Майкл Стренк, анґл.
новембер">10. новембер 1919, Орябина, окрес Стара Любовня, ЧСР (днесь Словакия) – †1. марец 1945, Иводжима, Япония) — америцкый сержант морской пѣхоты русинского походжѣня, котрый став ся героем биткы о японскый остров Иводжима в часѣ Другой свѣтовой войны.
Майкл Стренк | |
---|---|
рус. Михал Стренк, словац. Michal Strenk | |
Майкл Стренк, 1939 | |
Чинность | морскый пѣхотинець; в цивилу оправарь дорог |
Горожанство | США |
Уроджѣня | новембра 10, 1919 Орябина, Чехословакия |
Упокоеня | марца 1, 1945 (25 р.) Иводжима, Япония |
Причина смерти | тяжке ранѣня |
Похованя: Арлингтонскый Народный Теметов 2115 | |
Участь | Друга світова война |
Активность | 1939— |
Награды | |
Бронзова Зірка (США), Пурпурове серце, медаль Перемоги у Другій світовій війні | |
Майкл Стренк на Вікіскладѣ |
Поднятя заставы, Иводжима | |
Куртый филм, автор William Genaust |
Майкл Стренк 23. фебруара 1945 быв велительом четы морскых пѣхотинцьох, што подняли америцку заставу над островом Иводжима в тихоокеанском полю боя. Фото з той подѣи зробив фотограф агенции Ассошиейтед Пресс Джо Розентал (англ. Joe Rosenthal), и стало ся оно еднов з найвеце познатых фотографий з Другой свѣтовой войны.
Уродив ся 10. новембра 1919 в Орябинѣ (официална назва словац. Jarabina) на Спѣшу в Чехословакии (днесь Словакия) яко Михал Стренк. Его родителѣ, Василь Стренк и Марта Грофикова, въедно з ним, емигровали до США в зачатку 1920-х рокох и осадили ся во Франклин Боро около Джонставна, Пенсилвания. Выштудовав середню школу и 6. октобра 1939 приголосив ся до морской пѣхоты. Упав 1. марца 1945 од выстрѣла з канона, коли поясньовав своей четѣ план далшой атакы, через тыждень по тому, як поднимав заставу США на Иводжимѣ, не доживши до повного взятя острова. Погребеный на Арлингтонском Народном Теметовѣ.
На Арлингтонском Народном Теметовѣ 10. новембра 1954 Президент Дуайт Айзенгауер славностно отворив бронзовый монумент, котрый зоз своев вышков 78 шухы став ся найвысшым бронзовым памятником свѣта. Монументом увѣчнены Майкл Стренк и его пятеро сполубойовникы, як установлюють заставу. В осадѣ родины Майкла Стренка, Франклин Боро, зрядженый Мемориал Ветеранох, де установили памятник свому славному родакови, окрем тото имя Майкла Стренка несе транспортный мост через рѣку Коунмо.
В Старой Любовни отворена уникатна музеална Военска експозиция Майкла Стренка.
Василь Стренк емигровав до США в року 1920, а як мало обыв ся, пришла ку ньому в року 1922 жена Марта зоз сыном Михалом. Михал (позднѣйше Майкл) мав еще два младшы браты, Джона (*1923) и Петра (*1925) ай сестру Мери (*1932), котры ся уже родили в Америцѣ. Василь Стренк при натурализации американизовав латиничный правопис призвиска зо Strenk на Strank.
Во своей жадости о америцке горожанство (petition for citizenship) голова родины Василь Стренк експлицитно и еднозначно зазначив народность своей родины яко русинску (Ruthenian). Авшак, академик М. Мушинка зазначать, же (в добѣ комунистичного режима в Чехословакии) далшы члены родины были записаны Украинцями, а еден з них аж и быв меджи ведучыма функционерами КСУТа, а зато и родительох Михайла Стренка треба означовати як Русинох (Украинцьох).
This article uses material from the Wikipedia Русиньскый article Майкл Стренк, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.