ᱚᱨᱩᱱᱫᱷᱚᱛᱤ ᱜᱷᱚᱥ (᱒᱕ ᱱᱚᱵᱷᱮᱢᱵᱚᱨ ᱑᱙᱓᱙ – ᱒᱕ ᱡᱩᱞᱟᱭ ᱒᱐᱑᱖) ᱫᱚ ᱥᱤᱧᱚᱛ ᱨᱤᱱᱤᱡ ᱢᱤᱫᱴᱟ.ᱝ ᱰᱤᱯᱞᱚᱢᱟ.ᱴ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ U.N ᱚᱯᱷᱤᱥ ᱨᱮ ᱦᱚᱸ ᱠᱟ.ᱢᱤ ᱞᱮᱫ ᱟᱭ ᱟᱨ ᱟᱡᱟᱜ ᱚᱠᱛᱚ ᱨᱮ ᱩᱱᱤ ᱫᱚ U.N ᱚᱯᱷᱤᱥ ᱨᱤᱱᱤᱡ ᱛᱷᱟᱱᱤᱛ(permanent) ᱥᱚᱦᱮᱛ ᱦᱚᱸᱭ ᱛᱚᱦᱮᱸ ᱠᱟᱱᱟ ᱟᱨ CTBT ᱨᱮᱭᱟᱜ ᱫᱩᱯᱩᱲᱩᱵ ᱨᱮ ,᱑᱙᱖᱖ - ᱡᱮᱱᱤᱵᱷᱟ ᱨᱮ ᱦᱚᱸ ᱫᱩᱯᱩᱲᱩᱵ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱚᱱᱠᱟ ᱜᱮ ᱟᱡᱟᱜ ᱵᱮᱥ ᱠᱟ.ᱢᱤ ᱧᱮᱞ ᱛᱮ ᱩᱱᱤ ᱫᱚ ᱨᱤᱯᱚᱵᱽᱞᱤᱠ ᱚᱯᱷ ᱠᱚᱨᱤᱭᱟ ᱟᱨ ᱟᱨᱟ.ᱵᱽ ᱨᱤᱯᱟ.ᱵᱽᱞᱤᱠ ᱚᱯ ᱤᱡᱤᱯᱴ ᱨᱮ ᱮᱢᱵᱟᱥᱮᱰᱚᱨ ᱠᱚ ᱦᱟᱛᱟᱣ ᱠᱮᱫᱮᱭᱟ ᱾
ᱟᱨᱩᱱᱫᱷᱚᱛᱤ ᱜᱷᱚᱥ ᱫᱚ ᱢᱤᱫᱴᱟ.ᱝ ᱵᱮᱸᱜᱚᱞᱤ ᱜᱷᱟᱨᱚᱸᱡᱽ ᱠᱷᱚᱱ ᱮ ᱦᱮᱡ ᱞᱮᱱᱟ, ᱩᱱᱤᱭᱟᱜ ᱡᱟᱱᱟᱢ ᱫᱚ ᱢᱩᱢᱵᱟᱭ ᱨᱮ ᱦᱩᱭ ᱞᱮᱱᱟ ᱾ ᱚᱸᱰᱮ ᱩᱱᱤ ᱫᱚ ᱠᱮᱛᱷᱮᱰᱨᱟᱞ ᱟᱨ ᱡᱚᱦᱱ ᱠᱮᱱᱚᱱ ᱥᱠᱩᱞ ᱨᱮ ᱠᱚ ᱯᱟᱲᱦᱟᱣ ᱠᱮᱫᱮᱭᱟ ᱾ ᱤᱱᱟᱹ ᱛᱟᱭᱚᱢ ᱟᱡ ᱫᱚ ᱞᱮᱰᱤ ᱵᱨᱟᱵᱚᱨᱱ ᱠᱚᱞᱮᱡᱽ ᱨᱮ ᱯᱟᱲᱦᱟᱣ ᱮᱱᱟᱭ ᱟᱡᱟᱜ Undergraduate ᱠᱚᱨᱥ ᱫᱚᱭ ᱥᱟᱹᱛ ᱠᱮᱫ-ᱟ ᱾ ᱟᱨᱦᱚᱸ ᱩᱱᱤ ᱫᱚ ᱵᱤᱥᱣᱟ ᱵᱷᱟᱨᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱥᱟᱱᱛᱤᱱᱤᱠᱮᱛᱚᱱ ᱨᱮ ᱦᱚᱸᱭ ᱯᱟᱲᱦᱟᱣ ᱮᱱᱟ ᱾ ᱩᱱᱤ ᱫᱚ ᱨᱩᱢᱟ ᱯᱟᱞ ᱟᱨ ᱵᱷᱟᱥᱠᱚᱨ ᱜᱷᱚᱥ ᱤᱡ ᱵᱚᱠᱚᱛ ᱠᱩᱲᱤ ᱠᱟᱱᱟᱭ ᱾ ᱨᱩᱢᱟ ᱯᱟᱞ ᱫᱚ ᱥᱩᱯᱨᱤᱢ ᱠᱚᱴ ᱨᱤᱱᱤᱡ ᱢᱤᱫᱴᱟ.ᱝ ᱩᱠᱤᱞ ᱠᱟᱱᱟᱭ ᱟᱨ ᱵᱷᱟᱥᱠᱚᱨ ᱜᱷᱚᱥ ᱫᱚ ᱯᱨᱚᱥᱟᱨ ᱵᱷᱟᱨᱛᱤ ᱨᱤᱱᱤᱡ ᱢᱟᱲᱟᱝ ᱪᱮᱭᱟᱨᱢᱮᱱ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱠᱤᱱ ᱨᱤᱱ ᱟᱨᱦᱚᱸ ᱥᱟᱹᱜᱟᱹᱭ ᱟᱱ ᱦᱚᱲ ᱠᱚ ᱦᱚᱸ ᱢᱮᱱᱟᱜ ᱠᱚᱣᱟ, ᱥᱟᱜᱚᱨᱤᱠᱟ ᱜᱷᱚᱥ ᱟᱨ ᱥᱚᱧᱡᱚᱭ ᱜᱷᱚᱥ ᱡᱟᱦᱟᱸᱭ ᱫᱚ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱠᱟᱱᱟ ᱠᱤᱱ ᱾ ᱩᱱᱠᱤᱱ ᱫᱚ ᱚᱨᱩᱱᱫᱷᱚᱛᱤ ᱫᱚ ᱠᱤᱱ ᱠᱟ.ᱠᱤ ᱟᱭᱟ ᱾ ᱥᱚᱧᱡᱚᱭ ᱜᱷᱚᱥ ᱫᱚ ᱢᱤᱫᱴᱟ.ᱝ ᱡᱚᱨᱱᱟᱞᱤᱥᱴ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱭᱩᱱᱟᱭᱴᱮᱰ ᱞᱤᱵᱽᱨᱮᱥᱚᱱ ᱯᱷᱨᱚᱸᱴ ᱚᱯ ᱟᱥᱚᱢ(ULFA) ᱠᱷᱚᱱᱟᱜ ᱢᱤᱫᱴᱟ.ᱝ ᱟᱛᱚᱝᱠᱚᱵᱟᱫᱤ ᱮ ᱜᱚᱡ ᱠᱮᱫᱮᱭᱟ ᱾
᱑᱙᱕᱓ ᱨᱮ ᱟᱡ ᱤᱱᱰᱤᱭᱟᱱ ᱯᱷᱚᱨᱮᱱ ᱥᱟ.ᱨᱵᱷᱤᱥ ᱨᱮ ᱥᱮᱞᱮᱫ ᱮᱱᱟᱭ ᱾
ᱩᱱᱤ ᱫᱚ ᱑᱙᱗᱑ ᱭᱩᱫᱷᱚ ᱠᱷᱚᱱ ᱜᱮ ᱟᱹᱰᱤ ᱜᱟᱱ ᱠᱟ.ᱢᱤ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱞᱟ.ᱜᱤᱫ ᱮ ᱠᱟ.ᱢᱤ ᱞᱮᱫ-ᱟ, ᱢᱤᱫᱴᱟ.