Федор Ковач, словац.
марец">7. марец 1931, Рокытовцѣ, днесь окрес Меджилаборцѣ, Словакия – *11. юл 2009, Пряшов, Словакия — педагог, историк литературы, перекладатель и културно-сполоченскый дѣятель украинской народностной ориентации в Словакии.
Федор Ковач | |
---|---|
словац. Fedor Kováč укр. Федір Ковач | |
фото | |
Чинность | литературознатель, педагог, перекладатель, сполоченскый активиста |
Уроджѣня | марца 7, 1931 |
Рокытовцѣ, дн. окрес Меджилаборцѣ, Словакия | |
Упокоеня | юла 11, 2009 (78 р.) Пряшов, Словакия |
Ошкола | Філологічний факультет Київського університету |
GKG:/g/1hl3gv4jy; |
Абсолвовав русску гимназию в Гуменному (1952) ай филологию на Киевской державной универзитѣ (1953-1958). Учитель в добѣ украинизации школ (1958–1960), ведучый редакции украинской литературы на Словенском педагогичном выдавательствѣ в Пряшовѣ (1960–1963), секретарь Централного Комитета КСУТ в Пряшовѣ (1964–1969). Од октобра 1969 выучовавав украинску литературу на Пряшовской универзитѣ П. Й. Шафарика (1969-2006). Кандидат наук (1971), доцент (1974). Од року 1979 стояв на челѣ КСУТ аж до его занику (1990); головный редактор украинского пряшовского часопису Дукля (1971–1989), посланець Словацкой Народной Рады и член Рады про народностны меншины при словацкой владѣ (1981–1990). На тых функциях неодступно стояв на позиции, же "Русины суть голузков украинского народу".
Его первы литературознательскы публикации были о подкарпатскых писателях XIX. стороча, напримѣр монография «Життя і творчість О. Павловича», але векшинов его штудии суть о творчости украинскых писательох Словакии в повойновой добѣ: «Деякі проблеми розвитку української літератури в Чехословаччині» (1973), «Слово про поезію та поетів» (1978), «Прозові твори В. Зозуляка», «Діалоги» (1988).
Переклав по украинскы вецерых новочасных чешскых и словацкых писательох. Быв упорядником выдань Федора Иванчова, Олены Рудловчаковой, даколькых антологий украинскых поетох и писательох, автором литературно-умѣлецкых композиций и драматизаций з украинской литературы.
Федор Ковач быв головным упорядником "Крайового словника Русинох-Украинцьох Пряшовского края" (1999). Быв автором понад 100 гасел о украинской литературѣ в контекстѣ свѣтовой литературы: «Encyklopédia literárnech diel» (1989).
This article uses material from the Wikipedia Русиньскый article Федор Ковач, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.