚᱦᱚᱭ ᱞᱟᱹᱜᱤᱫ ᱠᱟᱸᱪ ᱮ ᱨᱟᱹᱯᱩᱫ ᱮᱫ ᱟ, ᱡᱟᱦᱟᱸᱭ ᱠᱷᱟᱹᱛᱤᱨ ᱩᱱᱤ ᱢᱚᱞ ᱨᱮ ᱢᱮᱱᱟᱜ ᱟᱠᱟᱫ ᱠᱚ ᱡᱚᱜᱟᱣ ᱟᱱ ᱜᱟᱨᱰ ᱠᱚ ᱥᱟᱵᱮ ᱠᱟᱱᱟ᱾ ᱩᱱᱤ ᱫᱚ ᱛᱚᱞ ᱠᱟᱛᱮᱜ ᱯᱩᱞᱤᱥ ᱚᱲᱟᱜ ᱨᱮ ᱠᱚ ᱤᱫᱤ ᱠᱟᱭ ᱠᱟᱱᱟ, ᱡᱟᱦᱟᱸ ᱨᱮ ᱤᱱᱥᱯᱮᱠᱴᱚᱨ ᱚᱡᱚᱭ (ᱥᱚᱢᱤᱨ ᱠᱚᱪᱟᱨ) ᱩᱱᱤ ᱪᱮᱛᱟᱣᱟᱱᱤ ᱮᱢ ᱠᱟᱛᱮᱜ ᱤᱠᱟ ᱠᱟᱭ ᱠᱟᱱᱟᱭ, ᱪᱮᱫᱟᱜ ᱥᱮ ᱵᱟᱰᱟᱭᱮ ᱠᱟᱱᱟᱭ ᱡᱮ ᱩᱱᱩ ᱫᱚ ᱟᱡ ᱵᱟᱵᱟ ᱨᱤᱱᱤᱡ ᱠᱟᱱᱟᱭ ᱡᱟᱦᱟᱸᱭ ᱟᱡ ᱵᱟᱵᱟᱭ ᱵᱟᱰᱟᱭᱮ ᱠᱟᱱ ᱛᱟᱦᱮᱱ᱾ ᱡᱚᱭᱟ ᱞᱟᱹᱜᱤᱫ, ᱩᱱᱤ ᱡᱟᱜ ᱥᱟᱠᱤᱞ ᱡᱤᱭᱚᱱ ᱠᱷᱚᱱ ᱵᱟᱦᱨᱮ ᱚᱰᱚᱜ ᱠᱟᱛᱮᱜ ᱠᱤᱥᱟᱬ ᱦᱚᱲ ᱵᱟᱱᱟᱜ ᱞᱟᱹᱜᱤᱫ ᱮ ᱢᱚᱱᱮ ᱮᱫ-ᱟ, ᱟᱨ ᱠᱟᱹᱴᱤᱡ-ᱱᱟᱥᱮ ᱛᱟᱥ ᱠᱚ ᱠᱷᱮᱞᱚᱸᱰ ᱠᱷᱚᱱ ᱤᱠᱟ ᱠᱟᱛᱮ ᱥᱚᱡᱷᱮ ᱠᱨᱤᱠᱮᱴ ᱢᱮᱪ ᱨᱮ ᱵᱟᱡᱤ ᱫᱚᱦᱚ ᱞᱟᱹᱜᱤᱫᱚᱜ ᱠᱟᱱᱟᱭ, ᱡᱟᱦᱟᱸ ᱫᱚ ᱩᱱᱤ ᱩᱥᱟᱨᱟ ᱜᱮ ᱠᱤᱥᱟᱬ ᱜᱚᱫᱚᱜ ᱠᱟᱱᱟᱭ᱾
•ᱤᱢᱟᱨᱟᱱ ᱦᱟᱥᱢᱤ ᱟᱨᱡᱩᱱ ᱫᱤᱪᱷᱤᱛ ᱧᱩᱛᱩᱢ ᱛᱮ᱾ •ᱥᱳᱱᱟᱞ ᱪᱟᱩᱦᱟᱱ ᱡᱚᱭᱟ ᱴᱟᱛᱷᱩᱨ ᱧᱩᱛᱩᱢ ᱛᱮ᱾ •ᱥᱚᱢᱤᱨ ᱠᱚᱪᱟᱨ ᱮᱥᱯᱤ ᱥᱨᱠᱷᱟᱨ ᱢᱟᱞᱦᱚᱛᱨᱟ ᱧᱩᱛᱩᱢ ᱛᱮ᱾
•ᱣᱤᱥᱟᱞ ᱢᱟᱞᱦᱚᱛᱨᱟ ᱣᱤᱥᱟᱞ ᱞᱮᱠᱟᱛᱮ᱾ •ᱡᱟᱣᱮᱫᱽ ᱥᱮᱠᱷ ᱚᱸᱰᱚᱨᱣᱚᱨᱞᱰ ᱰᱚᱱ ᱚᱵᱩ ᱤᱵᱨᱟᱦᱤᱢ ᱧᱩᱛᱩᱢ ᱛᱮ᱾
•ᱣᱤᱯᱤᱱ ᱥᱟᱨᱢᱟ ᱟᱨᱡᱩᱱ ᱨᱤᱱᱡ ᱟᱡ ᱵᱟᱵᱟ ᱧᱩᱛᱩᱢ ᱛᱮ᱾
