Peñón De Vélez De La Gomera
'U Peñón de Vélez de la Gomera ète 'na piccele penisole rocciose acchiate sus 'a coste mediterranèe d'u Marocche, me appartenènde polìtecamènde ad 'a Spagne.
'Nzieme ad otre territorie spagnole sus 'a coste d'u Nord Africa, ète conziderate 'na plaza de soberanía (chiazze, puèste de sovranetate) ed ète dependende, a levèlle amministrative, d'a cetata autonome de Melilla. Jndr'ô stesse mode de lle otre plazas de soberanía spagnole jndr'ô Nordafriche, ète revennecate da 'u Marocche.
| Peñón de Vélez de la Gomera Peñón de Vélez de la Gomera | |
|---|---|
 | |
| Sciugrafije fiseche | |
| Coordinate | 35°10′20″N 4°17′59″W / 35.172222°N 4.299722°W |
| Superficie | 0,019 km² |
| Altitudine masseme | 87 m s.l.m. |
| Sciugrafije politiche | |
| Stato |  Spagne |
| Suddivisione | Plazas de soberanía |
| vôsce de isole della Spagna presende sus a Uicchipèdie | |
Sciugrafije
Ccu 'na grannèzze de 19.000 m² e acchiate a cirche 117 km a sudest de Ceuta, 'a cchiù granna exclave spagnole d'u Nord Afriche, 'u Peñón de Vélez de la Gomera ère, n'origgene, 'na isole, fine a quanne jndr'ô 1930 (o jndr'ô 1934, a seconne de lle funde) le apporte d'u jume Bades e 'na forte scosse sismeche non ge favorirene 'u quagghiamènde de 'nu istme rénôse longhe 85 metre ca l'hé cullegate permanentemènde ad 'a coste marocchine ('u confine cchiù curte 'mbbrà lle doje statère, lassanne perdere Ceuta e Melilla). 'A penisole non ge ospite 'nzediamènde urbane, me 'na roccaforte (Peñón) ccu 'na guarnigione miletare de cirche 60 surdate.
Storie
Storecamènde l'isole hé devendate proprietate d'a Spagne jndr'ô 1508 nnande a 'na vitturiuse cambagne miletare, condotte da 'u conde Pedro Navarro, condre 'nu gruppe de pirate ca condrollavane quèdda vanne. Ha state occupate cchiù nnande da 'u Marocche, jndr'ô 1522, me fu ppegghiate n'otra vôte e mò n'mode definitive d'a Spagne, jndr'ô 1564, da García Álvarez de Toledo, viceré de Catalogna.
'U toponime pigghie origgene da lle parole "Hades" ('u nome - defurmate jindre Vélez da lle spagnole - de 'nu jume acchiate jndr'â lle vicenanze, ad 'a cui foce sorgeve l'omonime 'nzediamènde berbere) e "Ghomara" (devendate "Gomera" jndr'ô spagnole), 'u nome d'a trebbù berbere ca jàvitave 'a reggione.
Bibbliografije
- (ES) Historia de Peñón de Vélez de la Gomera archiviate d'a pàggene origgenale sus 'u site de ll'esercite spagnole.
Otre pruggette
Uicchimedie Commons tène files multimediale sus Peñón de Vélez de la Gomera
| Condrolle de autorità | VIAF (EN) 235687949 · LCCN (EN) sh87003304 · GND (DE) 4724546-3 · J9U (EN, HE) 987007536770305171 |
|---|
This article uses material from the Wikipedia Tarandíne article Peñón de Vélez de la Gomera, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 'U condenute jè disponibile sotte a CC BY-SA 4.0 senze otre note. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tarandíne (DUHOCTRUNGQUOC.VN) is an independent company and has no affiliation with Wiki Foundation.