ये शास्त्रविधिमुत्सृज्य...
श्लोकः
अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
अर्जुन उवाच -
- ये शास्त्रविधिमुत्सृज्य यजन्ते श्रद्धयान्विताः ।
- तेषां निष्ठा तु का कृष्ण सत्त्वमाहो रजस्तमः ॥ १ ॥
अयं भगवद्गीतायाः सप्तदशोध्यायस्य श्रद्धात्रयविभागयोगस्य प्रथमः(१) श्लोकः ।
पदच्छेदः
ये शास्त्रविधिम् उत्सृज्य यजन्ते श्रद्धया अन्विताः तेषां निष्ठा तु का कृष्ण सत्त्वम् आहो रजः तमः ॥ १ ॥
अन्वयः
कृष्ण ! ये शास्त्रविधिमुत्सृज्य श्रद्धया अन्विताः यजन्ते तेषां निष्ठा तु का ? सत्त्वम् आहो रजः तमः ।
शब्दार्थः
- शास्त्रविधिम् = शास्त्रीयं कर्म
- उत्सृज्य = वर्जयित्वा
- श्रद्धया = आसक्त्या
- अन्विताः = सहिताः
- निष्ठा = स्थितिः
- आहो = अथवा ।
अर्थः
ये शास्त्रविधिम् उल्लङ्घ्य श्रद्धया कर्म कुर्वन्ति ते आसुराः । ये शास्त्रविधिम् अनुसृत्य श्रद्धया कर्म कुर्वन्ति ते दैवाः । ये पुनः शास्त्रविधिं त्यजन्ति वृद्धव्यवहारेण सम्प्रदायः इति श्रद्धया कर्म अनुतिष्ठन्ति न ते दैवाः, शास्त्रविधेः त्यागात् । नापि आसुराः श्रद्धया कर्मानुष्ठानात् । ततश्च तादृशानां का स्थितिः ? किं तेषु सत्त्वं गुणो निर्णेयः किं वा तमः आहोस्वित् रजः ?
सम्बद्धसम्पर्कतन्तुः
सम्बद्धाः लेखाः
This article uses material from the Wikipedia संस्कृतम् article ये शास्त्रविधिमुत्सृज्य..., which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). भिन्नोल्लेखः यावत् न भवेत्, तावत् CC BY-SA 4.0 इत्यत्र उल्लेखो भवति । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki संस्कृतम् (DUHOCTRUNGQUOC.VN) is an independent company and has no affiliation with Wiki Foundation.