Руська Крайна (мад.
децембра">21. децембра 1918. Автономия де юре створила ся з дня публикации закона 21. децембра 1918, продовжила розвивати ся по комунистичном переворотѣ 21. марца 1919, але заникла по окупации вшиткой територии чехословацкым и румынскым войском 3. мая 1919.
Територия автономной провинции была 12 694 km2, обывательство — 605 731 особ.
Крайна — погранична територия. Так называли Русины тоты територии, куды заселяли ся в 13.–17. сторочах на позваня землепанох. В зачатку децембра 1918 великый зъѣзд Русинох в Будапештѣ рѣшив, же тоту назву официално приймуть четыри тогды еще не окупованы чужоземным войском жупы: Мараморош, Угоча, Берег, Унг.
В кабинетѣ Мигаля Карольи Министер в дѣлах народностей Оскар Яси приготовив даколько проектох административно-териториалных реформ, замѣреных на то, жебы удержати державу од роспада путьом конфедеративного зряджѣня и автономизации в духу «Дунайскых Зъединеных Штатох». Найрадикалнѣйшый быв проект радника Микшы Штробла под назвов Восточный Швайц, де ся держава дѣлила на 27 кантоны з котрых были 8 — мадярскы, 13 — меншиновы, а 6 — социално-економичны при векшых городах. Тот план опубликовала в своем рождественном числѣ 1918 року новинка Új-Magyarország под назвов: Нова Мадярщина яко восточный Швайц.
З того проекта быв втѣленый майже в повности «Русинскый кантон» во формѣ Руськой Крайны. Иншы меншины выбрали военный способ самовызначѣня.
Закон о Руськой Крайнѣ ч.10/1918 з дня 21. децембра 1918 дефиновав лем основны установлѣня, рамкы котрых будуча автономна влада не мала переступити:
5. фебруара 1919 быв сформованый дочасный уряд («Руська рада», 42 особы, предсѣдник Орест Сабов, подпредсѣдник Августин Штефан), 4. марца 1919 выбраный сойм (36 особ), котрый зажадав од кабинета Карольи вызначѣня границь, без чого далшу роботу поважовав за нерозумну, але кабинет не одповѣв.
21. марца 1919 став ся комунистичный переворот, Руська Крайна была перетворена на Совѣтску Руську Крайну, а министерство на Руськокрайнянскый народный комисариат, народным комисарьом став ся Августин Штефан, были выписаны выберанкы «совѣтох» на 6-7. апрѣля 1919, в резултатѣ система влады, дефинована законом, была нарушена. Коли 17. апрѣля 1919 зыйшов ся «Владный Совѣт Руськой Крайны», еще устиг прияти конштитуцию, котра декларовала «самостойность народа руського в Мадярщинѣ», по чому быв выгнаный радикалныма револуционарями, котры не допущали ниякы права народностных меншин, и стояли за интегралность державы в духу радикалного интернационализма.
16. апрѣля 1919 од Сигета рушило румынске войско, а 23. апрѣля од Ужгорода — чешске. 3. мая 1919 упала послѣдня опора револуционарьох — Чоп. Была установлена военна диктатура, котра держала до 1923 рока, административны органы Руськой Крайны ликвидованы.
За куртый час ествованя Руской Крайны была отворена катедра русинского языка на Будапештской универзитѣ, выпущены даколько чисел новинок, выданы декреты. Про будапештску владу то быв лем политичный маневер, обы удержати територию, але про Русинох быв то историчный факт их правного вызначѣня як окремого народу и их права на конштитучно гарантовану автономию.
This article uses material from the Wikipedia Русиньскый article Руська Крайна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.