Molina Di Biento: Konstrukshon ku ta konverti energia di biento den rotashon di e alanan

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Esaki ta sirbi pa entre otro genera energia y electricidad. Den pasado e molina di biento tabata wordo uza pa pomp of hala awa, mula trigo, saca zeta for di e pipita di diferente simia y zaag palo.

molina di biento

Supkategoria di	mill, industrial structure, mill building
Has use	energy
Source of energy	wind power
Used by	miller
Belarus Globe URL	https://globustut.by/type_tn_windmlyns.htm

Ta distingui dos tipo principal di molina di biento:

• e molina di biento tradicional, cu a hunga un rol importante te siglo 18.
• e molina di biento industrial, cu ta sirbi pa genera electricidad y cu den ultimo decadanan a bira mas importante como fuente di energia (tipo turbina di biento).

For di fin di siglo 19 e islanan ABC a kuminsa importa molina di biento, tipo cu pomp, for di Merka pa distribucion di awa. Na Corsou tabata uza e molina pa irigacion, en particular pa por cultiva terenonan mas eleva. Despues plantashinan cu un propio fuente di awa tambe a kuminsa usa molina di biento pa saca awa. Na Aruba y Boneiro e molina di biento tabata wordo uza pa pomp awa di pos of di regenbak, sea pa uso propio of pa distribucion general pa medio di tubonan.

Na mart 1911 a instala den Riffort aparatonan di telegrafia sin kabel y un molina di biento cu un dinamo como motor pa electricidad pa nan funcionamento. Esaki tabata e prome den su tipo y uzo den colonia Kòrsou i Dependensianan. Un luna despues a sigui cu instalacion di telegrafia na Boneiro den Fort Oranje, unda tabatin un molina di biento cu un antena di 16m pega na dje.

Desde 1961 tin na Aruba un molina di biento tradicional, De Olde Molen, cu a wordo importa for di Hulanda pa sirbi como atraccion turistico.

•  
  Plantashi na Corsou cu posnan di awa y un molina di biento
•  
  Molina di biento riba un pos di awa na Museo Archeologico di Aruba
•  
  Molina di biento pa produccion di salu na Boneiro
•  
  Molina di biento hulandes "De Olde Molen" na Palm Beach, Aruba