Валентина Терешкова (рос.
марец">6. марец 1937, село Болшое Маслениково, Ярославска область, РСФСР, СССР) — козмонавтка, перва во свѣтѣ жена в той функции (1963), Геройка Совѣтского Союзу (1963), едина жена в росийском войску в шаржи генералмайор (1995)
Валентина Терешкова | |
---|---|
Валентина Владимировна Терешкова | |
Псевдонім | Чайка, Valentina |
фото з року 1969 | |
Чинность | козмонавтка, политичка |
Сфера | політік, козмонавтика |
Горожанство | СССР, Росія |
Уроджѣня | марца 6, 1937 |
Ошкола | Військово-повітряна інженерна академія імені Миколи Жуковського |
Праца | Ярославський шинний завод, Красный Перекоп, Восток-6, Верховна рада Союзу Радянських Соціалістичних Республік, Президія Верховної ради СРСР, Союз радянських товариств дружби і культурного зв'язку із зарубіжними країнами, Ярославская областная дума, Державна дума Російської Федерації |
Участь | XXIV з'їзд КПРС, XXV з'їзд КПРС, XXVI з'їзд КПРС, XXVII з'їзд КПРС |
Партія | |
| |
Діти | (1) |
Награды | |
Honoris causa | |
Валентина Терешкова на Вікіскладѣ VIAF:2788147967352384200001; GND:119207710; LCCN:n94025495; FAST:336883; BNF:12890135m; NLKR/NLC:mzk2004175572; |
Походила з роботницкой родины: отець — тракториста, мати — роботниця в тестиловом промыслѣ. Мала о три рокы старшу сестру ай о три рокы молодшого брата. По закончѣню сѣмкласной основной школы в року 1953 наступила до роботы в текстиловом промыслѣ, як ей мати. Дале ся доучовала во вечерной школѣ, пак екстерно в промысловцѣ на майстра-технолога памутопрядѣня. Роботницку професию неодовго лишила, а од року 1960 была плаченов функционарьков в комсомолѣ, од року 1962 — членка КПСС.
В року 1958 вступила до аероклубу, 21. мая 1959 уже первый раз скочила з [[парашут]ом, а по козмичном летѣ Гагарина (1961) ся приголошовала до Москвы, жебы ей взяли на козмичну програму. В децембрѣ 1961 была покликана до Москвы на дохторскый пересмотр.
В марцу 1962 была прията на козмичну службу в приправну групу, а разом и до войскового летунства, в децембрѣ того року перейшла испытом и зыскала званя козмонавткы и шаржу подпоручника. В групѣ з иншыма трьома козмонавтками зачала пряму приправу ку лету на козмичной лодѣ «Восток-6[ru]». 16. юна 1963 повышена на поручника и выштартовала яко едина выбрана до лету. Уже в току лету повышена на капитана. За три днѣ облетѣла Землю 48 разы и успѣшно пристала 19. юна 1963.
Приготовлѣня на лет были так затайнены, же ани родины выбраных до програмы дѣвок не знали о том. Терешкова повѣла домашным, же ся готовить на парашутных курзах. О том, же полетѣла до козмосу, они ся дознали лем з телевизии, а ей мати ся за тото на ню довго сердила.
Терешкова уже вецей нигда не вылетѣла до козмосу. Была дале наставником в приготовцѣ новых козмонавтох аж до року 1997. Але главнѣ о ней было знати з ей чинности в штатных и партийных службах на высокых урядах, котрыма была звѣрена и репрезентативных путованях по цѣлому свѣтѣ. В року 1963 оддала ся за козмонавта Андриана Николаева и писала ся Николаева-Терешкова, мали дѣвку Елену (*1964). В року 1977 ся розышли.
Официално ся розвели в року 1982, як Елена уже была повнолѣтна, а тогды ся Терешкова побрала зоз хирургом генералом Юлием Шапошниковым, з котрым жили до его смерти (1999).
Од року 1997 пензионована з козмичной и военской службы, але на высокы сполоченскы функции выберана ай дале.
This article uses material from the Wikipedia Русиньскый article Валентина Терешкова, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.