ᱚᱡᱤᱛ ᱠᱩᱢᱟᱨ ᱵᱷᱩᱸᱭᱟᱸ (ᱤᱝᱨᱟᱹᱡᱤᱺ Ajit Kumar Bhuyan) ᱫᱚ ᱢᱤᱫᱴᱮᱱ ᱥᱤᱧᱚᱛ ᱫᱤᱥᱚᱢ ᱨᱮᱱ ᱜᱟᱹᱠᱷᱩᱲ ᱠᱷᱚᱵᱚᱨᱤᱭᱟᱹ ᱟᱨ ᱯᱨᱟᱜᱽ ᱱᱤᱣᱩᱥ ᱨᱮᱱ ᱤᱰᱤᱴᱟᱨ ᱤᱱ ᱪᱤᱪ ᱠᱟᱱᱟᱭ| ᱱᱟᱦᱟᱜ ᱫᱚ ᱩᱱᱤ ᱟᱥᱟᱢ ᱯᱚᱱᱚᱛ ᱠᱷᱚᱱ ᱨᱟᱡᱽᱭᱚ ᱥᱚᱵᱷᱟ ᱨᱮᱱ ᱨᱟᱹᱥᱭᱟᱹ ᱠᱟᱱᱟᱭ| ᱩᱱᱤ ᱫᱚ ᱨᱟᱡᱽᱭᱚ ᱥᱚᱵᱷᱟ ᱨᱟᱹᱥᱤᱭᱟᱹ ᱞᱟᱹᱜᱤᱫ ᱵᱤᱱ ᱵᱤᱨᱩᱫᱽ ᱛᱮᱭᱮ ᱵᱟᱪᱷᱟᱣ ᱵᱟᱦᱟᱞ ᱚᱪᱚ ᱞᱮᱱᱟ, ᱒᱐᱒᱐ ᱥᱮᱨᱢᱟ ᱨᱮ|
ᱵᱟᱪᱷᱱᱟᱣ ᱨᱮ ᱵᱤᱱ ᱵᱤᱨᱩᱫᱽ ᱛᱮ ᱡᱤᱛᱟᱹᱣ ᱛᱟᱭᱚᱢ ᱠᱷᱳᱵᱚᱨᱤᱭᱟᱹ ᱠᱚ ᱥᱟᱢᱟᱝ ᱨᱮᱭ ᱞᱟᱹᱭ ᱥᱚᱫᱚᱨ ᱞᱮᱫᱟ ᱵᱟᱝ ᱢᱟ ᱩᱱᱤ ᱨᱟᱡᱟᱨᱤ ᱨᱮ ᱵᱚᱞᱚᱜ ᱨᱮᱭᱟᱜ ᱠᱟᱨᱚᱱ ᱫᱚ ᱥᱤᱮᱹᱮᱹᱮ ᱠᱟᱱᱟ| ᱩᱱᱤ ᱫᱚ ᱥᱤᱧᱚᱛ ᱡᱟᱹᱛᱨᱤᱭᱟᱹ ᱠᱚᱝᱜᱽᱨᱮᱥ ᱟᱨ ᱜᱚᱴᱟ ᱵᱦᱟᱨᱚᱛ ᱥᱮᱞᱮᱫ ᱦᱚᱲᱨᱟᱡᱽ ᱢᱚᱨᱪᱟ ᱠᱷᱚᱚᱱ ᱠᱚ ᱛᱤᱝᱜᱩ ᱞᱮᱫᱮᱭᱟ| ᱩᱱᱤᱭᱟᱜ ᱱᱚᱢᱤᱱᱮᱥᱚᱱ ᱚᱠᱛᱮ ᱨᱮ ᱛᱚᱨᱩᱱ ᱜᱚᱜᱚᱭ ᱟᱨ ᱵᱚᱫᱚᱨᱚᱫᱫᱤᱱ ᱟᱡᱢᱚᱞ ᱛᱟᱠᱤᱱ ᱥᱮᱴᱮᱨ ᱠᱤᱱ ᱛᱟᱦᱮᱸᱠᱟᱱᱟ| ᱢᱟᱱᱚᱛᱟᱱ ᱚᱡᱤᱛ ᱠᱩᱢᱟᱨ ᱵᱷᱩᱸᱭᱟ ᱫᱚ ᱵᱤᱹᱡᱮᱹᱯᱤᱹ ᱥᱚᱨᱠᱟᱨᱟᱜ ᱱᱟᱜᱟᱨᱤᱭᱟᱹ ᱟᱹᱨᱩ ᱯᱷᱮᱨᱟᱣ ᱟᱹᱱ ᱨᱮᱭᱟᱜ ᱥᱟᱱᱢᱟ ᱥᱟᱱᱢᱤᱭᱮ ᱵᱤᱨᱩᱫᱽ ᱞᱮᱫᱟ|
ᱚᱡᱤᱛ ᱠᱩᱢᱟᱨ ᱵᱷᱩᱸᱭᱟ ᱫᱚ ᱑᱙᱕᱒ ᱥᱮᱨᱢᱟ ᱨᱮ ᱡᱚᱨᱦᱟᱴ ᱨᱮᱭᱮ ᱡᱟᱱᱟᱢ ᱞᱮᱱᱟ| ᱩᱱᱤᱭᱟᱜ ᱮᱛᱚᱦᱚᱵ ᱚᱞ ᱯᱟᱲᱦᱟᱣ ᱫᱚ ᱥᱤᱵᱽ ᱥᱟᱜᱚᱨ ᱨᱮᱭᱟᱜ ᱟᱢᱜᱩᱲᱤ ᱨᱮ ᱦᱩᱭ ᱞᱮᱱᱟ ᱟᱨ ᱛᱟᱭᱚᱢ ᱥᱤᱵᱽ ᱥᱟᱜᱚᱨ ᱠᱚᱞᱮᱡᱽ ᱠᱷᱚᱱ ᱰᱤᱜᱽᱨᱤ ᱫᱚᱭ ᱯᱟᱥ ᱞᱮᱫᱟ| ᱰᱤᱜᱽᱨᱤ ᱯᱲᱦᱟᱣ ᱟᱹᱣᱨᱤ ᱢᱩᱪᱟᱹᱫᱽ ᱨᱮᱜᱮ ᱩᱱᱤ ᱫᱚ ᱡᱚᱨᱦᱟᱴ ᱠᱷᱚᱱ ᱩᱪᱷᱟᱹᱱᱚᱜ ᱠᱟᱱ ᱡᱚᱱᱤᱚᱢ ᱵᱷᱩᱱᱤ ᱨᱮ ᱡᱚᱜᱚ ᱥᱟᱥᱟᱯᱲᱟᱣᱤᱡ ᱞᱮᱠᱟ ᱛᱮ ᱠᱟᱹᱢᱤ ᱨᱮᱭᱮ ᱵᱚᱞᱚ ᱞᱮᱱᱟ|
This article uses material from the Wikipedia ᱥᱟᱱᱛᱟᱲᱤ article ᱚᱡᱤᱛ ᱠᱩᱢᱟᱨ ᱵᱷᱩᱸᱭᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.