Katedral Di Sumpiña

E Katedral di sumpiña ta un obra di arte gigantesko den kura di Lanthùis Bloemhof na Willemstad.

    E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

E obra ta di e artista visual kurasoleño-hulandes Herman van Bergen. Suptítulo di e katedral ta homenahe na libertat spiritual, siendo na mesun momentu un homenahe na e indjan kaketio, habitante original di Kòrsou.

Katedral di sumpiña
Katedral Di Sumpiña
Fecha di fundashon òf kreashon2015 Editá
PaisKòrsou Editá
Situá naWillemstad Editá
Kreá paHerman van Bergen Editá
Ta konmemoráCaquetio Editá
Made from materialWabi Editá
Apertura ofisial2 febrüari 2020 Editá
Wèpsait ofisialhttps://cathedralofthorns.com/ Editá
Katedral Di Sumpiña
Interior di Katedral di sumpiña
Katedral Di Sumpiña
Interior di Katedral di sumpiña

Meta di e obra ta pa krea un sentro multi-religioso, spiritual i artístiko, ku ta funshoná komo espasio pa kontemplashon personal i reflekshon kolektivo riba pasado, presente i futuro di humanidat den balansa ku medio ambiente, naturalesa i planeta tera. E promé panel a wòrdu simbólikamente instalá dia 15 di desèmber 2012 pa Michèle Russel-Capriles, e tempu ei presidente di fundashon Prins Bernhard Cultuurfonds Caraibisch Gebied (PBCCCB). Inougurashon ofisial a tuma lugá dia 2 di febrüari 2020.

E obra ta un struktura estilo katedral ku ta 10 meter altu i ku un superfisie di 400 meter kuadrá. Ront di un skeleto di hero ku su forma di baranka manera esunnan banda di Sint Willibrordus, a usa 30 mion taki di sumpiña di palu di wabi (vachellia tortuosa). Sumpiñanan a wòrdu rekohé e.o. na Bullenbaai, Caracasbaai i Barbarabeach. Van Bergen, na 2016 ganadó di Premio Cola Debrot, a traha ku un ekipo di 18 hóben desempleá ocho aña largo pa realisá e proyekto.

E interior di e katedral ta un laberinto iluminá ku ta integrá diferente skultura i símbolo di diferente religion. Den e murayanan tin vários espasio habrí unda obranan di arte ta eksponi. Na febrüari 2024, e katedral tabata kontené un kolekshon di mas ku 45 obra di arte.

E katedral a atraé te mil bishitante pa dia den e promé lunanan despues di su apertura. Ku surgimento di e krisis di corona e kantidat aki a baha, kual a resulta den un total 90.000 bishitante den e promé 12 luna. Na okashon di su promé aniversario Studio Loos ta lansa na febrüari 2021 un produkshon di video, den kual diferente artista i otro persona konserni ta hiba palabra. Komo iluminashon di e obra ta duna un toke adishonal na su efecto mágiko i bunitesa e katedral ta habrí desde 7:00 pm kada promé djabierna di kada luna.

Zweites Deutsches Fernsehen (ZDF), un planta di televishon aleman, a traha un dokumental tokante e katedral na 2023.

Premio

Na 2020 e obra di arte a gana dos premio di CODA, den kategoria "Landscape" i "People's Choice". E tabata e promé biaha ku e mesun proyekto a gana dos premio. CODA ta un plataforma merikano kaminda artista, diseñadó i arkitekto por presentá nan mes. Na 2022 Herman van Bergen a risibí di International Sculpture Center e "premio inovashon", un rekonosementu pa inovashon kreativo di individuo, organisashon òf kolektivonan ku ta desaroyá ideanan nobo den e área di skultura kontemporáneo.

Galeria

Katedral Di Sumpiña  Mira tambe e kategoria Katedral di sumpiña di Wiki Commons pa mas dato mediatiko tokante di e tema aki.

Tags:

CaquetioHerman van BergenHulandaKòrsouLanthùis BloemhofWillemstad

🔥 Trending searches on Wiki Papiamentu:

ѠUniversity of CuraçaoKarachi1967Historia20 di yüliAfrikaSiberia30 di aprel1986TurismoDerechi di ImportashonReferèndumGènesis26 di martArubaDemografia di KòrsouArnold SchwarzeneggerOrígen di e Buki di MormonAfrikaans30 di desèmberCristiano Ronaldo19 di desèmberEmiratonan Arabe UníItaliaPapiamentuNashvilleFonologiaDen HaagNapolitanoTeksasLucila Engels-Boskaljon1944LeidenЗLuc AlofsRobin WilliamsChileLunaLibiaRoyal Dutch ShellNepalBejing5 di desèmber1942Brua22 di yanüariDi Dos Guera MundialAlemánЂWisconsinCaso gramaticalVlaanderenAlbaniaQuebec CityKabo VerdeBandar Seri BegawanMultilingualismoCola Debrot9 di martTailandiaBoliviaArthur SchopenhauerPeléNIVRA🡆 More