Die Personifikation, Personifizierung odda fictio personae ischn redorische Gniff unnen Deng'gfehla, wuma endwedda Dier, Blonze, Gescheschdend, Doode, Ideje, abschdragde Dinge odda Wesehaide ä Schdimm (Prosopopöie; vum griech.
Dialegd: Schbaimarisch |
προσωποποιία prosōpopoiía) odda menschlische Ziesch gibd odda awwa a ä kinschdlarischi odda religjesi Aad, ebbes dazuschdelle, wie zum Baisbiel Nadurgewalde als Wese. Gons allg'moin komma a vum Anthropomorphismus redde, wassma widda alsn Schezialfall vunna Metaffa ogugge konn.
Personifikatione sinn ä ofd oigsedzdes Schdielmiddl inde Lyrik unn Epik, wuma a laischd erkenne konn.
Baischbiel:
A Ausdrigg wie „de Vadda Schdaad“, „die Mudda Nadur“ odda „Vädasche Froschd“ keren zude Personifikatione.
Die Personifikation werd a inde Bolidigg odda Werwung oigsedzd. Gundsedzlisch werd midd dem Schdielmiddl än Tegschd unn soi Bodschafd lebendischa unn die Zuhera kennens laischda erfasse unn es erhehd a die Uffmergsomkaid vunde Laid. De Laid isch des awwa donn nemme uubdingd so glaa und b'wussd.
Baischbiel:
De Paul Slovic, Professor onde University of Oregon fa Psischologie hodd die Hilfsb'raidschafd vunde Laid unnausuchd unn im Addigl „If I Look at Mass I will Never Act“ (wonn ich uff die Meng gugg, werisch nie hondle) vaeffendlischd. S'Ergewnis isch, dass Laid Gfiehl hawwn und helfn, awwa do'd'zu mussma die Laid, wu Hilf brauchen unn ihr Siduadzion a seje und deswesche a middfiele kenne. Uupersenlische Schdadisdigge unn gons allg'moin räumlischi odda zaidlischi Dischdonse zum Gscheje odda de Mensche, wus schleschd gehd odda gonge isch, lossen die Laid kald. Iwwa soi Ergewnis hodde Paul Slovic gsachd, dasses „affect“ (Affekt) brauchd, domid die Laid Gfiehl nochvollzije kennen. De „Affekt“ sachde Laid, ob ebbes rischdisch odda falsch isch unn des erlewe vunnem „Affekt“ b'weschd die Laid zu urdaile, zu endschaide unn zu hondle. Än zwedde, wischdische Faggdor isch die “Attention” (Uffmergsomkaid). Ä Schdadisdigg vunn Ermordede unn gons allg'moin roine Zahle unn B'reschnunge zu seje lossd die Laid kald. Bai äm Obfa isch die Hilfsb'raidschafd groß, werd awwa imma gleena, je mehr Obfa s'hodd. Was inde Nochrischde baide Laid Gfiehl, Urdell, Endschaidunge unn Hondlunge auslesd, sinn die B'rischd vun Änzelfell unn -schiggsal. Onnaschda gsachd, ma mussde Zahle ä Gsischd gewwe, alla personifiziere.
Bolidigga, wu ä Wirgung baide Masse erzaische wolln, sedzn gern die Personifikation fa zum Baischbiel abschdagde Ideje oi. Awwa a Populischde machen des, um Gfiehl baide Zuherer in ihrm Sinn zu erzaische.
This article uses material from the Wikipedia Pälzisch article Personifikation, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Was do drin schded isch unna CC BY-SA 4.0 vafieschba, wonn nedd onnaschda uffgschriwwe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Pälzisch (DUHOCTRUNGQUOC.VN) is an independent company and has no affiliation with Wiki Foundation.