aicu a ljumay mavan a paravac a marekatinalem i taiwan itua kacawan.
kasicuayanga, izuanga a kacalisiyan a temalemanga taicu a ljumay a sinan ta lami. sa maqaitjen a kipapuljadjek nu kemakan taza ljumay a cawcau. qaw nu izuanga a kinasuqudjaljan a mangetjez, inika madjulu a macay aicu a ljumay, sa mavan a tjaljanguaqan a lami aya a cawcau tucu.
kacuayananga, semanpazangal taicu a ljumay a cawcau i qinaljan, ljakua tucuanga, inika kemeljang a zuma taicu a cemel i taiwan.
natemalemanga a cawcau taicu a ljumay kacuayananga, qaw nu kinasuqudjaljan a uri mangetjez, inika veneve a zuma a tinaleman i quma, sa uri temalem taicu a ljumay a ka sangasangas itua i quma, qaw maya marekutj tu nekanga a lami matazuawa.
ka ripunanan, masanliawliaw a ljumay izua i taiwan a qinaljan, izuazua a kemasi vililj a setayar, i vacekadan a gadugaduwan a sebunun, a pasanavalj a secu a kadjunangan.
naqaqivuin a ramaljengmaljeng, nakiljumayanga, uri masiu’isu a cawcau sa lumuken aicu a ljumay, ljakua izua a quvis sa gacel a cawcau. saka inika tjengelay a temalem taza ljumay a cawcau. qaw ka tjuruvuwanga a paday i tjaqinaljan, sa nekeanga a ljumay aya. nakeman sa kemeljang taicu a ljumay a cawcau mavan a pitju kata alu a puluqanga cavilj a ramaljengmaljeng.
1. 中文維基百科-台灣油芒,網址: https://www.duhoctrungquoc.vn/wiki/zh/%E5%8F%B0%E6%B9%BE%E6%B2%B9%E8%8A%92。
2. 全球獨有,超級未來食物─台灣油芒重見天日!比水稻小麥更營養,抗旱耐鹽耐逆境。網址: https://www.newsmarket.com.tw/blog/131220/。
3. 中研院邢禹依團隊跨國研究,揭開台灣油芒身世,期許「台灣孤兒」消滅全球飢餓。網址: https://www.newsmarket.com.tw/blog/131222/。
This article uses material from the Wikipedia Paiwan article ljumay, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). nu ika nu pinaljaluayan a pazazekatj tu izua maljiyan a djalan kipaputalji a pasazua ta CC BY-SA 4.0 a sinankakudan ta sipagaugauvan ta timitim a lisadayan na sapitj. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Paiwan (DUHOCTRUNGQUOC.VN) is an independent company and has no affiliation with Wiki Foundation.