تھاݪی یا پلیٹ (Plate) اک چوڑا، بنیادی طور تے چپٹا برتݨ اے جیہدے وچ کھاݨا، عمومن سالݨ رکھیا تے پیش کيتا جاندا اے۔ تھاݪی نوں رسمی یا سجاوٹی مقاصد لئی وی ورتیا جا سکدا اے۔ بوہتیاں تھاݪیاں گوݪ ہُندیاں نيں، ایہدے توں علاوا ہور شکلاں دیاں وی ہو سکدیاں نيں۔ عام طور تے تھاݪیاں دے کنڈھے اُچے ہُندے نیں تے اندرلا حِصا نیواں تے چوڑا ہُندا اے۔
اک تھاݪی عام طور تے ایہناں حِصیاں تے مُشتمل ہُندی اے:
عام طور تے چوڑا تے چپٹا یورپی اٹھواں کنڈھا پراݨیاں یورپی دھاتی تھاݪیاں دیاں شکلاں توں اخذ کیتا گیا اے۔ چینی سیرامک تھاݪیاں عام طور تے کناریاں اُتوں مڑ جاندیاں نیں یا کنڈھے تنگ ہُندے نیں۔ اک مکمل طور تے فلیٹ سرۆنگ تھاݪیاں، جیہڑیاں صِرف خُشک کھاݨیاں لئی عملن کارآمد نیں، ایہناں نوں ٹرینچر کہیا جاسکدا اے، خاص طور تے جے لکڑی دی ہووے۔
جنوبی ایشیا وچ عام ورتوں لئی تھاݪیاں عمومن دھاتی مواد سٹیل، سِلۆر، تام چینی، تانبا، پتݪ دیاں بݨائیاں جاندیاں نیں۔ ایہدے توں علاوا سیرامکس مواد جِداں کہ بون چائنا، چینی مٹی وغیرا تے مٹی، شیشے، لکڑی، پتھر تے پلاسٹک ناݪ وی بݨائیاں جاندیاں نیں۔
ڈسپوزایبل تھاݪیاں، جیہڑیاں اکثر پلاسٹک یا کاغذ گودا، پلاسٹک کوٹڈ کاغذ، کیلے دے پتے تے پولیسٹرین ناݪ بݨائیاں جاندیاں نیں۔ عارضی تھاݪیاں 1904 وچ ایجاد ہوئیاں تے ایہناں نوں صرف اک وار استعمال کرن لئی ڈیزائن کيتا گیا اے۔
کھاݨا پیش کرن لئی جدید تھاݪیاں دے وکھ وکھ سائز تے قِسماں نيں، جِداں:
قدیم سرۆس پلیٹاں چھوٹیاں سی، 9 انچ (23 سینٹی میٹر) سائز تے 6–6.5 انچ (15–17 سینٹی میٹر) دے ناݪ۔ جدید آداب، مرکزی کھاݨے واسطے سروس پلیٹاں دے استعمال نوں اہمیئت دیندے نیں۔
تھاݪیاں کِسے وی شکل دیاں ہو سکدیاں نیں پَر تقریبن سبھے وچ کھاݨے نوں کنارے توں گِرن یا چوݨ توں روکݨ لئی اک رم ہُندا اے۔ اوہ اکثر چِٹے یا کریم پُندے نیں لیکن پیٹرن تے فنکارانا ڈیزائن سمیت کوئی یی رنگ ہو سکدا اے۔ بہت ساریاں اکو جئیاں تھاݪیاں، سیٹ (مجموعے) دے طور تے فروخت ہُندیاں نیں، لہاذا اک میز اُپر موجود ہر شخص دے کوݪ مماثل دسترخوان دا سامان ہو سکدا اے۔
تھاݪیاں دیاں طرزاں وچ ایہ شامل ہیں:
تھاݪیاں سمیت چینی مٹی دے برتݨ وچ اشیاء نوں اسلامی دنیا تے فیر یورپ وچ طویل عرصے توں شوق ناݪ جمع کيتا گیا سی تے ایہناں دے مٹی دے برتݨاں دے عمدہ سامان نوں خاص طور تے اوہناں دی سجاوٹ دے لحاظ توں بہت متاثر کيتا سی۔ 18ويں صدی وچ جدوں یورپیاں نے وی چینی مٹی دے برتݨ بݨاؤݨے شروع کیتے، بادشاہاں تے شاہی ٹبراں نے چینی مٹی دے برتݨ دیاں تھاݪیان نوں جمع کرن تے ظاہر کرن دا اپنا روايتی عمل جاری رکھیا، جو ہُݨ مقامی طور تے بَݨدیاں نيں، لیکن چینی مٹی دے برتن 19ويں صدی تک عام شہری دے وسائل توں باہر سن ۔
"سووینئر" یا "یادگاری" تھاݪیاں نوں جمع کرن دا رواج 19ويں صدی وچ پیٹرک پالمر تھامس، اک ڈچ-انگریزی رئیس نے مقبول کيتا سی جیہدی تھاݪیاں وچ خصوصی تقریبات یا دلکش تھانواں دی ياد وچ منتقلی دے ڈیزائن نمایاں سن۔ ایہ اک سستا مشغلا سی تے وکھ وکھ شکلاں تے ڈیزائناں نے جمع کرن واݪےآں دے وسیع میدان عمل نوں پورا کيتا۔ پہلا محدود ایڈیشن دیاں جمع کیتیاں جاݨ آݪیاں تھاݪیاں 'بی ہائنڈ دی فروزن ونڈو' دا سہرا 1895 وچ ڈنمارک دی کمپنی Bing & Grøndahl نوں مِݪیا۔ کرسمس پلیٹاں بہت مقبول ہوئیاں کیونکہ بہت ساریاں یورپی کمپنیاں نے ایہناں نوں 1910 وچ خاص طور تے رائل کوپن ہیگن نے تیار کیتا تے روزینتھل سیریز نے، جو 1910 وچ شروع ہوئی سی۔
This article uses material from the Wikipedia شاہ مکھی پنجابی (Shāhmukhī Pañjābī) article تھاݪی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.