pinuvecikan aicu a ika mapavalit a paysu tua penuljat a pinapuvelivelian itua maitaita a qecengacengalj.
siniaya avan aicu a NFT nua kai a amilika. sinikitaudan aza paysu a ika mapavalit tua matjaliaw a sineqetj itua tinnaw, namatucu izua sasing katua iga. sikeljang nua paysu a ika mapavalit aza pinuvecikan nua i tinnaw tua vavecikan a puaneman. inika maqatitjen a mapapapuveli taza paysu a ika mapavalit, manasika patjatjukuda itjen tua paysu a ika mapavalit katua zuma a paysu a kriptu (cryptocurrency), namatucu izua bit-gimpiya (Bitcoin).
pinuvecikan aicu a paysu a ika mapavalit a sipapuveliveli itua ta puvecikan nua i tinnaw, namaya tua siniaya a maitaita a qecengacengalj. izua za sineqetj, valjitjuq, katuanemanema itua tinnaw a kinitaudan tua paysu a ika mapavalit. pusaluan uta nua itjen aza paysu ika mapavalit tanemanema.
pinakasangas a tja kineljangan aza ika mapavalit a paysu (NFT) a qinati ni Kevin McCoy kati Anil Dash kaqiljasan a 5 nua i kacaviljan a 2014. papuvecik ti Kevin McCoy tua sinan iga ni qecev nimadju i Jennifer itua "ngadan a paysu (Namecoin)" a maitaita a qecengacengalj. nu pasemalaw ti Kevin McCoy tua kaljavaran a pitju itua pitju (the Seven on Seven conference) i vaquan a pupesanguaqan (New Museum) i lizuk a niuyuk (New York City) tazua, paveli timadju taza sinan iga tjai Anil Dash. kakavelian azua sepatj a vatan a amilika. "semanvatan aicu a iga itua tinnaw," aya tiamadju nu i mapapavelian.
izua sipapukeljangan a pasemalavan tua kasangasan a venarungan tua ika mapavalit a paysu a Etheria a siaya i DEVCON 1 nu i kaqiljasan a 10 nua i kacaviljan a 2015. pasuvilij a tjelu a qiljas tua sinipasemalav a papukeljang tua qecengacengalj a maitaita nua Ethereum, a sangasangasan aicu a kaljavaran nua kisanvenarung tua ika mapavalit a paysu i lundun i uk (London, UK).
na kemeljang a kanacaucauanga tua ika mapavalit a paysu tazua na semalut a kriptukitis (CryptoKitties).
This article uses material from the Wikipedia Paiwan article ika mapavalit a paysu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). nu ika nu pinaljaluayan a pazazekatj tu izua maljiyan a djalan kipaputalji a pasazua ta CC BY-SA 4.0 a sinankakudan ta sipagaugauvan ta timitim a lisadayan na sapitj. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Paiwan (DUHOCTRUNGQUOC.VN) is an independent company and has no affiliation with Wiki Foundation.