•ᱚᱵᱷᱤᱢᱚᱱᱭᱩ ᱥᱤᱝ ᱚᱵᱩ ᱤᱵᱨᱟᱦᱤᱢ ᱨᱤᱱ ᱜᱟᱛᱮ ᱞᱮᱠᱟᱛᱮ ᱥᱚᱠᱤᱞ ᱧᱩᱛᱩᱢ ᱛᱮ᱾
ᱡᱚᱱᱱᱚᱛ ᱨᱮᱱᱟᱜ ᱫᱟᱥᱟᱨ ᱠᱟᱹᱲᱤ ᱔ ᱢᱮ ᱒᱐᱑᱒ ᱨᱮ ᱡᱚᱱᱱᱚᱛ ᱒ ᱨᱮᱱᱟᱜ ᱫᱚᱥᱟᱨ ᱥᱟᱯᱲᱟᱣ ᱠᱷᱚᱱ ᱨᱤᱞᱤᱡᱽ ᱦᱩᱭ ᱞᱮᱱᱟ᱾ ᱥᱤᱠᱣᱚᱞ ᱨᱮ ᱟᱥᱚᱞ ᱱᱤᱨᱫᱮᱥᱚᱱ/ᱥᱚᱫᱚᱨᱤᱡ ᱫᱚᱞ ᱚᱸᱰᱮ ᱜᱮ ᱛᱟᱦᱮᱱ- ᱱᱚᱶᱟ ᱦᱚᱸ ᱠᱩᱬᱟᱞ ᱫᱮᱥᱢᱩᱠᱷ ᱟᱨ ᱢᱚᱦᱮᱥ ᱵᱷᱟᱴᱴ ᱦᱚᱛᱮᱛᱮ ᱛᱮ ᱵᱟᱱᱟᱣ ᱦᱩᱭ ᱞᱮᱱ ᱛᱟᱦᱮᱱᱟ, ᱟᱨ ᱢᱤᱫ ᱫᱷᱟᱣ ᱫᱚᱦᱲᱟ ᱢᱩᱠᱮᱥ ᱵᱷᱟᱴᱴ ᱟᱨ ᱢᱚᱦᱮᱥ ᱵᱷᱟᱴᱴ ᱛᱤᱠᱤᱱ ᱠᱤᱱ ᱵᱟᱱᱟᱣ ᱠᱮᱫ-ᱟ᱾ ᱤᱢᱨᱟᱱ ᱦᱟᱥᱢᱤ ᱦᱚᱸ ᱫᱚᱦᱲᱟ ᱛᱮ ᱠᱚᱲᱟ ᱟᱥᱚᱞ ᱯᱟᱯᱟᱴ ᱤᱡ ᱞᱮᱠᱟᱛᱮ ᱤᱥᱟ ᱜᱩᱯᱛᱟ ᱨᱤᱱᱤᱡ ᱚᱯᱚᱡᱤᱴ ᱮ ᱧᱮᱞ ᱥᱚᱫᱚᱨ ᱮᱱᱟ᱾ ᱡᱚᱠᱷᱚᱱ ᱨᱟᱬᱫᱤᱯ ᱦᱩᱰᱽᱰᱟ ᱢᱤᱫ ᱜᱚᱲᱚ ᱥᱚᱦᱚᱫ ᱵᱷᱩᱢᱤᱠᱟ ᱨᱮ ᱥᱚᱫᱚᱨ ᱞᱮᱱ ᱛᱟᱦᱮᱱᱟᱭ᱾ ᱥᱤᱠᱣᱚᱞ ᱨᱮᱱᱟᱜ ᱥᱮᱨᱮᱧ ᱯᱨᱤᱛᱟᱢ ᱮ ᱥᱟᱯᱲᱟᱣ ᱞᱮᱫ-ᱟ᱾ ᱡᱚᱱᱱᱚᱛ ᱒ ᱠᱟᱢᱟᱣ ᱞᱮᱠᱟᱛᱮ ᱠᱷᱚᱱ ᱮ ᱥᱚᱯᱷᱚᱞ ᱮᱱᱟ ᱟᱨ ᱱᱟᱶᱟ ᱠᱷᱚᱱ ᱖᱕᱐ ᱢᱤᱞᱤᱭᱳᱱ ᱴᱟᱠᱟ ᱠᱟᱹᱢᱤ ᱠᱮᱫ-ᱟᱭ᱾
This article uses material from the Wikipedia ᱥᱟᱱᱛᱟᱲᱤ article ᱡᱚᱱᱱᱚᱛ (ᱯᱷᱤᱞᱢ), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.