Subt: Klup di futbòl na Korsou

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

E klup ta hunga den Liga Kòrsou i tabata pa hopi aña un di e klupnan mas destaká di e isla. E ekipo di SUBT, tambe konosí komo "barikahel", a titulá kampeon di Kòrsou i ganadó di Kopa antiano na varios okashon.

SUBT

Fecha di fundashon òf kreashon	1925
Deporte	futbòl
Pais	Kòrsou
Liga	Liga Kòrsou
Akomodashon	Stadion dr. Antoine Maduro
Sede	Willemstad
Wèpsait ofisial	http://www.subt.cw/index.php/nl/

Dia 17 di sèptèmber 1925 un grupo di hoben na Kòrsou, dirigi pa Antoine Maduro, Ricardo Goeloe i Emilio Jansen, ta lanta CSC Trappers. E promé presidente tabata Ricardo Goeloe. Dia 15 di mei 1936 CVV Bismarck i CSC Trappers ta uni bou di e nòmber Sport Unie Bismarck-Trappers (SUBT) i na 1939 e klup di futbòl Feyenoord tambe ta djòin. Na 1942, durante Guera Mundial II, ta kambia e nòmber pa Sport Unie Brion-Trappers komo ku e referensia na Bismarck tabata indeseabel.

Na 1938 e ekipo ta titulá pa promé bes kampeon di e torneo di Federashon Futbòl Kòrsou. E tabata kampeon di Kòrsou na 20 okashon i ganadó di e Kopa antiano na seis okashon.

Desde 2008 Ebell Scharbaai ta presidente di e klup. Entrenadó ta Reynolds Mercera.

Stadion

SUBT ta atkerí su propio velt na 1948, konosí komo vèlt di SUBT of stadion di Kintjan. Organisando varios rifa den kurso di tempu, e klup por a genera entrada pa entre otro konstruí i mantene un stadion. Na 1985 e stadion a wòrdu dediká na Antoine Maduro, kende tabata e hungadó mas remarkabel di SUBT fuera di ser ko-fundadó i un di su promé presidentenan. Stadion dr. Antoine Maduro tin aktualmente un kapasidat pa 7000 persona i ta situá na Willemstad, den bario di Vredenberg serka di Kintjan.

Kopa Wilhelmina: 3

• kampeon na 1939, 1941, 1943
• supkampeon na 1937, 1938

Kopa Juliana: 6

• kampeon na 1951, 1952, 1953, 1956, 1959, 1967
• supkampeon na 1955

Kopa antiano: 6

• kampeon na 1969, 1979, 1980, 1982, 1983, 1984
• supkampeon na 1960, 1972, 1975/1976, 1979/1980, 1982, 1990/91, 2002

Sekshon Pagá: 20

• kampeon na 1938, 1940/42, 1944/46, 1947, 1948, 1950/51, 1951/52, 1953/54, 1955, 1956, 1957, 1959, 1971/72, 1976/77, 1979, 1980, 1982, 1983, 1984, 1985
• supkampeon na 1939/40, 1942/43, 1943/44, 1960, 1964, 1969, 1970, 1974/1975, 1981, 1990/91, 2002

• CONCACAF Champions Cup: 8

1970 – promé buelta; derota kontra Racing Club Haïtien
1973 – di dos buelta; derota kontra SV Transvaal 9 - 3
1980 – promé buelta; derota kontra SV Robinhood 5 - 2
1981 – di dos buelta; derota kontra SV Transvaal 3 - 1
1983 – di tres buelta; derota kontra SV Robinhood 4 - 1
1984 - resultado deskonosí
1985 – di dos buelta; derota kontra CRKSV Jong Holland 2 - 1
1991 – promé buelta; derota kontra SV Transvaal 6 - 0

•   Perucho Koolman
•   Antoine Maduro