ᱝ ᱤᱱᱴᱚᱨᱵᱷᱤᱣ ᱨᱮ ᱩᱱᱤᱭ ᱢᱮᱱ ᱞᱮᱫ-ᱟ ᱡᱮ ᱚᱠᱟ ᱡᱚᱠᱷᱟᱜ ᱩᱱᱤ ᱫᱚ ᱠᱚᱞᱠᱟᱛᱟ ᱠᱚ ᱵᱷᱮᱡᱟ ᱠᱮᱫᱮᱭᱟ ᱩᱱ ᱡᱚᱠᱷᱟᱜ ᱫᱚ ᱩᱱᱤ ᱱᱟᱣᱟ ᱜᱮ ᱪᱟᱹᱠᱨᱤ ᱧᱟᱢ ᱞᱮᱫ ᱟᱭ ᱾ ᱱᱟᱶᱟ ᱫᱤᱞᱞᱤ ᱠᱷᱚᱱ ᱩᱱᱤ ᱚᱰᱚᱨ ᱮ ᱧᱟᱢ ᱞᱮᱫ-ᱟ ᱡᱮ ᱩᱱᱤ ᱫᱚ ᱠᱚᱞᱠᱟᱛᱟ ᱨᱮ ᱱᱟᱣᱟ ᱛᱮᱭᱟᱨ ᱟᱠᱟᱱ ᱵᱟᱝᱞᱟᱫᱮᱥ ᱦᱮᱰᱠᱣᱟᱴᱚᱨ (ᱩᱱᱡᱚᱠᱷᱟᱜ ᱵᱟᱝᱞᱟᱫᱮᱥ ᱦᱮᱰᱠᱣᱟᱴᱚᱨ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱯᱩᱪᱷᱤᱢ ᱵᱚᱝᱜᱚ ᱯᱚᱱᱚᱛ ᱨᱮ ᱛᱟᱦᱮᱸ ᱠᱟᱱᱟ) ᱨᱮ ᱠᱟ.ᱢᱤ ᱞᱮᱫ ᱟᱭ ᱾ ᱤᱱᱟᱹ ᱛᱟᱭᱚᱢ ᱰᱤᱯᱞᱚᱢᱮᱴ ᱨᱮᱭᱟᱜ ᱞᱮᱠᱷᱟ ᱠᱟ.ᱢᱤ ᱚᱸᱰᱮ ᱛᱚᱨᱟᱣ ᱠᱮᱫ ᱟᱭ ᱚᱸᱰᱮ ᱪᱟᱞᱟᱣ ᱠᱟᱛᱮ ᱾ ᱩᱱᱤ ᱫᱚ ᱢᱤᱫᱴᱟ.ᱝ ᱤᱱᱴᱚᱨᱵᱷᱤᱣ ᱨᱮ ᱢᱮᱱ ᱞᱮᱫ ᱟᱭ ᱡᱮ ᱑᱙᱗᱑ ᱨᱮᱱᱟᱜ ᱡᱟᱦᱟᱸ ᱞᱟᱹᱰᱷᱟᱹᱭ ᱦᱩᱭ ᱮᱱᱟ ᱚᱸᱰᱮ ᱫᱚ ᱩᱱᱤ ᱠᱷᱟᱨᱟᱯ ᱯᱚᱨᱤᱵᱮᱥ ᱨᱮᱭ ᱛᱟᱦᱮᱸ ᱠᱟᱱᱟ ᱾
ᱩᱱᱤ ᱫᱚ ᱒᱗ ᱢᱟᱨᱪ ᱒᱐᱑᱒ ᱨᱮ ᱵᱟᱝᱞᱟᱫᱮᱥ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱯᱷᱨᱮᱸᱰᱥ ᱚᱯ ᱞᱤᱵᱽᱨᱮᱥᱚᱱ ᱣᱟᱨ ᱚᱱᱚᱨ ᱛᱮ ᱢᱟᱹᱱ ᱦᱟᱞᱟᱝ ᱞᱮᱫᱮᱭᱟ ᱠᱚ ᱾
This article uses material from the Wikipedia ᱥᱟᱱᱛᱟᱲᱤ article ᱚᱨᱩᱱᱫᱷᱚᱛᱤ ᱜᱷᱚᱥ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.