اغادیر
اغادیر افریقی دیس مراکش دا شہر تے سوس ماسہ درعہ علاقے دا صدر مقام اے ۔ 2004ء دی مردم شماری دے مطابق اسدی آبادی 2 لکھ دے نیڑے اے ۔
تریخ
گھبلے ویلےآں چ ایہہ شہر مچھیرےآں دی بستی سی جسنوں اغادیر العربا آکھئیا جاندا سی ۔ 1505ء چ پرتگالیاں نے اس شہر چ تجارتی چوکی بنائی جسدا ناں سانتا کروز دو کابو دے گوئے رکھئیا تے شہر دی سربراہی لئی اک گورنر مقرر کیتا ۔ 1541ء چ شہر وطاسی سلطنت دے حکمران ٹبر دے اقتدار ہیٹھ آئیا تے ساحل تے ابھریاں ہوئیاں چٹاناں تے اک قصبہ تعمیر کیتا گئیا ، تے شہر تقریبا 2 صدیاں تک عروج تے رہئیا ۔
1911ء چ اک جرمن جنگی کشتی دی پینتھر اس دے ساحل تے آئی جہڑی باصابطہ طور تے ایتھے موجود جرمن باشندےآں نوں بچان لئی بھیجی گئی سی ، پر ایتھوں ای جرمنی تے فرانس وچکار اغادیر بحران شروع ہو گئیا جس نال فرانس نوں پورے مراکش تے مل مارن دا بہانہ لبھ گئیا ۔
This article uses material from the Wikipedia شاہ مکھی پنجابی (Shāhmukhī Pañjābī) article اغادیر, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.