Ellen Spijkstra: Keramista i fotografo di Korsou

Pais di nashonalidat	Reino Hulandes
Nòmber di dilanti	Ellen
Fecha di nasementu	1957
Lugá di nasementu	Hattem
Lenga materno	Hulandes
Dominio di idioma	Hulandes
Okupashon	ceramicist, photographer
A studia na	Academie Minerva, Rochester Institute of Technology, New York Institute of Photography
Residensia	Kòrsou
Lugá di trabou	Kòrsou
Wèpsait ofisial	https://ellenspijkstra.com/
Status pa derecho di autor como creador	obra protehi pa derecho di autor

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Bida

Spijkstra a studia na Akademia Minerva na Groningen. Na aña 1980 el a muda pa Kòrsou ku su kasa, Eric de Brabander. Na 1985-1986 el a sigui un kurso di trahamentu di glas na Rochester Institute of Technology na New York i despues a kompletá su maestria den arte keramiko riba materianan teorétiko di trahamentu di klei i glas den forno. Na Kòrsou e ta kuminsa e tayer pa keramik Girouette i a duna kursonan di keramik te 2012. Inisialmente fotografia tabata solamente un hobby, pero despues di gana un konkurso lokal di fotografia, el a kontinua pa desaroya su talento riba tur dos tereno. Na 1991 el a finalisá un kurso di fotografia na New York Institute of Photography.

Gran parti di e inspiracion di Spijkstra ta basá riba e naturalesa di Kòrsou. E ta kombina su keramik ku fragmentonan di baranka i koral i ta integrá potretnan di koral den su obranan di keramik. Su temanan prinsipal ta tera i awa, bida i dekadensia. E ta traha obranan di keramik den diferente grandura, di chikito te monumental i ta produsi esakinan preferibelmente den seri.

Spijkstra a duna les na entre otro Instituto Buena Bista na Kòrsou, Ateliers '89 na Aruba i Taller Escuela Arte Fuego na Caracas. Komo "artist in residence" el a traha na Taller Varadero na Cuba (di shete Biënnale di Havana), Resen International Ceramic Colony na Resen (Nort Macedonia) i Shangyu Celadon Modern International Ceramic Center na Shangyu, China.

E ta miembro di e "Académie Internationale de la Céramique", establesi na Ginebra.

Publikashon

Global Local: Ellen Spijkstra Ceramics and Photography. Harderwijk: d'jonge Hond, 2008, ISBN 978-90-89100-73-3.

Exposishon solista

2019 Ellen Spijkstra - An artistic journey, Museo di Kòrsou, Kòrsou
2015/18 Open atelierroute, Studio Girouette, Kòrsou
2013 Oud en Nieuw, Avila Beach Hotel, Kòrsou
2009 Ellen Spijkstra, Photography and Ceramics, Galerie Taptoe, Brusela
2008 Global Local, Galeria Bloemhof, Kòrsou
2008 Photo imagen, Embahada di Fransia, Santo Domingo
2008 Kleurgamma Downtown, Amsterdam
2006 Ellen Spijkstra, Galerie Blow-up, Amsterdam
2005 Baranka Kòrsou, Galeria Alma Blou, Kòrsou
2004 Waterwerk, Museo Marítimo, Amsterdam
2003 Passage of Time, Art Studio Insight, Aruba
2000 Curaçao Harbor Tour, Museo Maritimo Kòrsou
1993 Premio di di dos lustro, Museo di Kòrsou
1989 Ellen Spijkstra, Taller Escuela Arte Fuego, Caracas
1988 Ceramic sculptures and photographs, Museo di Kòrsou

Premio

2023 Premio Cola Debrot pa su kontribushon na arte na Kòrsou.
2015 Menshon di honor, Gyeonggi International Ceramic Biennale, Sur Korea
2014 Best Work of Art Tile, Elit-Tile 2014/2015, Premio Fundación Susana de Moya, Republika Dominikano
2000 Award final selection, Sixth Taiwan Golden Ceramics Awards Exhibition; the opening exhibition of the new Taipei County Yingko Ceramic Museum, Taiwan
1999 Menshon di honor Arte '99, Kòrsou
1993 Premio di e lustro di Museo di Kòrsou, Kòrsou
1990 Award of Merit, konkurso internashonal di fotografia 'Romance', New York Institute of Photography, New York
1989 Di tres premio, konkurso internashonal di fotografia 'Architecture', New York Institute of Photography, New York
1985 Best of category, The Strong Art Show & Sell, Rochester (New York)
1985 Promé premio, konkurso di fotografia Inner wheel, Kòrsou

Galeria

Keramik

Totem of Confusions (60×30×220 cm), obra di klei pa e di shete Biënnale di Havana, 2000
Frozen Turmoil (20×18×30 cm), obra di klei, koral fosilisá i stal, 2004
Presenting the Stone V (20×20×30 cm), obra di klei, porselana, piedra fosilisá, piedra di koral i stal, 2004
Flor di Sumpiña (20×20×65 cm) exhibí na Katedral di sumpiña, 2020

Fotografia

Mi Kacho, 1992
Curaçao Harbor Tour no 1, 1998
Detaye di snoa, 2007
Ritual pa union i forsa, 2017

Mira tambe e kategoria Ellen Spijkstra di Wiki Commons pa mas dato mediatiko tokante di e tema aki.

Referensia

E artíkulo aki òf un vershon anterior di dje ta un tradukshon di e artíkulo Ellen Spijkstra riba e Wikipedia hulandes, ku ta kai bao di e lisensia Creative Commons Attribution/Share Alike. Mira e historia di edishon einan.

Lista di fuente

Wepsait ofisial di Ellen Spijkstra
Jan Gulmans, Beeldende kunst van Curaçao, Aruba, Bonaire, Saba, Sint Eustatius en Sint Maarten, LM Publishers (2019), ISBN=978-94-6022-473-7, pag. 80-83
Jennifer Smit & Felix de Rooy, Curaçao Classics, KIT Publishers (2012), ISBN=978-9460221637, pag. 136-139
Ellen Spijkstra. Curaçao Art. Konsultá dia 28 aprel 2023.
Felix de Rooy en Kirk Claes, Rust & Coral. YouTube.

This article uses material from the Wikipedia Papiamentu article Ellen Spijkstra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.