Патроним

Найчастѣйшым видом патронима е имя за отцьом. На середновѣкой Руси патронимы были хоснованы од XI. стороча:

Патроним обычайно творить ся з помочов префикса або суфикса, додаваного ку имену отця. Так, перед даколько сторочами патроним Fitzpatrick указовав на Патрикового сына (Patrick's son), Peterson або Petersen быв сын Peter-а, MacDonald або McDonald — сын Donald-а, а Hernando быв отцьом Hernández-а. В сучасности вшиткы тоты даколишны патронимы стали ся обычайныма призвисками. В России доднесь суть в ужитку имя, патроним и призвиско; напримѣр, Петр Ильич Чайковскый, ту Ильич е патронимом, котрый означать, же его отець быв Илья».

При славностном ословлѣню давнорускых князей споминали не лем отця, але и дѣда-прадѣда, аж докля было памяти о родѣ предкох. Напримѣр, князь Владимир сын Святослава, внук Всеволода, правнук Олега, праправнук Святослава, прапраправнук Ярослава, прапрапраправнук великого Владимира. То было барз некомфортно, та пак выхабили имена дѣдох-прадѣдох а зостало лем имя отця.

Форма патронима зоз суфиксом -енк-, появила ся позднѣйше на Украинѣ, а днесь стала ся уже лем призвиском: Порошенко, Тимошенко, Ющенко.

Именованя особы двословнов антропонимнов формов — имя + патроним на -ич або на -ович — у славян ширило ся з востока на запад, а самы имена за отцьом у славян сягають ранного середновѣку. Але повиннов ся стала така форма лем в России. В западных областях Украины зачала быти повинна лем по прилучѣню ку СССР (1939-1944).

• Ковалів Ю. І.(уклад.) Літературознавча енциклопедія. Київ: Вид. центр «Академія», 2007. Том 2. 624 с. ISBN 978-966-580-234-1 (T.2) укр.
• Чучка П. П.: Слов'янські особові імена українців: історико-етимологічний словник. Ужгород: Ліра, 2011. - 432 с. ISBN 978-617-596-041-7
• Patronymic. //Merriam-Webster Dictionary online англ.
• Дьяченко С. В.:Откуда взялось отчество? русс.