Manolo Valdés

Ha introdotte 'n Spagne 'na forme de espressione ca combine obbleghe politeche e sociale cu umorisme e ironie.

Manolo Valdés jè nasciute a Valencia l'8 màrze 1942. Tràse jndr'à Escuela de Bellas Artes de San Carlos jndr'ò 1957, addò studie pe doje anne. Jndr'ò 1964 funne 'u gruppe de artiste Equipo Crónica cu Joan Toledo e Rafael Solbes jndr'à quale rimane 'nzigne a 'a muèrte de Solbes jndr'ò 1981. Attualmende vive e fatìe a New York City cu 'n'otre residenze a The Hamptons e Miami.

'Nfluenzate da Velázquez, Rembrandt, Rubens, Matisse, Picasso e otre, Valdés ccreje granne opere addò l'illuminazione e le culore esprimone 'na senzazione de tattilità. 'U sò fatìe resulte potente e decorate cu simbole de l'arte storeche. Valdés ccreje dipinde, sculture monumendale, incisiune e collage.

'Nzieme a le opere ca ave esposte cumme parte de Equipo Crónicas, Valdés ave avute otre settande esposiziune 'mbrà 'u 1965 e 'u 1981, sie individuale ca collettive. 'U sò fatìe ha state esposte 'n prestiggiose gallerie d'arte e musèe, 'n particolare jndr'ò Guggenheim a Nuève York, Opera Gallery New York, l'Hirschhorn a Washington, e numerose capitale d'arte d'u munne cumme Londre, Berline, Parigge, Meláne, Rome, Seul, Istanbul, L'Aia e Monache ecc.

Valdés ave avute diverse riconoscimende, 'mbrà le quale 'u Lissone e 'u Biella de Melane jndr'ò 1965; 'a medaglie d'argende a 'a seconde Biennale 'Nternazionale de le Stampe de Tokyo; 'nu premie da 'u Bridgestone Art Museum de Lisbone; 'u Premie Alfons Roig a Valencia; 'u Premie Nazionale pe le Arti Plastiche 'n Spagne; 'na medaglie d'u Festival 'Nternazionale de le Arte Plastiche biennale de Baghdad; e jndr'ò 1993 'a Medaglie de l'Ordine de Andrés Bello 'n Venezuele.

•   Uicchimedie Commons tène files multimediale sus Manolo Valdés

• (EN) Opere di Manolo Valdés, su Open Library, Internet Archive.