یوری اولیشا

S.مارچ 3 [ق‌ت فروری 19] 1899 – 10 مئی، 1960) اک روسی اتے سوویت ناول کار سی۔ اوہ 20 ویں صدی دے سبھ توں مہان روسی ناولکاراں وچوں اک منیا جاندا اے، اوہناں تھوڑیاں جہیاں وچوں اک، جو یگ دی دمگھوٹو سینسرشپ دے باو جود چرجیوی فنی ملاں والیاں رچناواں لکھن وچ کامیاب ہوئے ہن۔ اس دے کم نازک توازن دے کم ہن جو اپروں اپروں کمیونسٹ-پکھی پیغام بھیجدے ہن پر ڈونگھائی نال پڑھن تے بہت زیادہ سوکھمتا اتے امیری ظاہر کردے ہن۔ کئی وار، اس نوں اسدے دوست الپھ اتے پیتروو، آئیزک بابیل اتے سگمنڈ کرزیزانووسکی وغیرہ سمیت اوڈیسا سکول آف رائٹرز گروپ وچ رکھیا جاندا اے۔

یوری اولیشا دا جم 3 مارچ نوں [او۔ایس۔ فروری 19] 1899 نوں ایلسواٹگریڈ (ہن کرووونسکیا، یوکرین) وچ پولش مول دے کیتھولک ماپیاں دے گھر ہویا سی۔ اولیشا دے پیؤ، کارل اینٹنووک، اک کنگال ہویا زمیدار سی جو بعد وچ شراب دا سرکاری انسپیکٹر بن گیا اتے شراب اتے جوئے دی لت لگ گئی۔ 1902 وچ اولیشا اتے اس دا پروار اودیسا وچ جا وسے، جتھے یوری انت وچ اساک بیبل، ایلیا الف، اتے ولینتن کاتائیو ورگے اپنے ہم عصر-لکھاریاں نوں ملیا اتے کاتائیو نال تاں اسنے جیون بھر دوستی قایم رکھی۔ طالب علم ہون ویلے، یوری دی سائنس وچ خاص لگن سی پر دوجے موضوعاں توں ودھ ساہت نوں پیار کردا سی اتے ہائی سکول وچ اپنی گریجوئیشن دے دوران لکھنا شروع کر دتا سی۔1917 وچ اولیشا نے قانون دے سکول وچ داخلہ لیا پر دو سال بعد روسی گھریلو لڑائی دوران لال فوج لئی ولنٹیئر وجوں شامل ہون لئی اپنی پڑھائی نوں ملتوی کر دتا۔ اس ویلے دوران، اولیشا انقلاب لئی پرچار سامان تیار کرن لگ پیا۔

اولیشا دا لکھاری کیریئر ادوں شروع ہویا جدوں اوہ اوڈیسا وچلے نوجوان لکھاریاں دے ساہتی گروہ نال جڑیا ہویا سی جس نوں "ہرا لیمپ" کیہا جاندا سی، جس وچ نہ صرف کاتائیو اتے اولیشا سن، پر ایڈوارڈ بیگرتسکی اتے دمتری میریزکووسکی ورگے بااثر لکھاری وی سن۔ اولیشا نے اوڈیسا وچ اتے پھر خارکوو وچ، جتھے اوہ 1921 وچ مڑ چلا گیا سی، انقلاب لئی پرچار سامان چھاپنا شروع کر دتا۔ 1922 وچ، اولیشا نے اپنی پہلی نکی کہانی "فرشتہ" شائع کیتی اتے اسے سال اک مشہور ریلوے مزدوراں دے رسالے 'سیٹی' وچ کم کرن لئی ماسکو چلا گیا۔ اتھے اولیشا نے "زیوبلو" خفیہ نام نال وینگ شاعری لکھن دا کم شروع کیتا، اتے گدکاری اتے ڈراماکاری ول مڑن توں پہلاں دو شعری مجموعہ شائع کروا دتے۔