Неорганична хемия — сфера хемии, яка загортать вшиткы звязаны з тов науков темы окрем тых, што суть предметом органичной хемии.
Объектом неорганичной хемии суть хемичны елементы и хемичны злученины окрем органичных злученин.
История неорганичной хемии звязана з общов историев хемии: резултатом штудированя неорганичных материалох были важны досягнутя в конци XVIII. – зачатку XIX. стороча, напримѣр оксигенова теория горѣня, объявлѣня законох стехиометрии. Теоретичны основы неорганичной хемии — периодичный закон и периодична система елементох Д. Менделеева.
Днешна неорганична хемия штудируе будову и властности неорганичных материалох з помочов не лем хемичных, но и физикалных методох (напримѣр, спектроскопии). Неорганична хемия е научнов базов основной хемичной выробы (соли, квасы, основы) и металургии. Число неорганичных материалох чинить десяткы тысяч. Досягнутя неорганичной хемии дозволили створити материалы найновѣйшой техникы — суперчисты металы, литины, пьезоелектрикы, полупроводникы, суперпроводникы, легкы ставебны материалы, оксиданты и палива про козмичны ракеты.
This article uses material from the Wikipedia Русиньскый article Неорганична хемия, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.