Цюрих, нѣм.
особ (2018) в Швайцу, в округу Цюрих, административный центер кантона Цюрих. Найвекшый город Швайчарской конфедерации, финанчный, културный и промысловый центер.
Найвекшый город в Швайцу Цюрих Zürich
|
Лежить в алпском окружѣню на сѣверозападѣ Цюрихского озера, меджи двома залѣсненыма нагорями, в оддалѣню около 60 км на сѣвер од подгоря Алп. Через город течуть двѣ рѣкы, Лиммат и Зил.
Основаный Римлянами яко мытный пост Turicum, поступно выростав на торговый город на выгодном скрижованю европскых торговых дорог. В року 1218 достав статус имперского вольного города, а в року 1351 вступив до Швайчарской конфедерации и став ся центром кантона.
Цюрих — центер едукации и научных выгледовань, еден з главных културных центрох Швайца. Ту суть научны и научно-продукчны лаборатории ряда высокотехнологичных транснационалных компаний (IBM, Google и др.). Меджи главныма высокыма школами — найвекша в конфедерации универзита з року 1833 (26 тыс. штудентох, 9 тыс. професорох и научных працовникох, 2016) и Федерална высша технична школа (1855). В числѣ Нобеловых лавреатох — абсолвенты тых школ Алберт Айнштайн, Вилгелм Конрад Рентген. Велике число музейох, библиотек, театрох ай иншых културных инштитуций, каждорочны меджинародны фестивалы.
Од XX. стороча Цюрих ся став финанчным и економичным центром Швайца. В другой половцѣ XX. стороча текстилный промысел цѣлком утратив вагу, а продукция машин зачала доминовати. В тот час сектор служеб, наймя банкы и асекурачны компании, наберали вагу. Финанчный сектор в Цюриху выростав вдякы рѣшѣню Националного банка, сѣдлиска которого суть в Цюриху и Бернѣ, о створѣню Рады директорох в Цюриху, заведжѣню абсолутной конфиденциалности в банковой сферѣ и дочасне закрытя Лондонской золотой бурзы в року 1968. Банкы Цюриха моментално зареаговали и основали Zürich Gold Pool, организацию торговлѣ золотом, через котру Цюрих став ся едным з головных торговых центрох золота во свѣтѣ.
Во сферѣ служеб заняты 90%, з того половка в банково-финанчных службах; в промыслѣ — 10% працуючых. 50% даньовых приходох Цюриха суть од банково-финанчного сектора.
This article uses material from the Wikipedia Русиньскый article Цюрих, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.