پولو
پولو (انگریزی: Polo) اک ٹیم کھیل اے جیہڑا گھوڑیاں اُپر بیٹھ کے کھیلیا جاندا اے۔ ایہدا مقصد حریف ٹیم دے خلاف گول کرنا ہُندا اے۔ ایہدے چ کھلاڑی اک پلاسٹک یا لکڑی دی گیند نوں ہاکی ورگے ڈنڈیاں نال مار کے سامنلی ٹیم دے گول چ پاون دی كوشش کردے نیں۔ روایتی طریقے چ ایہ کھیل بڑی رفتار نال اک بڑے کھلے میدان چ کھیلیا جاندا اے۔ ہر ٹیم چ 4 کھلاڑی ہُندے نیں۔ اٹھارویں صدی دے برطانوی ہند چ انگریزاں نے ایس کھیل نوں متعارف کروایا تے 1875ء چ ایس کھیل دے قنون وی وضع کیتے۔ بعد چ ایہ کھیل پوری دنیا چ پھیل گیا۔ مغرب چ ایس کھیل نوں متعارف کراون دا سہرا ایہناں برطانوی فوجیاں نوں جاندا اے جیہڑے ہندستان چ رہائش پزیر سن۔ 1877ء چ پہلی باری جد ایہ کھیل عالمی سطح تے کھیلیا گیا تاں اوس ویلے ارجنٹائن پولو چ رہنما ملک سمجھیا گیا۔ سبھ توں پراݨی پولو پاکستان چ گلگت بلتستان چ کھیلی جاندی اے۔ پولو گلگت، بلتستان، چترال دا روایتی کھیل اے۔ ایہ فری سٹائل پولو اے۔ پاکستان چ ہر سال شندور پولو فیسٹِول منعقد کیتا جاندا اے۔
.jpg)
This article uses material from the Wikipedia شاہ مکھی پنجابی (Shāhmukhī Pañjābī) article پولو, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.