Indeks di Big Mac ta un método informal di kalkulashon di paridat di forsa di kompra basá riba e preis di un Big Mac (un hambùrger di e kadena mundial di restorant McDonald's) den kualke pais.
Nòmber duná di | Big Mac |
---|---|
Nombra pa | The Economist |
Publisher | The Economist |
Wèpsait ofisial | https://www.economist.com/content/big-mac-index |
E indeks akí ta un kreashon di e semanal británico The Economist na 1986, i ta hasi posibel kompará diferente moneda ku dòler merikano. Ora kompará poder di kompra di dòler merikano ku un otro moneda, bo por mira kuantu dòler e moneda ei ta bal 'realmente' i si e preis di interkambio ta demasiado haltu òf muchu abou.
Den e kaso akí ta hasi e komparashon na un manera hopi simpel, unda ta analisá e preis di un Big Mac, ku nan ta produsí i bende rònt mundu, i asina ta evaluá balor aktual di e moneda.
Por ehèmpel, na yüni 2005, un Big Mac tabata kosta un averahe di USD $3,06 den kuater siudat merikano, mientras den paisnan di euro e tabata kosta un averahe di € 2,91. Pues por a kumpra e mes un kos pa USD $ 3.06 i alabes € 2.91. Segun e kalkulashon akí e balor "real" di un euro lo tabata 3.06 / 2.91 = 1.05 dòler. Esei ta nifiká ku e preis di interkambio na e momentu ei (USD $ 1,23 pa 1 euro) tabata 17% muchu haltu. Segun e mesun lógika, rubel ruso tabata 52% infrabalorá i korona di Noruega 98% sobrevaluá.
E motivashon pa uso di e indeks akí ta ku un Big Mac ta un sorto di "makutu" di produkto (karni, pan, kròpslá, pero tambe un komponente di labor i elektrisidat), p'esei e ta un averahe rasonabel di e nivel di preis den un ekonomia. Komo ku tin restorant di McDonald's kasi tur kaminda i ku nan ta kumpra nan produktonan lokalmente, e komparashon ta unu interesante. E revista mes ta yam'é "a more fun way to understand exchange rates than textbooks."
Tòp 6 mas karu (18 yüli 2018)
Tòp 6 mas barata (18 yüli 2018)
Tòp 6 ku ta gana mas lihé (yüli 2015)
Tòp 6 ku entrada mas abou (yüli 2015)
Referensia
|
This article uses material from the Wikipedia Papiamentu article Indeks di Big Mac, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.