Lucille George-Wout (☆ 26 di febrüari 1950 na Kòrsou) ta un polítiko di Kòrsou.
Desde 4 di novèmber 2013 e ta nombrá gobernador di pais Kòrsou. Su predesesor tabata Frits Goedgedrag.
Pais di nashonalidat | Reino Hulandes |
---|---|
Nòmber di dilanti | Lucille |
Fecha di nasementu | 26 febrüari 1950 |
Lugá di nasementu | Kòrsou |
Okupashon | politiko |
Funshon | Gobernador di Kòrsou |
Partido polítiko | Partido MAN, Partido Alternativa Real |
Lucille Wout ta kaba MULO na Wilhelminaschool na Willemstad i ta kontinua su estudio na e akademia sosial katóliko na Sittard, Hulanda. E ta termina esaki riba nivel HBO komo trahadó sosial hubenil i a traha riba e tereno aki na Kòrsou entre 1971 i 1980.
Na 1979 e ta drenta arena polítiko riba lista di partido MAN i tabata miembro di Konseho Insular di Kòrsou entre 1980 i 1984 i entre 1986 i 1990. El a fungi tambe komo diputado di teritorio insular di Kòrsou di 1980 pa 1984. Den e añanan 1980 te 1984 i 1986 te 1988 e tabata miembro di Parlamento di Antias Hulandes. Aki e tabata okupa su mes ku temanan manera maneho finansiero i sosial i vivienda. Despues di tuma un pousa di partido MAN George-Wout ta retira for di polítika, aunke no pa largu.
Na 1993 George-Wout tabata kofundadó di Partido Antiá Restrukturá (PAR) i tabata desde 1994 miembro di Parlamento di Antias Hulandes. E mesun aña e ta keda elegí presidente di parlamento, e promé dama pa okupá e funshon aki. Despues di su retiro na 1998 e ta wòrdu nombrá minister di Relashonnan Interior, di Trabou i di Asuntunnan Sosial di Antia Hulandes den e gabinete Pourier III di 1999 te 2003.
George-Wout ta kasá ku Herman George, eks-polítiko di partido MAN i eks-direktor di Fundacion Kas Popular.
This article uses material from the Wikipedia Papiamentu article Lucille George-Wout, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.